سلام عليكم
نحب نشكر كل القائمين على هذاالقسم الرائع اللي افاد العديد من النساء لا سيما الماكثات بالبيت تجيبولهم الجديد لعندهم
العرائس تعطيوهم الموديلات
الخياطات توضحولم الكيفيت
الطرازات اللي يسمسمو و يعقشو اللي يكروشيو اللي ............................كل ما يهم اناقة الجزائريات من كل الولايات
و نحب نعطي فكرة علابالي ريحين تقولولي درناها من قبل.اليوم شفت موضوع على صدور الجبب الوهراني 2014
رائعين
قلت نقول لحباباتي اكيد كاين اللي تعرف تعلمنا و نديرو ورشة و الكل نستفيدو
و نوجدو قندورة وهراني الله الله هاد الصيف نتقلشو بيها فالعراش لكن بشرط الصدور للموديلات الجديدة
لاني شفت موضوع لاخت يعطيها الصحة داراتو لكن المودال جا بعدو موديلات ابهى
تعيشو متتجاهلوش طلبي
و نعطيكم رابط موضوع الموديلات اللي نشكر الاخت كثير عليه
راني نستنى في رد المشرفين
و لازم انتم ثاني تايدوني اللي موافقة تكتب باللي
الكل يريد جبة وهراني للصيف
و من ورا الوهراني نتعلمو الملحفة الشاوي
و من بعد القبائلي و من بعد نخدمو كاراكو و قفطان
و انتم تكسبو دعاوي الخير و احنا نستفادو "اهم شيء الصحبة الطيبة"
https://www.djelfa.info/vb/showthread.php?t=1492266
و نختارو المودال اللي يعجبنا
شكرا
( تقرير عن مشاركة سيئة )، و الموجودة أسفل كل مشاركة .
2014-01-09, 16:02
طلب فتح ورشة عااااااجلللل يا الحراير
العرض الشجري