هل للزوالي مكان في قلب الفتاة الجزائرية

lembarek05zemra · 2014-08-04, 17:14

هل للزوالي مكان في قلب الفتاة الجزائرية

SAMRA 33 · 2014-08-04, 17:21

موضوع لفت انتباهي
اكيد الزوالي ان كان يحاول ايجاد عمل ويتحرك ويبحث هو فحل
المهم يكون ولد حلال ويحترم المراة التي تقف معه وتحبه ولا يستغلها
ربي يرزق كل زوالي عمل وامراة فحلة

الباتنية 19 · 2014-08-04, 18:02

الزوالي عندو مكانة كبيرة خاصة عند المراة مش الجزائرية برك ماهوش هنا المشكل

المشكل كي يفتح عليه ربي اول وحدة تجيه في الطريق يرميها وينكر خيرها هي في الاصل لي وقفت معاه

ناس بكري قالو***ماتخافش من الشبعان اذا جاع خاف من الجيعان كي يشبع******

ربي يرزق كل واحد على حساب نيتو يا رب والله لا يحرم واحد من نعمة الهناء والصحة

وليد1990 · 2014-08-04, 18:14

طبعا لا مكان له ولا يجوز له ان يحلــــــــــم

هو مجرد الورقة الاخيرة

جالس في دكة الاحتياط

اصلا لا مكان للرجال في قلوبهن

بنت لبحر · 2014-08-04, 18:51

الراجل بقلبو و برجولتو ماشي بجيبو

مواطنة جزائرية · 2014-08-04, 18:55

الزوالي يحتل كامل قلب المرأة الجزائرية

إكليل · 2014-08-04, 18:58

الرجل تزينه أخلاقه و تغنيه العفة و إن كان فقيرا ......

الأخلاق ما يحبب الناس بعضهم في بعض .

أم احمد3 · 2014-08-04, 18:59

قسما بالله....فيه نساء تزوجت بالجيعانين....بعدها يفرج يربي يرميها ويعتقد أنه يحسن. صنعا...لأن المشاكل تظهر وأسباب النفور تكون قوية....لذا عندنا مثل ...كانت النساء تدعوا به بالقبايلية يقول يارب متخلي رجالي الجوع متزيد أكثر من الحاجة...لأن أول شئ يفعله بالمال يتزوج....في نظره قادر على فتح البيت...نسي أن الأولى ساعدته كثيرا ليحقق ذاته....ثانيا شخصيا تزوج ابن عمي لا يعمل زايد يتيم الأبوين عايش مع زوجة الأب وأبنائها...بعد أربع سنوات تحول لمليونيير...في الأول يقول...انت وجه الخير بعدها يقول انه هو الذي يستاهل...