تحطمت كليا

[مشكلتي]

السلام عليكم
اولا : الحمد لله على كل على ، اللهم لك الحمد حتى ترضى ولك الحمد اذا رضيت ولك الحمد بعد الرضا .... ولك الحمد على كل حال.. :وردة:

أنا فتاة ابلغ من العمر 17 سنة محافظة على صلاتي عقبت البيام العام هذا دوبليت 2 مرات صحباتي العام الجاي يعقبوا الباك وانا البيام والله مقدرت نصدق كرهت من حياتي تمنيت الموت تديني و ميصراليش هك الدمعة منشفتش من عيني كل يوم نبكي و مرتحتش ولله نغير عندي فراغ في قلبي ومنهدرش منضحكش منكلش قاع ببساطة كرهت كلش و كرهت الدنيا وقلبي طول يخبط كي نشوف صحباتي زاهييين وانا لا واااش ندييربصصح راضية بحكم ربي بلاك بلاني بالشىء هذا و راني صبرا على كلش منرتاحش حتي ندي البااااك و يتنحي الثقل لي على ظهري اسمحولي طولت عليكم
نتمني تنصحوني
في أمان الله
ادعولي بظهر الغيب ولكم بالمثَل

[تينا ماريا]

شوفي اختى نحي عليك هاد التخمام و اتلهاي بقرايتك
شوفي نقاط الضعف تاعك اللي خلاوك عاودتي عامين اذا المشكل منك بسبب التقصير زيري روحك و ما تخميش اللي صار صار
اذا الله غالب ديري دروس خصوصية و أقراي صدقيني اللي يتعب ينجح اعرفي برك كيفاش تستغلي وقتك
اما بخصوص صحاباتك خلاص ربي يسهل عليهم انتي المفروض درك تديري صحابات جدد من الكلاسة الي تقراي فيها كان تبقاي تبعيهم تمرضي برك
الخلاصة ركزي على قرايتك و نحي عليك التفكير السلبي لانه راح يقضي عليك و يضيعك اكثر

[زرقـآء اليمآمـة]

السلام عليكم
اولا اختي الكريمة اتمنى لك النجاح في دراستك .....
ثانيا ما فائدة التخمام وعدم الاكل والبكاء ؟؟ تزيدك هما على هم ........ وتقلقي بذلك اهلك عليك و تضياق اكثر الدنيا في عينيك ولا تستطيعي العيش والتاقلم ......... والموت عزيزتي بيد الله سبحانه ، وكلش بالمكتوب ...... حتى النجاح في الدراسة والحياة عموما ..........
لا تفقدي الامل ولا تلتفتي الى من هم اعلى منك بل لمن اقل منك ظروفا ومستوى سترين انك احسن منهم بكثير و لك نعم يتمنوها ، اذن داومي على الاستغفار وذكر الله في كل حين حتى تتخلصي من الصدمة التي انت فيها ومن هذه الوساوس التي تترصد بك ...... واستعيني بالله في كل شيء ................ ولا تنسي اداء واجباتك الدينية ولا تهمليها حتى ترجع اليك ثقتك بنفسك وثقتك بالله تعالى .......
وربما هذا العام ان شاء الله تكوني من الناجحين ومن يعلم ؟؟؟؟ ............... اكرر لك اختي لا تقنطي من رحمة الله ................. ربي يوفقك والله المستعان

[sousou maya]

المشاركة الأصلية كتبت بواسطة مشكلتي

السلام عليكم
اولا : الحمد لله على كل على ، اللهم لك الحمد حتى ترضى ولك الحمد اذا رضيت ولك الحمد بعد الرضا .... ولك الحمد على كل حال.. :وردة:

أنا فتاة ابلغ من العمر 17 سنة محافظة على صلاتي عقبت البيام العام هذا دوبليت 2 مرات صحباتي العام الجاي يعقبوا الباك وانا البيام والله مقدرت نصدق كرهت من حياتي تمنيت الموت تديني و ميصراليش هك الدمعة منشفتش من عيني كل يوم نبكي و مرتحتش ولله نغير عندي فراغ في قلبي ومنهدرش منضحكش منكلش قاع ببساطة كرهت كلش و كرهت الدنيا وقلبي طول يخبط كي نشوف صحباتي زاهييين وانا لا واااش ندييربصصح راضية بحكم ربي بلاك بلاني بالشىء هذا و راني صبرا على كلش منرتاحش حتي ندي البااااك و يتنحي الثقل لي على ظهري اسمحولي طولت عليكم
نتمني تنصحوني
في أمان الله
ادعولي بظهر الغيب ولكم بالمثَل

