أطباق العزيمة من عند أمي الغالية

faizarbh · 2012-05-21, 13:41

السلام عليكم أخواتي البارح راني طلبت مساعدة من عند الاخوات بخصوص العزيمة اللي حبت انا و ماما انديروها و في الاخير قررت امي تعمل هاذ الاطباق و شكرا لكن من أ‘طاني فكرة
بسم الله على بركة الله
الوصفات :
السلطة راه فيها خس عادي و الجزر رابيتو و رابيت تاني الخيار و المايونيز درتها في جيب حلواني و الارز درتلو مغرف مايونيز و صلصة السلطة باش يتماسك و درت فوقو الطون و البيض غليتو و قسمتوا على اثنين و نحيتلو الصفار و فتت الصفار بالفرشيطة و ضفتلو علبة طون و مغرف مايونيز و الماييس اي الذرة و خلطهم مليح و درتهم في البيضة مكان الصفار

و بالنسبة للحوت راني نقيتو عادي و درت فيه فتحات في الظهر من الاسفل و الاعلى و في صحن درت تتبيلة تتكون من الزيت و الملح و الفلفل و اطليت بيها الحوت و من بعد درتو في صنية مطلية بشوية زيت و دخلتو مباشرة للفرن حتى طاب

و المثوم
المقادير
قطع لحم
لحم مفروم
حمص منفخ
بصلة
الثوم
فلفل و ملح و شوية كمون و معدنوس و البيض و زيت شوية
التحضير:
تقلي اللحم قطع في البصل و الثوم و الزيت و التوابل و الحميصة ثم كي يتقلاو مليح نمرقوا بماء سخون و انخلوه ايطيب
و الان انحضر ليبولات باللحم المرحي نرابي الثوم كمية مليحة و المعدنوس و شوية شابلور و ملح و فلفل و شوية كمون و نلمهم بالبيض حتى تتماسك انتي و الكمية اللي راكي دايرتها حتى تولي ايديرلك كريات
و ايذا حبيتي المرقة اجي عاقدة رمدي كريات الليح المفروم في شووووووووووووووووية فرينة و نضعهم في الصيار باش انصيرو ديك الفرينة اللي تبقى فيهم
كي ايطيب اللحم انضيفوا لي بول تاع اللحم المفروم و نخليهم عبر ما يطيبو و الكريات ما يشدوش الطياب بزاف ثم انطفوا عليه و انديرولو شوية معدنوس من الفوق
شوربة السمك
المقادير
2 حبات قرعة اي كورجات
3 حبات لفت
3 حبات جزر
3 حبات بطاطا
حبة بصل
الكرافص
راس الحانوت
فلفل
ملح
زيت
و الحوت اللي مايكونش فيه العظم أحسن ديريه داخل لاقاز و اعقدي عليه باش العظام ما يطيحوش في الشوربة
3 حبات طمام
شوية قصبر
التحضير:
نقلوا كل الخضر في الزيت و البصل و نضيفوا التوابل و كي يقربوا يتقلاو نزيدولهم الكرافس و نمرقوا بالماء السخون ثم كي يولي يغلي انديرو الحوت في شاش مثقب مثل لاقاز و انديروه في المرق يطيب و الحوت ما يطولش في الطياب حوال 10 الى 15 دقيقة و نحيه وو كي اطيب الخضر ترحيها و ايذا صبتيها ناشفة زيديلها شوية ماء سخون و نقلبوها فوق النار و الحوت بعدما يبرد شوية انفتوه و انحولو العظم و انديروه في القدر مع الشوربة تاعنا
ثم نخلوها تغلي و انطفوا عليها و نزيدولها القصبر ثم انطفو عليها

