معدل 10.75 وااش ندير انصحوني

imad_esao · 2014-07-04, 21:53

انا نقرا لغات و ديت 10.75 و كل واحد واش يقلي دير انا راني حاير بين حقوق و علوم انسانية ولا فرنسية ديت فيها 13.5 انصحوني خاوتي و قولولي علوم انسانية ادا عادت تخرج مليح ولا لالا صحاب التجربة نحتاجكم و تاني حاب نسقسيكم على علوم الاعلام و الاتصال واش رايكم فيها !!!!!!!

mirta · 2014-07-04, 22:10

اولا الف مبروك لك بالنسبة للشعب اقول لك لو كنت مكانك ساختار تخصص فرنسية هذا التخصص مطلوب في سوق العمل ..اختر فرنسية اذا كنت متمكنا منها
بالنسبة لشعبة حقوق وعلوم انسانية فارى ان مستقبلهما غامض جدا خصوصا هنا في الجزائر
والله اعلم

imad_esao · 2014-07-04, 22:16

هيه مليحة فرنسية بصح انا حاب ندير علوم لنسانية فيها علوم الاعلام و الاتصال قالولي مليحة

mirta · 2014-07-04, 22:27

اقتباس:

المشاركة الأصلية كتبت بواسطة imad_esao

هيه مليحة فرنسية بصح انا حاب ندير علوم لنسانية فيها علوم الاعلام و الاتصال قالولي مليحة

تخصص علوم الاعلام تخصص جميل ولكن هناك الكثير من الطلبة المتخرجين تخصص علوم اعلام وهم دون عمل لان العمل سيكون في احدى القنوات الخاصة وتعلم انه ليس لدينا قنوات كثيرة يعني حتى وعند التوظيف الاولوية التي ستكون للطلبة الذين تخرجوا قبلك ولكن اعلم ان هذا التخصص اذا درست فيه ثم اكلمت دراستك بالخارج اذا سمحت لك امكانياتك طبعا وتفوقت فيه ستتاح لك الفرصة للعمل حتى خارج البلاد

sali-sali · 2014-07-04, 22:18

السلام عليكم

اذا متمكن في الفرنسية فهي الاختيار الاول
ان لم تكن متمكن فيها فاختر العلوم الانسانية

بالتوفيق

imad_esao · 2014-07-04, 22:28

Nn Français chwiyàà Machi Fort fihàà bzzf Mais 9aloùlii 3olom Insaniyà Mlihà w Fihàà Sa7afa Mlihà w mana3rèèf !!!!

fathia_04 · 2014-07-04, 22:54

ننصحك اخي دير فرنسية اخطيك من العلوم الانسانية مافيهاش مستقبل في بلادنا.

imad_esao · 2014-07-05, 00:22

Bsh Khouyàà Ana Frànçais Mana9rahèch b1 w Zid Gàloùli Lo9raya Tà3ha w3ràà Khayèf La ndirha w na7sèèl

nassima18 · 2014-07-05, 01:05

رانا كلنا كيفك حاااااااايرييييييييييييييييييييين

darkangel · 2014-07-05, 01:33

من الأحسن فرنسية ادا عند لاباز فيها باسكو لقراية فرونسي راهي أدب فرنسي فقط .
و بين علوم الإنسانية و الحقوق فهده الأخيرة أفضل من العلوم الإنسانية و العلوم الإنسانية يدرس سنة 1 جدع مشترك ع إنسانية و في السنة 2 تتخصصون في أخد فروعها مثلا ثاريخ إلام و إتصال علاقات دولية ................... الخ

imad_esao · 2014-07-05, 01:45

Bsh ya khouyàà droit Gàlouli wa3rà bzf w fihà Lè7fada bzzf 3la bihà hab ndir 3olom insaniyà w mb3d 3olom i3lam w itisàl

darkangel · 2014-07-05, 01:54

اولا الحقوق ماهيش صعيبة بالعكس عادي كاين مواضيع لازم تحفظ و كاين افهم و حتى العلوم الإنسانية فيها بزاف بليس دوصا فيها بالنسبة للسنة الأولى مقاييس بزاف
ثانيا العلوم الإنسانية ما فيهاش فرص الشغل مثل الحقوق أي مسابقة تقدر تدخل لها تقدر تندمج في أسلاك الأمن كضابط ناهيك لمجالات لمغتوحة في هده الشعبة
باختصار الخقوق أفضل تخصص

abdou_real · 2014-07-08, 12:48

كنصيحة اخ والله غير اخطيك من علوم انشانية وعلوم سياسية وحقوق لأنها كما قاتلك الأخت مستقبلها غامض جدا في الجزائر وماتنفع لوالو اما تخصص اعلام واتصال اعرف الكثير منهم راهم شادين الحيطان وقاعدين بمصطلحنا
الان اذا كنت تعمل بنصيحتنا لغة فرنسية افضل بكثير تقدر تخدم وين تحب وماتقولش مانعرفش لأنك اذا احببت الشيء عملت عليه
وفقكم الله لما يحبه ويرضاه
اخوكم في الله عبدالرزاق
صياما مقبــولاــ