تطبيقي للأيس كريم

[~~ أغيلاس ~~]

السلام عليكم؛

قبل يومين وجدت صدفة بعد نقري للمشاركات الجديدة وصفة للأيس كريم فطبقتها البارحة؛

الوصفة بـ 200 غ غبرة شانتيي و كأس حليب ،،،،،،،،،،،، 4 بياض البيض و 4 ملاعق سكر كبيرة ،،،،،،،،،،،،،،،، في الاخير يمزج المزيج و يقسم نصفين و يُضاف له فلان ينكهات مختلفة،،،،

حضرت اللوازم لكن لما بدأت العمل بدأت أخلط بالملعقة الكبيرة،،،،،،،،، عييت و أنا نخلط و النتيجة 0،

الوالدة كانت في الأسفل طلبت مني نستناها باش تساعدني لكنني كنت مزروب،

لما دخلت عليا أختي الصغيرة ( 11 سنة ) ضحكت عليا و اخبرتني أن التخلاط يكون بالروبو،

و فعلا جابت الروبو و غسلتو و ركبتو بنفسها ( المساعِدة تعي ههه ) و حطينا فيه الخليطين، كل مرة واحد و النتيجة رائعة، في دقيقة وحدة يتخلط بطريقة رهيبة،

اتبعت التعليمات و كانت هذه النتيجة اللي سهرنا عليها بعدما رجعنا من التراويح؛




الطبق خرج مليح لكن حلو بزاف، ربما لأنه ربع مغارف سكر و زيد الفلان حلو، المرة القادمة لو كان نعاود نديرة ندير فيه زوج مغارف سكر ولا وحدة نص برك،

عموما عائلتنا القديرة فرحت بتطبيقي ،

و الكأس تعي كليت نص منو و قلت نخلي نص للسحور،

لكن أختي علوحدة تع الليل بقات غير دور عليا عرفتها حابة تكمل على لايسكريم تعي ( الشريرة مقدرتش تقولي عطيهولي )،

و عليه قلتها روحي كولي لايسكريم،

جابتو و كلاتو قدامي و مزدتش شفت وجهها،

خلاصت المنفعة ،،،،

صراحة مزينتوش مليح؛

كنت راح نخدم السيرو و نحطو فوقو و لا نشري مكسرات لكن مكفانيش الوقت،

لما خرجت من التارويح جيت للدار نجري، خفت يكونو كلاوه و نساوني و لا قسموه، لأنني أنا اللي لازم نقسمو ، و طبعا الكأس تعي اللي فيه بزاف ذوق الفراولة لأنني أحب الفراولة،

انتهت القصة،

و شكرا .