الرضاعة الطبيعة + الحمل

[mina alg]

إكتشفت مأخرا أني حامل و مازلت أرضع طفلي الدي عمره 9 أشهر فسمعت من بعض الأخوات أنه يجب إيقاف الرضاعة بعد الحمل و هناك من قالت أنه عادي ولا يأثر على طفلي فبما تنصحوني

[أم لُجَيْن]

اختي اولا مبروك الحمل ويجي بخيرو ياااارب
اما عن سؤالك يلزم توقفي الرضاعة لطفلك لانو لي في بطنك يحتاج تغذية واذا استمريتي انت لي تتاذي حليبك فيه كامل الفيتامينات تمديلو ولي في بطنك تخليه صايي اعطيلو حليب اصطناعي وخلي الجنين يتغذى
وربي يكملك بالصحة والعافية حنونة

[khadija la brune]

اولا مبروك عليك حتى انا راه عندي نفس المشكل عمر ابنى 17شهر و بغيت نكمله الرضاعة الطبيعية حتى لعامين بصح كي و ليت حامل قالتلي الطبيبة حبسيهاله لانها مش مليح لينا فالثلاثة اولا يقدر البيبي يطيح بعيد الشر و انت تحكمك لانيمي و زيد ولدك كي يرضع يمرضلك .

[اشكولاة]

اولا مبروك الحمل و ربي يتمم بخير انا مريت من هذه الطرق كنت حامل في ابني الثاني و بنتي كان في عمرها 13 شهر و لما سالت طبيب الاطفال قالي ما تحبسيلهاش الرضاعة حتى وين تولدي حبسيلها مدة 6 او 7 ايام الاولى بعد الولادة و تقدري تكمليلها ترضع مع المولود الجديد انا عملت بنصيحة الطبيب كمات رصعتها حتى وين فريب نولد وكانو الناس يقلولي بلي المولود الجديد راح يزيد قليل و المفجاة بعد ما ولدت ابني وزن 5 كيلو و 300 غرام الله يبارك اتمنى نكون افدتك

[أم مبين]

أولا مبروك الحمل وربي يثبت لك لكن ننصحك تحبسي الرضاعة يقولك الحامل مين ترضع راها تقتل في وليدها

[sonia32]

والله يا اختي نفس مشكلتي هادي الايام اكتشفت اني حامل وابني عمره 18شهرالناس الكل قالولي حبسيلو الرضاعة لا خاطر تضره وصح كنت نعس فيه اصبح تعبان وفاشل لكن الحمد لله الاسبوع الي فات فطمت وصار لاباس نصيحتي ليك وكل الامهات الي زينا حليب المرضع الحامل خطر اولا على صحتها وعلى الجنين وعلى ابنها