ارجوكم البنات مساعدة يالحراير شكون عندها ؟؟؟؟؟؟؟؟؟؟؟؟؟؟؟؟؟؟؟؟؟

رحيق الورد · 2014-07-22, 01:34

البنات يالحراير

شكون عندها وصفة غريبة الحمص تجي بنينة و طرية كيما تع توانسة

راجلي حابني نديرهالواااااااااااااا

رحيق الورد · 2014-07-22, 04:09

36 مشاهدة ولا رد شكرا على المساعدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سمسومة 05 · 2014-07-22, 04:40

غدوة باذن الله رح نديرها وتجي تهبل وتذوب في الفم انشالله نحط المقادير والصور اذا قدرت لاني مانعرفش مازال مبتدئة

mayabella · 2014-07-22, 09:14

شوفي ختي ديري

كاس زبدة ذايبة
1/2 نصف كاس سكر قلاص
كاس حمص مرحي يعني تع الكرنتيتة
2 كيسان فرينة

تخلطي الزبدة مع السكر ملييييح بالباتور
امبعد تضيفي الفرينة و الحمص

تلمي العجينة في شكارة و خليا ترتاح 20 الى 30 دقيقة
امبعد تشكليا كيما حبيتي

او ابسطي العجينة و قطعي بالطابع هلالات صغار
زعما هلال العيد

تجي روعة اممم
صعيبة شوية في التشكيل لاكن رائعة

سمسومة 05 · 2014-07-23, 05:59

راني جيت يا اختي والله مانسيتك اليوم درتها وجات تهبل انا وصفتي ندير كيلة سمن ذايب وبارد واقل من الكيلة بشوي سكر ارطب اذا حبيتيها حلوة واذا حبيتي حلاوتها معتدلة ديري نصف كيلة سكر ارطب خلطي مليح ثم اضيفي حمص مرحي ناعم جدا وتكوني حمستيه في المقلاة باه يمد طعم مليح ديري كيلة حمص ورشة ملح وشوي فاني ورشة خميرة كيميائية ولمي بالفرينة حتى تكون عجينة طرية كي تحكميها بيدك تتشكل معاك هذا النوع لازم نديروه بالمحقن لكنها تغلبك شوي في التشكيل تتفتت لازمها شوي صبر انا اليوم مادرتهاش بالمحقن درت بمول المعمول وكانت النتيجة راااااائعة انا حطيت ورق الطهي في البلا وحطيت الحبات كي تشوفيها طابن من التحت شعلي من الفوق حمريها شوي برك باه تحكم روحها ولما تخرجيما ماتمسيهاش خليها تبرد خلاااااااااااااص باه ماتتفتتش وهي سخونة نرش عليها قليل من السكر الارطب باه يلصق فيها وتجي شابة عند التقديم وصدقيني خفيفة وتذوب في الفم وبنة الحمص وريحتو تهبل تنمنى نكون افدتك ونتمنى تجربيها