مشكلتي,,,,ساعدوني 2

[مشكلتي]

السلام عليكم
هذه تتمة مذلتي للاسف ولكن بداية حياتي انشالله
نقول للاخ غيليزاني برك انا مانيش جيعانة خويا لعزيز والله متخصني حاجة عندي 23 سنا واستاذة مالفوق والديا لزوج طبا ورباوني احسن تربية نخاف ربي ومتحجبة حجاب شرعي تعرف واش شرعي وصولح الدين منهدرش عليهم بيني وبين ربي هو يفرح بيا قدام ملايكتو الزين ربي قسمو والحمدالله اديت نصيب كبير والخطاب للان على من نرضى ونزيدك قاع انا نروح لفرانسا ونجي وعمرها ما غرتني الدنيا وعمري ماتنازلت على مبادئ في بلاصة الناس قاع تبدلهم فهمتني انا طلبت النصائح وطلبت القسوة ومزال راح نطلبها توا لكن رفقا بمشاعري اخي والله كيما يقولو تمرمدت واسمع واش صرالي
https://www.djelfa.info/vb/showthread.php?t=1625393
المهم بعد واش حكيت للاسف عاودت ذليت روحي وعيطت طلبت يفهمني واش قال ومردش ورحت حتى لدارهم باش اكلمني

وقالي واش حبيتي دوك وقتلو مكنتش قاصداتك وقالي يلا هكذا انا نتان مكنتش قاصدك وفوتها ووحد نهار حكالي على

واحد صاحبو قالي كلخ لزوج بنات وعدهم بالزواج وفاقو وصرا مشكل انا قتلو صاحبك رخيس وتم قريب كلاني على

جالو وقتلو هادي ما هيش نوعية نتاع صحاب وخليك منو قالي انت واش دخلك ومبعد قالي انت رخيسة انا تم تشوكيت

وقتلو لكان نعكسو الاية تقبلها انت قالي لكان انا دقيقة منزيدهاوكان نهار مقبل سبني على جال بنت عمو والله ملحقتها

وهو لحق واديا وخاوتي وصحاباتي والله نهار مسبيتو واقطع وراح كلمة سماح مقلهاش ولغدا من داك غيطلي لقاني

غالقة التيليفون زعما درت العز لروحي وكي دخلت لنات كلمني وقالي انت الغالطة ومصبتكش ونفس هاديك الهدرة

وقالي راك ديري راي صحاباتك وانت و0 كيفكيف وماكيش مرا وفالتالي قتلو انت خسرت انت تصلح قالي انت عيطي

واطلبي السماح على اللي عيطت ومرفدتيش وانا كنت حالفة ومعيطتش لغدا من داك خرجت لقيتو صدفة وفات عليا كي

شغل ميعرفنيش وتم انا لحقتو وعيطتلو ويا ريتني ما لحقتو بدا فالسبان قدام الناس والله كلام كبير انت كذا,,,,ورحي

كذا,,,,وانا منديكش والله منديك كنديش كذا,,,,,,,روحي ادي واحد كذا اتزوجي بيه وانا لاحقاتو هو يجري وانا موراه وهو

يقلي علاه راك لاصقة فيا بعديني انا منديكش سايي وكي شديت من حوايجو باش نلحقو اضربني كف وقعدت موراه

اييييييييه حتى وصل لدارهم هو يحل فالباب وانا نحي فالمفتاح وهو يقلي واش راك حابة مني انا منديش كذا وقتلو ايه

ارواح نقلك حاجة ورحنا غي تم حد الدار وقالي واش قتلو واشبيك قالي والو انا منديش رخيسة وانتكذا روحي كذا وانت

ماشي بنت فاميليا كاين بنات الفاميليا وعلاه راك لاصقة فيا وتجري موراياوعاود ولا رايح وداخل للدار عاودت هو شاد