وعليكم السلام
ربي يحفظك أختي ....
أبدا لم يكن العمر عيبا في طلب العلم ...
ايه انت ضيعتي عامين المهم انك متزيديش تعاودي ...
تخمامك ماشي في صالحك حنونة بعيد الشر عليك وعلاش تخممي فالموت ؟؟
بزااف منجحوش وضيعو عوام بالصح في الاخير جابو الباك وتخرجو ولاباس عليهم
شوفي مع قرايتك وانساي لي فات فات خمي فالجاي
وان شاء الله تجيبي البيام تاعك هاد العام وتعياي وتجوزي الباك
عوام الليسي تجوز بالخف ربي يوفقك حبيبة

سلام

[naamane3]

دوبليتي عامين وعليك هم كبير بسببهما
فما رايك بمن فصل من الدراسة كليا
او ما رايك في من اقصي من الباكالوريا 10 سنوات
او ما رايك في من فرض عليها ابوها او اخوها عدم اكمال الدراسة لسبب اولغيره
وما رايك في من فرض عليها زوجها ترك عملها ولما تركته طلقها
وما رايك وما رايك وما رايك
كل ما ذكرناه دنيا زائلة ركزي على ارضاء ربك
وهو سيعطيك الدنيا رغم انفك
الم تقرأي قوله تعالى
ومن يتقي الله يجعل له مخرجا

[فريال العلمية]

اختي هذا مكتوب ربي عسى ان تكرهو شيئا و هو خير لكم

ا

[mimish]

السلام عليكم
لا يهم متى تتحصلين على شهادة التعليم المتوسط....لكن المهم ان لا تفقدي الأمل
انا كانت معايا واحدة في الجامعة لم تتحصل على الليسانس في عامها الأول ...كما نقولو حنا كانت تغيضني مي هي الان الله يبارك خير مني
دات الليسانس ونجحت في المسابقة نتاع التعليم وفي عامها دارو ادماج والان خطيبها ماشاء الله .....انا ديت ماستر وتزوجت قبلها وعايشة حاة كالجحيم
المهم نهاية كل واحد كفاه انا علابالي باللي كاين ربي وان شاء الله تتحسن الاوضاع
اما بالنسبة ليك ربما البنات اللي نجحو الباك يديرو تخصص ميقدرولوش يولو يبدلوه ويضيعو عوامهم...ولا يعاودو لعوام
....
تفكرت عندي اختي الباك 3 سنوات وهي تعقب مي كي نجحت دات معدل مليح ودارت تخصص اللي كانت تحلم بيه
اصبري واقراي ومتفقديش الامل ...الطيحة هذه تقويك متخليهاش تفشلك
ربي ينجحك

[صمت الوجود]

المشاركة الأصلية كتبت بواسطة naamane3

دوبليتي عامين وعليك هم كبير بسببهما
فما رايك بمن فصل من الدراسة كليا
او ما رايك في من اقصي من الباكالوريا 10 سنوات
او ما رايك في من فرض عليها ابوها او اخوها عدم اكمال الدراسة لسبب اولغيره
وما رايك في من فرض عليها زوجها ترك عملها ولما تركته طلقها
وما رايك وما رايك وما رايك
كل ما ذكرناه دنيا زائلة ركزي على ارضاء ربك
وهو سيعطيك الدنيا رغم انفك
الم تقرأي قوله تعالى
ومن يتقي الله يجعل له مخرجا

والله عندك الحق خويا انتي علاه تمرضي روحك لو كان البكاء جاب حل ولا الكآبة تخرجك وتنجك.لو كان رانا كل نبكو

لكن اعطي للدراسة حقها .واذا ربي شايفلك الخير في عدم النجاح الدراسي وراح ينجحك في حياتك الاخرى ..خليها على ربي لكن اعملي بالاسباب

[doba]

ربي يوفقك والله المستعان

[saidaa]

نقولك حاجة ما تقلقي روحك ما والو والله مره خلاف يعدى هدا الاحباط و تولي تضحكي علي روحك و انا عديت على اشياء كما هكا و درك وليت نشوفها حوايج والو بالمقارنة ب واش صاريلي دكا ربى معاك ن شاء الله

[مُﭔﭥسـّمہ دائمًا ツ]

