كيكة الشوكلاطة بشراب البرتقال

[بُرَيْهَـــانْ]

كيكة الشوكلاطة و شربات البرتقال





المقادير بالأكواب و المعالق القياس ( verres et cuillers mesures ) اليكم الصور :








العجينة :

3 كوب فرينة حمامة
1 ملعقة كبيرةمايزينا
كوب مارقرين صول
1 و1/2 كوب سكر
4 حبات بيض
¾ كوب حليب خاثر ( حليب + ملعقة خل أبيض )
¼ كوب عصير برتقال طازج
½ ملعقة صغيرة خميرة الحلوة - ½ ملعقة بيكربونات الصودا - 2 معالق صغار برش برتقال + ملعقة فانيليا سائلة
شوكولا شيبس او شكلاط عادي مقطع الى قطع صغيرة.


طريقة التحضير :


نسخن الفرن على درجة 180 ° ثم ندهن القالب و نرش عليه الفرينة ...الفرينة + الملح + الخميرة + بيكاربونات الصودا و الملح و الميزينا ننخلهم مع بعض و نضيف عليهم برش البرتقال" الزست" شوكلاط مقطع و نتركهم بجيه (المواد الجافة )نخلط المارقرين مع السكر مليح ثم نضيف البيض حبة بحبة ثم نضيف الفانيليا السائلة و نخلطثم نضيف مرة وحدة المواد الجافة و الحليب الخاثر و العصير و نخلط العجينة تكون ثقيلة و نصبها فى المول و تكون على هذا الشكل :



مدة الطياب 55 دقيقة:





لما تطيب الكيكة نوجد شراب البرتقال و هي عبارة ¼ كوب سكر مع ¼ كوب عصير برتقال + زست و نخليه فوق النار حتي يذوب السكر و نسقي الكيكة و هو سخون "الشراب" كما هو مبين:



ثم نحضر كريمة الشوكلاط على شكل صوص مكونة من ¼ كوب كريمة طازجة "كرام فراش " و 100 غ من شوكلاط فوق النار حتى تذوب و ترجع سائل نخلوها تبرد ترجع شوية ثقيلة و نرسم خطوط بالعرض من الوسط الى الخارج ثم نزينها بالشوكلاط مبروش خشين و خطوط رفيعة من قشور البرتقال كما يبين الشكل :



و هذا الشكل النهائي :








و بألف صحة و عافية.