رؤية شرعية

[مشكلتي]

لقد حددت موعد لاجراء رؤية شرعية .
المشكل اني لم ار هذه الفتاه وهي كذلك.لانها من ولاية اخرى .عند ما سألت عنها مدحوهالي بزاف وشكرولي عايلتها . حددت الموعد بعد واسطة مع اهلها. قلت واش عليه ربما اجدها الزوجة الصالحة .
المشكل اني لا اعرف كيف تجري الرؤية الشرعية.بداية من ماذا البس .ما هي الهدية المناسبة الي نديها معايا .عن ماذا اتحدث اساسا.
و هل سيضن اهل الفتاة انها خطبة.كيف ابدا خطوتي الاولى صحيحة حتى لا افشل .خصوصا اني من منطقة حجب فيها ضباب الاعراف نور الاحكام الشرعية .
ارجوا منكم اخوتي نصحي خصوصا من مر بهذه التجربة.
اللهم بلغني واخوتي رمضان الكريم

[~~نهال~~]

و الله امور الزواج جامي حضرتلهم
يعني بانتظار رد الاخرين

[عادل عبد الله]

السلام عليكم اخي الكريم أنصحك بأن تسأل إماما ذو ثقة أي يعرف أمور الدين هكذا كي تجد حلا يإذن الله تعالى ، ربي يفرج عليك ان شاء الله .

[روح مراد]

الرؤية الشرعية راهي لقاء عادي
أول شيء حدد موعد مع أهلها و قول لهم نشوف بنتكم و إذا تم القبول من الطرفين ربي يكمل لنا و الجيب العائلة تخطب
في الرؤية الشرعية من الأحسن ما تروحش وحدك تقدر تدي أختك أو أمك هاكا باش ما تكونش محرج
بالنسبة للهدية في أول لقاء الناس عامة يدو gateaux يعني ماتكلفش روحك
من ناحية اللبسة تلبس عادي لباس نقي كيما تروح تخدم أو تقرا بدون مبالغة في الرؤية الشرعية الواحد لازم يكون عادي باش إذا تم القبول يتم على أساس صحيح و أن الفتاة رايحة تقتنع بيك لشخصك ماشي مظهرك
بالنسبة للحديث
الرؤية الشرعية تكون في حظور العائلة أي أحد المحارم يعني الكلام يكون في البداية تعارف ، أنا فلان، ... العمر، العمل، إذا كان عندك شروط مثلا كالعمل تهدر عليهم في ذلك اليوم ، إذا كنت رايح تسكن مع أهلك تقول كذلكل باش تكون كل الأمور واضحة في أول يوم و تخلي حرية القبول و الرفض للفتاة
و ربي يوفقك

[sali-sali]

السلام عليكم

بعد تحديد الموعد ... تروح تشوفها و اكيييييييد بحضور محرم

تتعرف عليها .. تعطي لمحة عن نفسك لتعرف عنك و لو القليل .. تسالها ما شروطها واكييد انت تضع شروطك

والرد بالقبول اوالرفض يكون بعد التفكير وصلاة الاستخارة

ربي يرزقك الزوجة الصالحة

[بلسم غرام2018]

المشاركة الأصلية كتبت بواسطة روح مراد

الرؤية الشرعية راهي لقاء عادي
أول شيء حدد موعد مع أهلها و قول لهم نشوف بنتكم و إذا تم القبول من الطرفين ربي يكمل لنا و الجيب العائلة تخطب
في الرؤية الشرعية من الأحسن ما تروحش وحدك تقدر تدي أختك أو أمك هاكا باش ما تكونش محرج
بالنسبة للهدية في أول لقاء الناس عامة يدو gateaux يعني ماتكلفش روحك
من ناحية اللبسة تلبس عادي لباس نقي كيما تروح تخدم أو تقرا بدون مبالغة في الرؤية الشرعية الواحد لازم يكون عادي باش إذا تم القبول يتم على أساس صحيح و أن الفتاة رايحة تقتنع بيك لشخصك ماشي مظهرك
بالنسبة للحديث
الرؤية الشرعية تكون في حظور العائلة أي أحد المحارم يعني الكلام يكون في البداية تعارف ، أنا فلان، ... العمر، العمل، إذا كان عندك شروط مثلا كالعمل تهدر عليهم في ذلك اليوم ، إذا كنت رايح تسكن مع أهلك تقول كذلكل باش تكون كل الأمور واضحة في أول يوم و تخلي حرية القبول و الرفض للفتاة
و ربي يوفقك

هدا هو الجواب الصائب

[مواطنة جزائرية]

