مادلان بالشوكولا من مطبخ فتفوت

[ام انليز]

السلام عليكم
راني درتلكم اليوم مادلان شوكولا علبالي بلي كامل نسا نقطة ضعفهم شوكولا
أمممم بنان رايحين تأكلو صباعكم معاهم
نبدأ في المقادير
شيكولا مقطع الى قطع كبيرة و صغيرة
100غ زبدة مقطعة
2بيضات مخفوقين
2م ص فاني سائلة
كيس خميرة
فرينة
1م ص كربونات صودا
2م ك سكر
التحضير
ذوبي قطع شيكولا كبار مع الزبدة
اخفقي بيض مع السكر
في إناء ضعي فرينة مع خميرة مع كاربونات
و كبي عليهم البيض وخلطيهم و زيدي عليهم
شيكولا و شوية حليب وفان
دري زبدة في لمول ادهنيهم وحطي فيهم عجينة و في وسط
كل حبة قطعة شوكولا صغيرة وحطيهم يطيبو
كي طيب حطيله شيكولا و لاكرام شونتي
وخليهم يجمدو
عجينة تاع مادلان راهي جي رخوة حطوها في مول بلمغرفة او لابوش.
جربوها مادلان يحمر لوجه.