هادي السلطة انا صنعتها

و هذا الحوت دارتو ماما في الكوشة

و هذا قرنون معمر باللحم المفروم و معه جلبانة و دجاج محمر

و هذا المثوم

و هدذا شوربة سمك

رحت انصورلكم المشروبات اللي درتها لكن ابي صبتو اداهم ما الحقتوش ههههههههههه مقلق و انا واش انديرلو

linat · 2012-05-21, 13:47

ya3tik saha
ana lahe ma3radtiniche hrame 3like
bsahatkome

faizarbh · 2012-05-21, 13:49

اقتباس:

المشاركة الأصلية كتبت بواسطة linat

ya3tik saha
ana lahe ma3radtiniche hrame 3like
bsahatkome

ما شي خسارة في لينا ارواحي حنونة و الله ندريلك اكثر من هكذا المهم ترضاي

linat · 2012-05-21, 13:57

اقتباس:

المشاركة الأصلية كتبت بواسطة faizarbh

ما شي خسارة في لينا ارواحي حنونة و الله ندريلك اكثر من هكذا المهم ترضاي

mercie hanouna rabi yahafdak wa ya3tik matatmanaye

موج و صخر · 2012-05-21, 14:12

اكلات شهية
يعطيك الصحة انت و ماماك

*ام رامي* · 2012-05-21, 14:41

ووووااااو يعطيكم الصحة اطباق صح نتاع ضياف
اعطينا شربة السمك حنونة
بصحتكم

faizarbh · 2012-05-21, 15:00

اقتباس:

المشاركة الأصلية كتبت بواسطة *ام رامي*

ووووااااو يعطيكم الصحة اطباق صح نتاع ضياف
اعطينا شربة السمك حنونة
بصحتكم

الله يسلمك اختي ام رامي اديهم كلهم و رامي شحال انحبوا بوسيهولي بزاااااااااف :d

faizarbh · 2012-05-21, 15:00

اقتباس:

المشاركة الأصلية كتبت بواسطة موج و صخر

اكلات شهية
يعطيك الصحة انت و ماماك

تسلميلي اختي شكرا

faizarbh · 2012-05-21, 15:04

اقتباس:

المشاركة الأصلية كتبت بواسطة linat

mercie hanouna rabi yahafdak wa ya3tik matatmanaye

الله يسلمك لينا الغالية

أنا أمهم · 2012-05-21, 15:10

تبارك الله عليكم يا فايزة, ما شاء الله و ربي يفضلك الوالد و الوالدة

و يظهرلي أول طيارة للجزائر تلاقيني فيها ههههههههههههه إذا الضيافة عندكم هكة ههههههههههههه

ربي يبارك و يرزقكم من نعيمه.

faizarbh · 2012-05-21, 15:41

اقتباس:

المشاركة الأصلية كتبت بواسطة أنا أمهم

تبارك الله عليكم يا فايزة, ما شاء الله و ربي يفضلك الوالد و الوالدة

و يظهرلي أول طيارة للجزائر تلاقيني فيها ههههههههههههه إذا الضيافة عندكم هكة ههههههههههههه

ربي يبارك و يرزقكم من نعيمه.

و فيكي بارك الله اختي الغالية ارواحي و تلقاي اللي اتحبي مرحبا بيك في عائلتك الثانية

linat · 2012-05-21, 16:01

madili les resetes et salade kifahe dartiha

أم ياسين الزهراء · 2012-05-21, 16:07

بصحتكم لكان غير فليكسيتولي شوي الله يديمها نعمة عليكم هذي العرضى ولا خلي

اعطياي طريقة شربة السمك وديري فينا مزية حطيها موضوع مستقل باه نشوفها ربي يعيشك

safioo · 2012-05-21, 16:30

ممممممممممممممممم
شهيتيني وانا جايا من القريا عيانة وميتة بالجوع هههههههههههههههههههههه
الله يبارك طياب شباب وهمي
تحياتي لكي وللأم الغالية المبدعة

الأمنيات · 2012-05-21, 16:45

الله يبارك ربي يخليلك صحتك و يهنيك