ناس بيرج بوعريريج ، مناش رايحين نفيقوا

[مراد الأمل]

السلام عليكم ورحمة الله و بركاته، رمضان مبارك للجميع
ياناس البرج شفتوا شحال وصلوا الملفات في الإبتدائي ولّا مشفتوش ؟؟؟
راهي كارثة حقيقيّة ، الملفات راهي وصلت نبشّركم إلى عشرة آلاف ملف (10000) انعم يا سيدي عشر آلاف في الإبتدائي ، وعلاه وصلت لهذا العدد ؟؟
ببساطة لأنهم غزاونا من ولايات مجاورة بما لا يعد ولا يحصى ،، في حين حنا كي نوينا نحطوا في ولايات مجاورة كلّها فرضت الإقامة،،
جماعة البرج أنا حبيت نوصل رسالة وهي أننا إذا لم نتحرك من الآن سوف نندم ، لما لا نذهب فقط إلى مديرية التربية و نفرض نحن أيضا الإقامة ،
وديرو في بالكم مليح إذا متحركناش درك هاذو لي يشاركوا خارج الولاية هوما لي رايح ينجحوا لانهم أصلا جااو وعندهم معريفة من الأول ،
إن شاء الله لا نندم في الأخير
والله العظيم يا إخوتي ليس قصدي بهذه الأسطر أي عنصرية ، ولكن هي من باب العدل و التنظيم ، يعني اللإقامة هاذي إما نعمّوها على الكلّ أو نلغوها على الكلّ
والسلام عليكم و رحمة الله و بركاته