حبيت نضيف نقطة فقط

اخبرها شروطك و واش تحب وواش تكره باه تكون عندها حرية الاختيار


هذا في حالة ما اذا عجباتك واذا لم تعجبك لاتطل الحديث و غادر بسرعة

آآآه نسييييييييييت ماتنساش تعطيلها مبلغ مالي على حساب المتعارف عليه في منطقتكم هههههههه

[ايمان نور الجزائر]

في الرؤية الشرعية عندنا يروح الشاب مع امه ممكن اختو ترافقهم وايضا يرافقه اما الاب او الاخ
موضحين انها من البداية رؤية شرعية حتى يتم القبول من الطرفين
بالنسبة للباس لازم يكون يعطي من شخصية الشاب وماكانش كيما سروال وشيميزيه ويظهره بمظهر لائق
بالنسبة لما يجب تناوله من حديث ..بعد جلوس الشاب والفتاة رفقة المحرم يعرف بنفسه اسمه وسنه تعليمه وعمله
ويعطيها فرصة بدورها للتعريف عن نفسهااااا
ويمكن مناقشة بعض الامور المتعلقة بمستقبلكما معا كالسكن والعمل وايضا الصلاة التدخين حجاب الفتاة ....الخ
بالنسبة للهدية تاخذو معاكم باطة قاطو
اما اذا عجباتك الفتاة بعد الرؤية وتعبيرا عن القبول لازم تمدلها مبلغ مالي حنا يقدر عندنا ب 2000 دج ويمكن قرعة ريحة معاه

[سفير الأيام]

مدام خويا حبيت حاجة صحيحة
دي الوالدة وخالتك او اختك الكبيرة من الاحسن
وحدة تكون كبيرة يجعل ربي فيها البركة

كما قالوااا لحباب نهار الاول غير الكعكة

une tarte
واللبسة عادي المهم حاجة نقية

مدابيك تروح على غفلة باه ما يكونش التريكاج تقبلها كيما هي عايشة غير مصطنعة

قلنا كي توصل خلي الوالدة تتقدم للسكنة وغادي تقولهم جينا ناوين نطلبوا يد بنتكم لبنتنا

خرتهم يدخلوها ادا كانت مخطوبة ....يريحوها ويقوموا بها ويقولولها الله غالب
بصح ادا كانت غير مخطوبة
خرتهم يعيطولك يدخلك اخوها ولا واحد من العائلة وهنا ما تحشمش راك ناوي الحلال
ريح معا الرجال واحكي نيتك وغرضك بكل شفافية .... صدم ماغاديش تطلب

خرتهم يطمنوك ويعرضوا عليك ادا حبيت تشوفها وادا وافقت تجي هي مع محرم

عادي حكيلها بلي نيتك الزواج وحاب امراة صالحة
وسقسيت عليها وعجبتك سمعتها على هدا جيت قصدها

وزيد حكيلها ادا حبيت تسكن مع والديك ولا تكري وحدك وواش حاب ادا كانت خدامة ادا ناويها تحبس ولا .لا...............
يعني شوف ادا كان حاجة الحلال كل ما كانت الدعوة بسيطة تكون شابة

تواضع ترفع

وربي يوفقك

[روح مراد]

ما يروحوش الناس على غفلة أصلا واحد ما راح يدخلهم للدار و الطفلة عمرها ما تخرج عند ناس ما تعرفهمش
كيفاش على حسب راأيك إيجي واحد للدار يقول لهم حبيت نشوف بنتكم تخرج عنده؟ هذه ليست واقعية أبدا.
الشخص اللي ينوي يتقدم لفتاة لازم يتحدث مع ولي أمرها أولا و بعدها يحدد معاه يوم الرؤية
إذا اكن المكتوب الله يبارك و إذا ما كانش الأمور مشات طبيعية حسب الشرع و ربي يرزق كل واحد من بعد
و الموافقة يا أخي ماشي كي تدخل تقولك راني موافقة راهي تدي أيام باش تخمم و كل واحد يسأل على الطرف الآخر
يا سفير الأيام منطق خارج عن نطاق العادات و التقاليد بالاك تخطب بهذه الطريقة

[ايمان نور الجزائر]

وين صرات هادي على غفلة
شكون يدخل براويا لدارو
حنا وكان يديرها كاش واحد ديراكت بابا يحاوزهم
لازم استأذان قبل لازم الواحد يسقسي ويعرف
والضيف نرحبو بيه ونقومو بالواجب

[سفير الأيام]

المشاركة الأصلية كتبت بواسطة روح مراد

ما يروحوش الناس على غفلة أصلا واحد ما راح يدخلهم للدار و الطفلة عمرها ما تخرج عند ناس ما تعرفهمش

النسا غادي هوما يتقدموا الاولى ............ انت يجوك ضياف تحاوزيهم.........................

