اكلة من بلدي

[الام المعلمة]

شوفو طريقتي
مسخن..فلسطيني

المقادير....
دجاجة وحده.......بتكاكي....بق بق بق بق..........
بصل........بعمي البصر
سماق احمر............
خبز بلدي........من اللي بعجنوا ربات البيوت....او خبز لبناني رقيق.........وفي خبز يخبز على الصاج....عجينته تكون سائلة قليلا"بنسميه خبز شراك"
ملح..فلفل..بهار...ورق غار..4 حبات هيل

هلاء الطريقة
1. البسي مريول المطبخ
2. ادبحي الجاجة....او فيكي تشتريها مدبوحة وخالصة
3. قطعي الجاجة.....زي ما تحبي..ونظفيها باليمون والملح والطحين......"بنصح تخلي الجاجة منقوعة بهادي الخلطة شي نص ساعة تقريبا" عشان الزفرة تروح منها
4. جيبي صينية بايركس..وحطي الجاج فيها....وبهريها وملحيها....وحطي في الصينية ورق الغار وحب الهيل...وكاسة ماء عليها..وغطيها بالقصدير..
5. بالفرن لحتى تستوي..........بدها ساعة ونص تقريبا..........يفضل زيادة الماء عليها......لانه محتاجين ششوية مرقة بعدين
6. دور البصل........قطعيه متوسط.......وجيبي طنجرة ستينلس ستيل وبقاعها شوية زيت سمسم"سيرج" بلاش زيت زتون لانه بحترق بسرعة ......سمسم احسن.....او اي زيت ذرة
المهم"حلوسي" اسطلاح بيتي...يعني قلبي البصلات في الزيتات عبيل ما يدبلو..وثم حطي عليهم السماقات...حسب الرغبة..بس المفروض يكون البصل احمر كتير....عشان"ازكا هيك"...وغطي الطنجرة عليهم......وضلك حركي البصل خوف لا يلزق بقاع الطنجرة
7. بعد ما يستوي............وتستوي الجاجة
بنفصل المرقة على جهة ....وبنجيب الخبز الشراك....او ممكن تستخدمي الخبز اللبناني الرقيق....
هلاء الفن
جيبي رغيف الخبز.....وسقيه بالمرقة وبعدين غطيه بالبصل ومن فوق قطعة جاج.....فيكي تعملي رغيف كبير..او ارغفة صغيرة لكل شخص..........انا بفضل رغيف كبير عشان الاكل....مع الجمعة احلى
بعد ما رصينا الخبزات اللي عليهم مرقات والبصلات وفوقهم الجاجات.........بندخلهم على الفرن كمان مرة لحتى نحمر وجه الطبخة
وبس تتحمر..بنشيلها وبنادي ..العيال وابو العيال....وبالهنا والشفا

ااه نسيت احكيلك
هاي الاكلة ما ينفع معاها شوكة وسكينة..............بدها اصابع دهبية................


ملاحظة...................الاصابع مش للاكل
ااه............................................... .......شيلي المريول اخر اشي
انصروا القدس التى تنهب

[رائد رائد]