المفتاح كيما المرة الاولا وانا نحيتهالو وقلبتو وهو يقلي روحي كذا انا منديكش وقلت ليما منديكش وعاود راح لدارهم

وهاد المرة ادخل وغلق الباب في وجهي وانا طبطبت وفتح وقالي واش حبيتي بابا راه راقد روحي واش حبيتي مني

واخرج وقتلو ايا نهدرو بعيد وكي اخرج راح ادابز مع واحد معلاباليش علاه تامنو والله انا نسلك فيه منو اديت ضرب

واش نقلكم وخرجو دارهم وباباه وسلكو ودخلوه وانا رحت وعاودت عيطت ارفد وقالي واش بغيتي قتلو غي بغيت

نشوفك وقالي علا وسايي قتلو ارواح كي كان جاي عاود لقا هداك الطفل والمشكل هاد الذراري قراو عندي

ويعرفوني وجا ليا واحد قالي استاذة مدرنالو والو وصغار هوما وعاودو اتضاربو وهرب الطفل ولحقو هو وانا والله

رفدت بليغتو وقعدت نحوس عليه وين راح ورجعت للدار وعيطتلو قالي راني فالكوميسارية وقالي انت السبا انا واش

دخلني ديجا ها ذراري حشمو مني والله وانا قتلهم خلوه مراهش مليح وعندهم وفاة وكذا على نيتي خوف عليه فالي لا

انت السبا المهم رجع لدارهم وعاودت عيطتلو فريب 100مرة ومرفدش وبعثت 2msg قتلو غي نشوفك وقتلو ارواح

نشوفك وقالي واش حبيتي مني سايي وجا لقاني قالي واش قتلو واش صرا مع الطفل قالي انت السبا لكان ملحقتنيش

وبدا قالي انت راك لاصقة فيا واش راك حابة انا منديكش وانت كذا ومنستحقكشش ومتستاهلي والو كاين اللي خير منك

وانا نقولو هلا قتلي رخيسو قالي عندي بزاف حابة نقولهالك انت مرة قلتيلي كذا وانا والله العظيم وصيامي باطل مقلتها

ولا لحقتو وقالي واش راك حابة راك رخستي بروحك وطيحتي بروحك وذليني روحك والراجل هو اللي يجري مور لمرا

ماش المرا انت راك تجري مورايا خليني نروح وكل مرة يحب يروح منخليهش يقولي خليني نروح لدارنا وانا نقولو وايه

كيفاش يقولي سايي انا منسحقش وحدا خرجت بلا اما تقولي انا كنت ندي منو الاذن باش نروح لكاش بلاصة مي كي

قالي رخيسة زعفت وقارعتلو يطلب مني السماح وهكذا ذليت روحي وشاده فيه وهو يحب يروح انا نشدو من حوايجو ي

قلي متمسنيش بعدبني ايا وقالي انت و 0 كيف كيف عاودها وكاين بنات الفاميليا وشوفي كاش رخيس وكذا يديك ايا

كي قالي هكداك ازعفت ودمرتو وضربتو للكتف وشديتو متريكو حتى ضربني ب 2 بوكس للفم الدم سال فاللارض والله

وتم بكيت بكيت وراح وخلاني وعاود رجع قالي رجلتي رجعتني ماشي على جالك وسكت تم وقالي سايي نوض

وروحي عند باباك واتزوجي وروحي لفرنسا المهم قالي نوضي تروحي نوصلك في وجه لافامي ورحت موراه ومبعد

لحقتو وقالي واش حبيتي قتلو واش قالي شكون الظالم انا ولا انت قالي والظالم واش يقول قتلو اسمحلي على كلش على

اللي مرديتش عليك وعلى خرجت بلا ما نقلك وعلى اللي غلقت التيليفون وقاع وفاتالي قالي واش قتلو ودوك الحل قالي

الحل هو روحي للدار تم ربي ينزل عليك الوحي تفهمي وحدك قتلو لا انا مانيش رسول انت قلي قالي سايي كملنا قتلو