اقراي في سيرة اي شخصية ناجحة معروفة
تلقاي بلي جازوا على امور ميتصورهاش العقل ولا الخيال
من مشاكل وعقبات وناس تحب تعجزهم وابتلاءات وكل ما يخرج من مشكل يطيح في واحد اعظم منه

اي شخص عادي كان راح يفشل ويحبط وينسحب
ولكنهم بالاصرار وقوة الايمان ماحبوش يستسلمو و يضيعو حلمهم الذي اصبح حقيقة

بذور الصبر مرة يا اختى ولكن ثمارها احلى من العسل
عاودي حتى 20 مرة ولكن ابدا لا تياسي الياس اكبر خيانة لربك وليك ولحلمك ولاهلك

في يدك ان تعوضي هذا الامر في انك تعزمي بقوة واصرار انك تجتهدي ليل ونهار وتنجحي في الثانوية وتدي الباك تعاك باعلى معدل
مشي خير منك لداروها وصدقيني عمرك لا تقولي انا منقدرش انا ضعيفة في هذه المادة لانه ماكاش واحد عبقري واصلا برنامج التعليم في بلادنا مايتطلبش الواحد يكون عبقري باش ينجح فيه هو اجتهاد فقط لا غير اجتهدي واخلصي النية تاعك لدراستك وشوفي التوفيق من الله تعالي كيفاش راح يكون


الى كل الرائعين الذين تتاخر امانيهم
عن كل من يحيط بهم بضع سنين
لا بأس ...
دائما يبقى اعلان المركز الاول لاخر الحفل !!
اذا سبقك من هم معك
فاعرف ان ما ستحصل عليه ..
اكبر مما تتصور !!
تأكد ان الله سبحانه وتعالي قادر على كل شئ
ولا تسنى ان الله لا يضيع اجر المحسنين - فكن منهم -

لـ ابراهيم الفقي ربي يرحمه .

[~~نهال~~]

ماعليش ختي كلش يهون
لا يكلف الله نفسا الا وسعها
و هذا ابتلاء من ربي سبحانو
كشما احتجتي حاجا راسليني او ديري موضوع في دردشة البنات و نحكيو مع بعض عادي و لو حتى تححبي تراجعي حاجا قوليلي
عادي اختي ممكن تشوفيهم يطلعو و ماتدريش الاسباب لعل ينقلو لعل دراستهم مش نظيفة كيما نقولو و لعل اي شيء
مايهمكش نتي لعل ربي مخبيلك امر مليح مادام وزيرة تبدلت قادر يبدلو قداه من حاجا في صالحك
صح تغيض و تغيض بزاف و مش رح نبقا نتوجع ف االكلام باش ماتقوليش تهبطلي المورال
لكن حاولي كاين وحدا الباك تعها عاوداتو 3 مرات باش نجحت
هذه سنة الحياة كاين اللي مشكلو دراسي و كاين اللي مشكلو عائلي و كاين اللي مشكلو الفقر مالقاش حتى يقرا او يخدم
و كل واحد كيفاه مشكلو
مش غير نتي اللي تعاني ل
لكن مادامك حابة تجيبي الباك تاعك باش ترتاحي مالا ابداي و ماتخمميش بزاف
اقراي و كشما تحتاجي نصائح قوليلي اني هنا ~~
تقبلي مروري و اكثري من الصلاة و الدعاء و خاصة الاستغفار

[boudov]

في البداية نشكرك على صراحتك
صحيح ان عودتي البيام مرتين . هذا لا يعني ان ماتفهميش ولا حابسة
نعطيك مثال انتاع انشتاين الي عاود الدراسة لمرات عديدة اوكانوا يقولو عليه حابس بصح النظريات انتعو ا الان مازال ماقدروش يفهموها. . --معريفة خير--بلاك راكي انشتاين تاع الزمان والناس مفهمتكش

[zomorodaz]

الله يفرج عليك اختى

[زوجة الغول]

يا ختي مازال ما ظهرتش النتائج يعني إن شاء الله تكوني نجحتي
ما تشوفيش أبدا وراك
ديما شوفي للأمام
-ولوكان جاو المشكال لي في هاذ الدنيا متعلقين بالقراية وفي فلان نجح وأنا لالا ذرك رانا لاباس
يا ختي باين تقراي بعقلك ومادامكي هكذا وربي في قلبك ماتخافيش وشكون عارف ممكن يروحو للجامعة ويقعدو فيها ونتي تلحقي عليهم
ربي ينجحك ختي