قلب لوز بكاكاوو لسهرة رمضان

[ام رفال]

السلام عليكم و رحمة الله

اكيد حلوى معسلة عادية و لذيذة و ما تخلى منها اي مائدة جزائرية برمضان

و حضرتها بطريقة بسيطة و توفقت فيها ... كانه مشروع جديد يا ويل حالي انا :

المهم المقادير و الصور يحكموا عليها تفضلو معي :

500 غ سميد متوسط
250 غ سكر
100غ زبدة مذوبة
حطيت كل المقادير و تركتا ترتاح


جهزت الشربات :
500 غ سكر
1 ل ماء
كاس ماء الزهر




في مول مدهون بزبدة حطيت عجينة السميد و دردرت الكاكوو مع اللوز مطحون و هذا يرجع حسب ما عندك



و غطيتا ثاني بالعجينة


و حطيتا في الفرن
بعد ما حمرت سقيتا بالسيرو و رجعتا للفرن شي 5 دقايق ثم خرجتا سقيتا بالباقي و تركتا حتى لغدوا
تحصلت على هاد الشكل




حطيت فسدق مهروش لتزيين




و صحة على قلوبكن بنات
بس ادعولي اذا عجبتكن