مي طلبت منك السماح قالي لالا ديريني كملت انا كرهتك وهنا رحت روحت والله وحق ربي انكويت ضربة صحيحة ابكيت

ابكييييييييت انشويت هذاك النهار افطرتو من عند ربي والله وفاليل يبعثلي msg يقولي نعطيم فرصة عاودي عيطي

واطلبي السماح ونهدرو وانا دوك والله اتعلمت انذليت اتمرمدت انا علاه يا ناس واش بيا ان علاه صرالي هكذا والله اراني

مشوية راهي غايضتني عمري و حالتي وحياتي انا والله كنت راجل علاجالو وفقت معاه وراعيت ظروفو فاه غلطت ياك

درت كلش انذليت كاين اكثر من هاد الشي مي الحمدلله هكذا ولا اكثر وهاد المرة يلا رجعت انا نرضى بكلمة رخيسة

ونبدل اسمي بيها الموت اهون كسرت كلش البوس قست كل حاجة تفكرني يمذلتي كولوني دوك اهدرو لومو عليا

سبوني افطنت وزيدو انتوما فطنوني انضريت بزاففففف مالاهانة والله وقلبي نكوا مات وكرهت روحي وجهوني والله

عمر داود ما يعاود وراح نكلمكم بعد رمضان من مكان اخر يلا ربي اكتب نرفد واش بقالي ونروح طلب فقط حابة واحدة مالاعضاء نتواصل معاها على الخاص اللي تقبل اسفة على الاطالة .

[لحن الحياة.]

هاذا كي ما قبلوش بيه داركم راه رجعلك برك باش يذلك وينتقم منك هو من الاول كان يحوس على مصلحتو برك و كي ما حقق والو رجع دار عليك فهمتيني ..... واهلك عندهم الحق نهار رفضوه تستهلي خير منو
نصيحة اقبلي بواحد خير منو ملاييييييييييين المرات في التربية و ماذابيك ما يحضرش عرسك هاذ الحساد هاكذاك يموووووووت بالعلة و بعد العرس روحي حوسي مع راجلك و ما تقيميهش لا هو لا دارهم راح معاه الشر
كون انا في بلاصتك نشبعهم زوخ و تحرم عليهم دارنا ما يعفسوش فيها و نحكي للناس كامل بلي عندو مرض نفسي و يمشي بالدوا تاع المهابل باش وحدة ما تقبل بيه

راكي تهنيييييتي لي طار هاذ الوجه الشر من حياتك وجه الميزيرية
ولا هاذيك الخطيبة خوه .......... فردة ولقات ختها ....

مبروك عليك الحرية تحيا مشكلتي فحلة ونص كي بعدتي وجه الشر
تعرفي اخت صحبتي تزوجت واحد كيما هاك بصح ماضربهاش ... نهار طلقت رحنا دينالها كادوات ورحنا نباركولها هههههههه ايا اضحكي شوية
الحمد لله ما تزوجتيهش كون دار فيك الكحلة

عادي لا حبيتي راسليني على الخاص

[مواطنة جزائرية]

لا حول ولا قوة الا بالله

السلام عليكم


أختي واش نقلك رخصتي بروحك بزاف و اللي مشى في طريق الحرام هكذا يصرالو


كشما تسحقي رانا هنا


المهم اقطعي علاقتك به و مترجعيش و عندك رمضان فرضة للتوبة و الدعاء مع الالحاح فيه لعدم الرجوع لهذا الذنب

["<صفـــاء>"]

السلام عليكم
والله حسيت روحي نتفرج في فيلم كل وش حكيتي نتخيل فيك لااله الا الله في الحقيقة ذليتي روحك وبزااااف وربما اغضبتي ربك
ونقلك سارعي الى التوبة فباب التوبة مفتوح وافرصي العشر الاواخر من رمضان والله يهديك ويهدينا جمعيا

