استدعاءات الخدمة الوطنية عاجل

albatros_aek · 2014-07-15, 12:39

سلام شباب ربي يحفظكم لنا سؤال ممكن اجابة
انا متخرج من سنة 2010 و جاوني زوج استدعاءات و ما روحت لانو الاستدعاء الاول فيه خطا بالرتبة حسبولي سنة ثالثة جامعي بسبب اني ما كاشيت في السنة الرابعة السورسي نتاعي و في الاستدعاء الثاني جاني نفس الخطا و روحت للمركز في البليدة صححتو كنت معول نروح و في اخر لحظة ما روحت .
هل فيه استداع ثالث ’? و لا راني روشارش دوك ?
عندي عملية جراحية على مستوى الرجل اليسرى لفوق داير زوج بروشي من حوالي 13 سنة كنت داير امل اني ندي العفو بسيتهم لكن ديما الخوف كاين ما يمدولي العفو. مع العلم عندي حساسية ايظا حكة في الجلد و انسداد تام في الانف بالتناوب كل مرة جيهة تتبلع.
ارجو المساعدة و توضيح الامور كل من ليه معلومة ما يبخل علينا ربي يجازيه .وباش تنصحوني .

صالح القسنطيني · 2014-07-15, 15:10

و عليكم السلام

تعفى أن شاء الله من المدرسة بسبب رجلك و أما الاستدعاء فهي لا تتوقف إلا بخروج أمر الالتحاق

albatros_aek · 2014-07-15, 18:49

اقتباس:

المشاركة الأصلية كتبت بواسطة صالح القسنطيني

و عليكم السلام

اخي جاني امر بالالتحاق مع الاستدعاء الثاني و ما زادو بعثولي ممبعد .

albatros_aek · 2014-07-16, 02:06

اخي صالح ارجو التوضيح يعني راني روشارش دوكا ؟ مدام جاني امر الالتحاق مع الاستدعاء الثاني ?
كنت نظن انو فيه ثلاث استدعاءات الله يجيب الخير.
باش تنصحني اخي الكريم اذا كنت روشارش في رايك يمدولي الاعفاء في المحكمة العسكرية ’

صالح القسنطيني · 2014-07-16, 03:37

توجه لمركز التجنيد و استفسر عن حالتك و إذا قيل لك بأنك عاصي اطلب منهم أمر التوجيه لمحكمة فيعطونك ظرفا تتوجه به للمحكمة و كون ملفا طبيا و متعلقا برجلك ضيع بين يدي المحكمة و لكن لا تتوجه للمحكمة فترات التجنيد

مرام 1987 · 2014-07-16, 11:17

ربي يكون معاك خويا وإن شاء الله يمدولك الإعفاء

albatros_aek · 2014-07-16, 16:44

اقتباس:

المشاركة الأصلية كتبت بواسطة صالح القسنطيني

توجه لمركز التجنيد و استفسر عن حالتك و إذا قيل لك بأنك عاصي اطلب منهم أمر التوجيه لمحكمة فيعطونك ظرفا تتوجه به للمحكمة و كون ملفا طبيا و متعلقا برجلك ضيع بين يدي المحكمة و لكن لا تتوجه للمحكمة فترات التجنيد

مشكور اخي الكريم لكن مع تخفيض المدة الى عام راح يكون ثلاث دفعات في العام يعني فترات التجنيد راح تتبدل كانت في سبتمبر و مارس دوكا الله اعلم.
باي وقت تنصحني اخي الكريم نروح قبل سبتمير هذا و لا نخلى مور سبتمبر خير ؟

اقتباس:

المشاركة الأصلية كتبت بواسطة mary1987

ربي يكون معاك خويا وإن شاء الله يمدولك الإعفاء

ان شاء الله شكرا ليك اخي ربي يحفضك.

صالح القسنطيني · 2014-07-16, 19:23

خلي بعد سبتمبر أفضل ان شاء الله

albatros_aek · 2014-07-17, 16:33

اقتباس:

المشاركة الأصلية كتبت بواسطة صالح القسنطيني

خلي بعد سبتمبر أفضل ان شاء الله

إن شاء الله ^__^ مشكور اخي الكريم على المساعدة بارك الله فيك و صحا رمضانكم و صحا فطوركم و السلام.