هدا الشخص ماشي جاي يطلب ........ ناوي الخير ومع والديه

والا حتى يسقسي باباك ادا كانت عنده ibizza
ولا villa

هادي داروها وراهم عايشين في رحبة والحمد لله ............ وهو زميل لي سنة اولى جامعي ايه ربي يحفظه نويس خير الدين

[eBusiness]

أنا نصيحتي لك أن تحاول أن تراها من بعيد في الخارج، مثلا إن كانت تدرس أو تعمل أو تخرج، تنتظر الفرصة، قبل أن تفكر في رؤيتها في منزلهم على الاقل حاول أن تراها في الخارج إن كانت تخرج، يا سيدي إن كنت تعرف منزلهم، راقب بيتهم عن قرب وإن صادف وخرجت ربما لتشتري بعض أغراضها أو اي شيئ اخر حاول أن تقترب منها دون أن تشعر هي بذلك فإن كان لك إنطباع إجابي عنها، كلم أباها بعد ذلك وأطلب أنك تزورهم في البيت وإن تعذر عليك رؤيتها خارج البيت دون الحديث معها فإذهب مباشرة إلى الوالد وعرف عن نفسك وقل له أنك تريد أن تتقدم لإبنتهم وأنك سمعت عليهم كلام مليح، إعرف كيف تكسب الرجل بأخلاقك وقل له أنك تريد أن تأتي بوالدتك لكي ترى الفتاة مثلا، تحجج مثلا أنك تهتم لنظرة أمك وبركتها في الزواج ومن بعد ذلك دع النساء (أمك وأمها) يقومون بالباقي فيما بينهم كالإتصال عبر الهاتف وضرب موعد للرؤية الشرعية فيمكن لأم البنت أن تتفهم مسألة الرؤية الشرعية لكن أن تذهب إلى أبيها مباشرة وتقول له سمعت عليكم كلام مليح واريد أن أرى إبنتكم فأنا إن كنت مكانه سأشبعك ضربا هههههههه

بالتوفيق أخي الكريم وبما أنك نويت الحلال فالله تعالى سيساعدك على ذلك، بالتوفيق ورمضان مبارك

[محبة الله الجزائرية]

المشاركة الأصلية كتبت بواسطة ebusiness

أنا نصيحتي لك أن تحاول أن تراها من بعيد في الخارج، مثلا إن كانت تدرس أو تعمل أو تخرج، تنتظر الفرصة، قبل أن تفكر في رؤيتها في منزلهم على الاقل حاول أن تراها في الخارج إن كانت تخرج، يا سيدي إن كنت تعرف منزلهم، راقب بيتهم عن قرب وإن صادف وخرجت ربما لتشتري بعض أغراضها أو اي شيئ اخر حاول أن تقترب منها دون أن تشعر هي بذلك فإن كان لك إنطباع إجابي عنها، كلم أباها بعد ذلك وأطلب أنك تزورهم في البيت وإن تعذر عليك رؤيتها خارج البيت دون الحديث معها فإذهب مباشرة إلى الوالد وعرف عن نفسك وقل له أنك تريد أن تتقدم لإبنتهم وأنك سمعت عليهم كلام مليح، إعرف كيف تكسب الرجل بأخلاقك وقل له أنك تريد أن تأتي بوالدتك لكي ترى الفتاة مثلا، تحجج مثلا أنك تهتم لنظرة أمك وبركتها في الزواج ومن بعد ذلك دع النساء (أمك وأمها) يقومون بالباقي فيما بينهم كالإتصال عبر الهاتف وضرب موعد للرؤية الشرعية فيمكن لأم البنت أن تتفهم مسألة الرؤية الشرعية لكن أن تذهب إلى أبيها مباشرة وتقول له سمعت عليكم كلام مليح واريد أن أرى إبنتكم فأنا إن كنت مكانه سأشبعك ضربا هههههههه

بالتوفيق أخي الكريم وبما أنك نويت الحلال فالله تعالى سيساعدك على ذلك، بالتوفيق ورمضان مبارك

هادي فكرة مقبولة صح تقدر تترقبها و تشوفها كيما يشوفها اي واحد اجنبي عليها


اما فكرة الاخ سفير الايام فهي فعلا معارضة تماما كيفش هادي تروحلهم على غفلة مكاش منها هادي كامل