[nasser26]

أسمحيلي اختي الكريمة ...واش هذااااااااااااااااااااااااااااا

ارجعي لعقلك تعرفي حوايج بزاااف مقدرتش نقولهملك

ولي لعقلككككككككككككككككك

مقدرتش نهدر

[دعاء المحبوبة]

هذا كله صبر عليه ولا واش
لو كان راه زوجك ويضربك مرة وحدة بكف أكيد تطلبتي الطلاق
عجيبة جدا أنت واش عجبك فيه؟؟؟؟؟
ربي يبعد علينا الناس الي ما تخافش ربي

[ennie]

السلام عليكم
أولا لاحظت أن الاخت قالت انها تلبس الحجاب الشرعي أظن ان الفتاة أو المراة ادا وصلت الى اقتناع لبس الحجاب الشرعي فهدا نعمة من الله تأتي بعد الالتزام بتعاليم ديننا الحنيف و لكن مادا سيقول شبابنا بعد قراءة قصتك
لن يثقوا أبدا في بنات اليوم مهما كان و مهما سترت نفسها بحجاب شرعي (كما نقولو واحدة تفسد على 10)

ثانيا اختاه نحن في رمضان على الاقل احترمي حرمة رمضان و قري في بيتك و احفظي كرامتك و صومي و ادعي الله و توسليه و دلي نفسك لله و اشكيه همك , تريدين طاعة رجل تحبينه فاولى بك ان تطيعي الله ثم بعد زواجك اطيعي زوجك كما يحب و يرضى بعد الله

ثالثا لست اريد ان اقصى عليك او ان أفكر في امور تمس شرفك و لكن لا يمكن لاي فتاة ان تتمسك برجل يقول لها لا اريدك و كل الكلام الدي أسمعه لك , بل أكثر من دلك ضربك... حتى و ان كنت مغرمة به لدرحة الجنون فانت تجاوزت هده الدرجة . ربما تبحثين عن أب بدل والدك ربما عن اهتمام او هروب من شيء ما و لكن صدقيني تصرفك غير طبيعي و انا واثقة انك ستعاودين ادلال نفسك كلما سمحت لك الفرصة...تقولين كنت معاه كي الراجل!!! يا أختي الرجل راجل يبحث عن امراة انثى تصون نفسها لتصنه و اولاده مرة اخرى مادا يفعل برجل مثله أو امراة (سامحيني) لا تعرف معنى الكرامة...كيف سيحبك الرجل ادا لم تحبي نفسك ...كيف سيقدرك ان لم تقدري نفسك...بل ارى انه يشفق عليكي و افعاله تدل على انه يريدك ان تكرهيه و تبتعدي عنه, يريد التخلص منك بأي طرقية لكنك!!! خاصة الجرأة التي عندك تخيفني كثيرا...تطرقين باب بيته
أين والداك من كل هدا...و انت استادة ستربي جيلا...
لو وجدت قصتك في جريدة او مجلة لقلت كلام و فقط بعيد عن الواقع

نصيحتي لك ...ليس الحل في الهروب الى بلد اخر...يجب ان تتصالحي مع نفسك و مع الله خاصة , أحبي نفسك كثيرا
تمني الأفضل لك , ادعي الله كثيرا في سجودك , تقربي من الله و اقرئي القران الكريم و ستشعرين براحة لن تجديها في مكان اخر ابدا, لا تخجلي في استشارة طبيب نفسي سيساعدك كثيرا بدل من الاستماع الى الصديقات لانك تحتاجين الى من لديه الخبرة الكافية ليساعدك و يخرج بك الى بر الامان

تعبت رغم انني اريد مساعدتك اكثر, اترك المجال لبقية الاعضاء
لا تغضبي من كلامي و لا تكابري و تعاندي و اقطعي صلتك بالشاب اتركيه و شانه و أتهلاي في روحك بزااااف

