bac bac bac

[مشكلتي]

السلام عليكم
اخواني اليوم انا محطم كليا
فقد حصلت على شهادة البكالوريا بمعدل لم يرضيني
بعدما كنت احلم بمعدل جيد يمكنني من دراسة الطب او الصيدلة او جراحة الاسنان
لكن للاسف كل اصدقائي سوف يخترون الطب ماعدا انا لا استطيع
راني قريب نهبل لا استطيع تقبل المعدل فقد بذلت كل كثير من المجهودات لكن للاسف
علما ان كل عائلتي الصغيرة والكبيرة فيها اطباء الا انا
قررت نعاود العام الجاي لكن عندما اتخيل اني ساعيد كل شيء ياتيني الفشل

[oussmina]

قل لن يصيبنا إلا ما كتب الله لنا
ذكرتني بحالتي هكذا أنا كي جبت الباك مارضيتش بالمعدل لي تحصلت عليه وإنهارت نفسيتي مع أني كنت ممتازة في مشواري الدراسي كامل لذلك أحمد ربي وأستغفر وأدعي أكيد ربي ينورلك طريقك

[مراد سابقا6]

روح دير المدرسة العليا للأستاذة

على ألأقل تضمن بلاصتك بعد الخروج

[~~نهال~~]

اختي اذا الطب حلمك فانصحك باعادة السنة
و اذا ماعندكش حاجا فيه فقط من اجل منافسة او انك دري كيما خاوتك مالا شوفي لعل تلقاي حاجا احسن
لانو الطب راهو تعب كبير و مايغركش انهم يدخلولها بزاف و هاكي عندك من افراد عائلتك لعل ينصحوك بتخصص اخر لانو كاين تخصصات ملاح

[إيمان احمد]

تعرفي علاش راكي فشلانة لانك راكي تعبانة الان من الدراسة لكن نصيحتي عاوديه احسن خويا هكا صراتو و عاود الباك و راح الاختيار الي كان حابو

[فارس وجواد]

أخي الكريم , أولا الحمد لله أنك نجحت و حصلت على البكالوريا , و تعبك لم يذهب سدى .
ثـــــــانيا , إذا كنت متأكد من إمكانياتك التي تؤهلك لدراسة الطب , فما عليك سوى إعادة البكالوريا .
و لكن إلى ذلك الوقت , عليك أن تستغل هذه الشهادة في دراسة تخصص يريحك و يساعدك على التحضير الجيد للبكالوريا المقبلة .
و بهذا تكون ضربت عصفورين بحجر واحد .

[ssimaloubna]

قدر الله ماشاء فعل
لاتقارن نفسك بغيرك اقعد مع روحك وخمم مليح واش حاب و وين حاب توصل ومديرش حاجة لان اهلك واصحابك داروها
وابدا لا تقارن نفسك بغيرك حد معلابالو وين الخير ارضى بنفسك وحمد ربي
وخير التخصص لي تحبو ويعاونك في بناء مستقبل توكل على الله

[sirina_angel]

أأأأأأأأأأأأأو كاين غير الطب يعني ؟؟؟؟؟؟ طب و لا تهبل الناس ؟؟؟؟؟
ياخي حالة ياخي لاكان ولاو لي يخرجو كامل أطباء خلاااااااات
كاين تخصصات أخرى

[lefrada]

السلام عليكم
المشكلة تاعك كيما تاعي لليوم وانا نبكي كرهت كلش حسيت روحي تظلمت تعبت بزاف واستنيت حاجة مليحة مي مكتبتش الله غالب راني معولة نعاودو وان الشاء الله نجيبو بمعدل ممتاز وندير تخصص طب في الوقت نفسو راني رايحة نسجل في الجامعة كاش تخصص بادن الله رياضيات واعلام الي وهذا مكتوب ربي لازم نصبرو

[ايمان نور الجزائر]

شيء جمبل ان نرى الاصرار من اجل تحقيق الطموح
طبعا اذا كان عن رغبة قوية
وبالتالي يمكنك دراسة تخصص جيد بمعدلك وفي نفس الوقت اعادة الباك

[اغادير]

مبروك أولا على النجاح يا اخي.... ثانيا إذا كنت لست مقتنع بهذه النتيجة ومتأكد من أنك قادر على تحصيل أعلى من ذلك عاااااااااااود..... ولكن بشرط انك قادر على تحقيق الأفضل,,,,,

[zahra96]

كاين مثل قديم يقلك لنا ونت مير شكون الي يسوق الحمير
خلاص قاع بديرو طبة دير حاجة ناقسا في مجتمعنا رانا وين منروحو نلقاو الطبة طبة راهم كثر من المرضة بزاف بدلو شوية

[بلسم غرام2018]

اقرى مدرسة عليا وعاود الباك معي من كانمو يريدون الصيدله يدرسون من هنا وهناك والله اعادو الباك مرتين ولحد الان متحصلوش على المعدل ومزالهم مفقدوش الامل
فاستعن بالله واجعل هدفك نصب عينيك
واللهع المستعان

[الفاتحة]

ارضي بمكتوب ربي وعسى أن تحبو شيئا وهو شر لكم ، ان أردت أن تعيديه فلابأس لكن دائما عليك بالرضا بقضاء الله وقدره ومبروك عليك الباك

[lalib40]

الشعب كامل بغا ا يكون طبيب