مكتب الخدمة الوطنية سكيكدة

[ShEriF21]

السلام عليكم و رحمة الله تعالى وبركاته

اولا الحمدلله بعد ملف الكفالة و تحقيق الدرك و انتهاء التاجيل دهبت اليوم الى المركز و طلبو مني 2 صور و قالولي ارجع بعد شهر لاستلام بطاقة الاعفاء.

اما بالعودة الى العنوان والله لم افهم ما دور هده المكتب او الملحقة ان صح التعبير مثلا اليوم دهبت الى مكتب الخدمة الوطنية بعنابة بما ان التاجيل صادر من عندهم رجعوني من الباب و قالولي عندكم ملحقة في ولايتكم قتلو الدوسي راني دفعتو عندكم قال لي عد من حيث اتيت المهم انا رجعت نجري للمكتب تاعنا و دفعتلهم التاجيل و بينما انا انتظر الرد سمعت رئيس المكتب بسكيكدة اتصل بالهاتف لمكتب نتاع عنابة و مدلهم رقم التسجيل قالوله هدا راه وجدت لكارت جون انا فرحت خاصة بعد ان طلبو مني 2 صور ونسخة من بطاقة التعريف الوطنية وقلت اليوم نروح بالكارت جون بعد مدة استدعوني من جديد و اعطاوني استدعاء و الكارثة انو مكتوب فيه 'مستدعى يوم 11 جيولية 2014' اي انني مستدعى يوم الجمعة عيش تشوف قالك رايح ندخلو الاحترافية

المهم رانا نعانيو مع هدا المكتب الي معندو حتى معنى اتخيلو السنة الماضية دفعت ملف الكفالة يوم 5 ماي 2013 بسكيكدة و التاجيل صدر بتاريخ 12 جوان 2013 بعنابة و استلمت التاجيل في سبتمبر اي اني خسرت 4 اشهر و فاتوني العديد من المسابقات و هاانا اخسر مجددا شهر او شهرين في انتظار البطاقة انا ما عندي الا قول حسبي الله و نعم الوكيل فيكم يا ايها المسؤولين