[iviline90]

انا صاحبة المشكلة وفتحت عضوية جديدة لاني ماستحملتش ظنكم السئ بي والاخت ليندة ياسمين تقلها اسأت الظن وانتهى حرام عليك زدتي عليا ربي يسامحك ويغفرلك و انا موصلتش روحي لهادوك المواصيل ابدا نقتل روحي ولا نقبل حتى شك او تلميح كيما هدا حط احمر واش راك اتخمي انت ولا وحداخر وانا حجابي شرعي يعني مستورة والحمدلله مستورة جسدا وعقلا ومكان لا سر لا والو انا حكيت كل حاجة صراتلي وعندك الصح اتشكي انا ومعلاباليش واش بيا انا عندي عزة نفس وااله والديا وميسلموش منها خطرات ومعاه والله نحس روحي مسحورة امعلاباليش علاه لانو كان اول تجربة او لاني نية فوق اللازم او هذا نتيجة الاهتمام الزائد والله معلابالي شوري عليا يا ناس واش اندير عييت
و الاخت jill حاولت نبعثلك رسالة لكن معنديش صلاحية يلا عندك حل اخر قوليلي من فضلك

[براءة سامية]

ا أختي و الله نصيحة مني انسيه عليك بالقرآن و تقربي لله أكثر رح ترتاحي و تلقاي روحك نسيتيه مع الوقت..ربي يكون معااك و عذرا على قسوتي في الكلآآآم بصح و الله غضتيني...لازم تكوني أقوى من هكداا لأنو أكيد ما يستاهلكش... والله في يوم من الأياام رح تتفكري الشي هدا و تضحكي على روحك لأنك غبية

[إيمان احمد]

المشاركة الأصلية كتبت بواسطة iviline90

انا صاحبة المشكلة وفتحت عضوية جديدة لاني ماستحملتش ظنكم السئ بي والاخت ليندة ياسمين تقلها اسأت الظن وانتهى حرام عليك زدتي عليا ربي يسامحك ويغفرلك و انا موصلتش روحي لهادوك المواصيل ابدا نقتل روحي ولا نقبل حتى شك او تلميح كيما هدا حط احمر واش راك اتخمي انت ولا وحداخر وانا حجابي شرعي يعني مستورة والحمدلله مستورة جسدا وعقلا ومكان لا سر لا والو انا حكيت كل حاجة صراتلي وعندك الصح اتشكي انا ومعلاباليش واش بيا انا عندي عزة نفس وااله والديا وميسلموش منها خطرات ومعاه والله نحس روحي مسحورة امعلاباليش علاه لانو كان اول تجربة او لاني نية فوق اللازم او هذا نتيجة الاهتمام الزائد والله معلابالي شوري عليا يا ناس واش اندير عييت
و الاخت jill حاولت نبعثلك رسالة لكن معنديش صلاحية يلا عندك حل اخر قوليلي من فضلك

اوووووووووووووووووف الحمد الله اختي انك لم تفقدي شرفك لانو الصراحة لو اقدمتي على دلك ادفني روحك انت حيا احسن

راني انتبع في مشكلتك و ما لقيت واش ننصحك

يا اختي بعدي اعليه و كاين بزاااف الرجال ماشي غير هد الانسان المنحظ

[anna glauben]

