خلصة جوان وجويلية

[souso30]

سلام عليكم اليوم تلقيت صديقتي سولتها على خلصة تاع جوان لاننا في تلنسان نخلصو في 14 وهد شهر عطل. علينا بزأف قالت لي مشيت مفتشية تربية ندفع عقد تجديد و اخبروها اننا اصحاب عقود ما قبل التشغيل منخلصوش شهرين الكن لم تخبرني السبب مع العلم انا عقدي من بلدية و اشتغل فبي مدرسة شكون فيكم يعرف السبب افيدونا ارجوكم صح فطوركم

[dalal batna]

هذيك خلصة جويلية واوت وحسب ما يدعون السبب انه المؤسسات التربوية تكون في عطلة يعني اصحاب العقود لا يشتغلون وبالتالي ما لازمش يخلصوا،هذه يسموها سرقة بالألوان

[ياسين4684]

المشاركة الأصلية كتبت بواسطة dalal batna

هذيك خلصة جويلية واوت وحسب ما يدعون السبب انه المؤسسات التربوية تكون في عطلة يعني اصحاب العقود لا يشتغلون وبالتالي ما لازمش يخلصوا،هذه يسموها سرقة بالألوان

و لن حتى المرسمين يكونون في عطلة و يتقاضون رواتبهم عاديا ادن فهدا كله هراء

[souso30]

خدمنأ جوان ومزلنا نخدمو دويلية مشكل مشي في هدأ امر مشكل في حاخة اخرى اصلا اوت عطلة سنوية مدفوعة اجر وشهر جوان خدمنأه كاملا في شهور ماضية احد اعضاء حط اعلان عن هده مشكلة

[dalal batna]

المشاركة الأصلية كتبت بواسطة ياسين4684

و لن حتى المرسمين يكونون في عطلة و يتقاضون رواتبهم عاديا ادن فهدا كله هراء

واش رح نقولك انشاءالله يكون هراء

[سليماني11]

الله يجيب الخير

[منير2]

خبر كاذب مستحيل ما يخلصوهمش

[نور الجنة س]

انا فاني سمعت
لكن حنا لي نخدموا في ادارة نخدموا كل يوم و عندنا شهر في عام

[amine eco]

تخلصوه عادي خليكم من خرطي

[ياسين4684]

المشاركة الأصلية كتبت بواسطة dalal batna

واش رح نقولك انشاءالله يكون هراء

لا تقلقي أختي أنا متاكد 100% بأنه هراء و لا تشغلي تفكيرك في هذا الموضوع و السلام عليكم

[فاطمة 14]

نحن في ولاية تيارت جاءت مراسلة بتجميد راتب شهري جويلية و أوت وسمعت أنها جاءت في بعض الولايات و لكن الأمر وصل إلى وزارة الشغل و قاموا بإرسال تعليمة تلغي ما قبلها و بالتالي قالونا عندكم شهر تخدموه و عطاونا مقرر بيان عطلة مرفوق بورقة تنقيط في مكان ساعات العمل كا تبين عطلة سنوية و قالونا خيروا تدوا عطلتكم يا في جويلية أو أوت أنا راني نخدم جويلية ودفعت البوانتاج عادي و خيرت أوت عطلة

[نور الجنة س]

rahi dakhlat khalsa

[بصيص أمل]

https://www.al-fadjr.com/ar/national/278649.html

[amine eco]

ههههههههههههه مازلت تأمن بجرائد خويا

[dalal batna]

المشاركة الأصلية كتبت بواسطة ياسين4684

لا تقلقي أختي أنا متاكد 100% بأنه هراء و لا تشغلي تفكيرك في هذا الموضوع و السلام عليكم

ما نقلق ما والوا ،اصلا انا غير معنية بهذه الخلصة ربي فتح علي بمنصب عمل.لكن الصراحة ما نقدرش نستغنى عن هذا القسم لانو ما يحس بالجمرة غير لي كواتو ربي يفتح عليكم كامل وتتهناو