خطبوني ولكن.

[مشكلتي]

السلام عليكم ورحمة الله وبركاته
اخواتي اخواني راح نحكيلكم مشكلتي وياريت تعطيوني رايكم وتدعيولي انا من شهر خطبتني صديقتي لخوها وجاو لعندنا وتمت الرؤية الشرعية وكان هناك قبول وارتياح من كلينا على اساس تكمل بقية الامور من خطبة وغيرها لكن شاء الله ان تحدث ظروف مرض والدهم منعهم من المجئ قلت قدر الله وماشاء فعل لعله خير المهم مر اسبوع بدأت صحة والدهم تتحسن انتظرت ان يخبروني بعودتهم لكن لم يحدث على اساس انهم مقتنعون جدااااا منذ ايام اخبرني ان الأمر متعلق به شخصيا ولديه ظرف خاص ولازم نصبر شوية ومايكون الا الخير بصراحة تقلقت وقتله وعلاش تتقدم وانت عندك اشياء تمنعك من تكملة امورك ..زعف من كلامي وقالي انا نيتي في الخير واكبر دليل جيت لداركم وشفتك وتكلمت عليك بقى مسألة وقت برك اصبري عليااااا.ا خياتي انا دارنا بداو يسقسوني وعلاش هذا التأخير من جهتهم انا راني صابرة ومخليتها على ربي قولولي عادي تصرا هكدا ولا مش منطق؟؟؟ انا ايماني كبير وحتى لوكان مكتبش ربي متاكدة تما الخير اللي قلقني اني هكدا ماني عارفة والو حاسة روحي معلقة وفرات انصحوني بأرائكم وادعيولي ربي يسرها في طريقي يااارب لحكاية عندها شهر و19 يوم

فقط توضيح انا لست على اتصال به مع اني املك رقم هاتفه الذي اعطته لي صديقتي اللي هي اخته
لكن لما تحيرت استفسرت منه
ادعيولي ربي يحفظكم

[الواثقة بربها]

السلام عليكم ورحمة الله وبركاته
أختي الكريمة أنصحك بالاستخارة ثم التريث والصبر
لعل هناك مانع
ادعو الله ان ييسر أمرك ان شاء الله

[الفاتحة]

لا تهتمي للأمر انسيه لكان جاء هاو جا لكان ما جاش الله لاجابو ولاكان خطبك واحد آخر اقبلي وربي يباركلك

[نارينا]

يعني الرجل نيته سليمة وله ظروف خاصة ووعدك بالقدوم لانه طرق الابواب لا النوافذ ولم لا الصبر بما انك مرتاحة للعريس ونفس الشيء من جهته ........انا اعرف الكثير ممن قدموا وعودا بالزواج بعد الرؤية الشرعية وتقدموا بعد اشهر وليس شهر فقط مثل حكايتك ........اصبري اختي فغيرك ينتظر منذ سنوات على امل ان يتقدم لهن خليل الهاتف ولم يتقدم بعد......

[نرجس44]

السلام عليكم
يا اختي الامر عادي جدا اكيد الخطبة لازمها وقت و شهر وقت بسيط انا خطبتي تشبه خطبتك و لكني لم يكن لدي رقم هاتفه مدة 4 اشهر خطبة رسمية و حتى انني رايته مرة واحدة في الرؤية الشرعية و صبرت على ضروفه و هو يصبر على ضروفي و هكذا لا داعي للعجلة و لي جاية من عند ربي يا محلاها لي مكتبة راح تصرا المهم الانسان ميبينش قلقه و اندفاعه لانك ستندمين

[sidou imad]

الصبر مفتاح الفرج

[محمد جديدي التبسي]

تحدث هذه الأمور يا أختي فلم الاستعجال
انتظري حتى ثلاثة أشهر وين المشكل وزيد أخته صديقتك يعني أي خبر المفروض عندك
إياك أن تتصلي به ....ربي يفتح عليك

[chamam]

السلام عليكم ...أعطيه وقت ...يا أختنا ...وبالنسبة للمشاكل التي يعاني منها ...هي أخته صديقتك يعني تستطيعين سؤال

أخته ..عن نوعية هده المشاكل ...ربما سكن ..عمل ..مهرك غالي شوية ...وغيره ....من هنا تحددي هل انتضارك سيطول ام لا

بالتوفيق .

[chamam]

السلام عليكم ...أعطيه وقت ...يا أختنا ...وبالنسبة للمشاكل التي يعاني منها ...هي أخته صديقتك يعني تستطيعين سؤال

أخته ..عن نوعية هده المشاكل ...ربما سكن ..عمل ..مهرك غالي شوية ...وغيره ....من هنا تحددي هل انتضارك سيطول ام لا

بالتوفيق .

[سوسو92]

ربي يفرج عليك اختى الامر عادي جدا وكثير مايحدث وانصحك لا تطلبي منه الاسنعجال فهوا ايضا له ظروف خاصة

[bellaluna]

عليك بالصبر و إن كنت مستعجلة على الزواج ان خطبك شخص آخر اقبلي به.

[أم شروفة]

عيب اختي لاتكلميه.يقول أنها ما صدقت وخطبتها وعادي المسالة ممكن تكون بعد 3أشهر او حتى سنة.راه زواج ومسؤولية ماديةو ممكن ماعندوش الدراهم باش يدير خطبة

[first first]

براي جد عادي اختي..............................وهدي تعتبر خطبة تقريبا رسمية....................احنا برك نحبو الهرج والمرج.....
براي اصبري ....شهر و19 راهي والو......................خليها على ربي....ونقلك اختي كل انسان عندو ظروف....ونهار يسهل ربي راهم يجو ان شاء الله.
الامر جد عادي.............الا ادا كان هناك خطاب اخريين...فعليك اتخاد قرار.

[مواطنة]

اختي عندهم اقل من شهرين ملي جاو لداركم و كانت عندهم ضروف لكن لازمهم يوجدو روحهم باش يجيو المرة الثانية وخاصة الشاب لانو فيها تبان ظروفو و الشرط ديالك وهو لازمو يكون عندو الرد لكل الاستفسارات
علاه تتقلقي لازم تمتم يديرو خطبة بعد الشوفة ام ماذا كاين بزاف بنات يجو يخطبوهم اول مرة و يكون قبول من بعد فترة باش يرجعو للشرط المهم كاين قبول وكل واحد و ظروفو لكن اذا انت مشي عاجبك الوضع تقدري تحبسي بلا ما تبلغي الشاب كلام يؤذيه من دون علم مسبث بظروفه
على كل استخيري الله تعالى و لا تلتفتي لمن يسأل عن خطبتك

[كلمات مبعثرة]

السلام عليكم

فرج الله همك