في حياتي كامل
ماشفتش وحدة كيما نتي
أسمحياي نكون قاسية معاك بالرغم انا حنينة و مانعرفش نقسى
مي نتي شوكيتيييننيي
يا أختي نتي بنت فاميليا والا تطايشي في الشراع ؟ ما عندك داركم ماعند ماماك وماعندك باباك ؟ واحد ماسمع بالحكاية ؟ مايقولولكش وين راكي خارجة ؟ ماشفاوكش مضروبة ؟
شوكيتنيي حبستيلي راسي
ربي يهديك روحي بدلي البلاد الراجل يحب المرأة العفيفة بنت ناش و فامليا لاي عندها الشان و النيف
ونتي راكي ذليتي روحي نتي و والو كيف كيف
هو لوكان جا صاحبو ولا اي راجل ماديريش هاكا لانو كل انسان عندو عزة النفس و نتي ماعنك والو
يا أختي لوكان تشوفيني انا كيفاش والله ماكانش مجال للمقارنة بيني وبينك انا عكسك عزة نفسي أولا و أخرا يا أختي انا ماجابنيش بابا سد الرجال و عيشني في العز و الحرمة باش يجي واحد يذلني ولا يقيسني والو بنص كلمة والله ماعاش و لا كان الي يديرها
ديري النيف ديري القلب و خافي ربي أولا
كي ماديرش قيمة لنفسك واحد مايقيمك و يعفسو عليك ونتي الي وصلتي روحك لهادا الشي
ربي يهديك و ربي يفرج عليك

[loufa]

السلام عليكم

انت انسانة مثقفة وبنت ناس مثقفين ولازم تكوني قدوة لاجيال كيف لك ان تفعلي كل هذا
تقبلي ردي وعذرا سيكون قاسي حتى تفيقي من الظلمة اللي راكي فيها
صدقيني لو انا فبلاصتو تزيديلي وزنك ذهب مانديكش ذليتي روحك ورخستيها وبخصتي بروحك وباهلك وعلاه عليك هكذا حتى ويرجعلك واش بقى بيناتكم
سبك رخسك ذلك ضربك حاوزك هذا وراهو صاحبك برك
فيقي لروحك شكون راح يديك بعد هاذ الفضايح كامل تقوليلي قلبي والحب والتمسخير هذاك كامل نقولك احمدي ربي اللي صرا هاذ الشئ كامل وروحي توبي لربي وابكي لربي بلاك يغفرلك حتى رمضان لم تحترميه
بدلي لابيس والرقم نتاعك للابد ومتعيطيلوش خلاص وتفاديه وحتى وتشوفيه بدلي طريقك وممنوع السؤال عليه او اهلو وبالمناسبة كيفاه تقولي وقفت معاه وووو روحي يا بنتي ربي يهديك واش تكوني بعد مرطو اختو امو راح حرام هاذ الشيئ اللي تديري فيه
راه وجعني قلبي من موضوعك الاول وسكت لكن الان نقولهالك لو جيت باباك نخنقك تستغلي الثقة نتاع اهلك ورايحة اطيري
كيفاه تلحقيه لدارهم لا حشمة لا حيا غير من ربي والناس واش يقولو عليك
شافوك التلاميذ نتاعك كيفاه تزيدي تقابليهم وانتي الي يجب ان تكوني قدوة
ماسبب تمسكك به هكذا ??????????





طولت واختم
ربي يهديك ويصلحك يا اختي وفيقي مع روحك لا كملتي تروحي للهاوية واسمع راي اللي يبكيك وعذرا مرة اخرى ان جرحتك

[guenfoudmelissa]

السلام عليكم
نقلك حاجة اختي روحي رقي نفسك بلاك ساحرك هاد الراجل
لانه مستحيل مهما كان واحد يذلك تحبيه هكذا
وربي يهدينا لما يحبه ويرضاه[/center][/size]

[naamane3]

ذل ومهانة وانكسار وضعف
لو كانت كل هذه الافعال لله لعوضك خيرا منه
لكن للأسف هذا حال الدنيا بلا دين

[إيمان احمد]

يا حماعة اي بنت تحاول تراسل الاخت في الخاص و نعطيها نمرة الهاتف و تحاول تفهمها راح تكسب ثواب فيها و الا كنت من نفس الولاية لمالا تتلاقاو و تفهموها يمكن هد الاخت ما عندها صديقات او صديقااتها كامل عندهم نفس العقلية