تليتلي بالصور من مطبخي

ام راضية · 2013-02-24, 20:19

تحياتي لكن جميعا اخواتي وان شاء الله تكونو بخير
اليوم عملت تليتلي وفي بعض المناطق يسموه لسان العصفوروصورت المراحل بالتفصيل اتمن ان ينال اعجابكن حبيباتي

اول شيء المرق
نقلي اللحم في زيت مع بصل وثوم التوابل ووريقات رند
توابلي هي تابل وكرويه وكركم وزنجبيل وفلفل ابيض لان المرق ابيض وقليل جدا من فلفل اسود

هدا بعد ما تقلت واضفت لها حمص مشمخ

نمرق بالماء ليس كثيرا لان لحم الدجاج سريع الطبخ

وهده الصوص بعد ما طابت

نصفي منها اللحم والحمص والفلفل ونتركها جانبا
نعود للتليتلي
لكيلو نصب فيه مقدار 3ملاعق اكل زيت وملح

ونخلط مليح حتي تتشرب الحبات بالزيت والملح

ثم نضعه يتفور علي ماء غزير
بعد ما يتفور الفورة الاولي نحط الكسكاس اللي فيه التليتلي في اناء اوسع من الكسكاس ونصب عليه الماء الغالي اللي فورناه فوق منهونتركه ربع ساعة هكدا

بعد ربع ساعة نصفيه من هداك الماء ونخليه ينشف مليح

ثم نزيد نحطو يفور للمرة الثانية

بعد التفويرة الثانية نفرغ التليتلي من الكسكاس الي الصوص اللي كنا طيبناها وصفينا منها اللحم والحمص ونحطو يتجمر مليح علي النار وهدا شكله في الكوكوت بعد ما جمرناه

وهده طريقتي في تقديمه وان شاء الله يعجبكم وتجربوه راهو لديد جدا ويصلح للعرضات في مكان الكسكسي

وهدا صحن مخللات عملتهم جدد للي تحب الحار مع العجائن

ادا عجبكم ما تنسونيش بدعوة في ظهر الغيب بالشفاء حبيباتي لانني نطيبو وما نكلوش نشرب في السوب تاع الكرافس لكن فرحتي باولادي ربي يحفظهم ويحفظ اولاد جميع المسلمين تغنيني عن الدنيا وما فيها

ام ظافر · 2013-02-24, 20:52

ربي يشافيك ويعافيك ويفرحك كيما تفرحي اولادك

mounia hse · 2013-02-24, 20:55

merciiiiiiiiiiiiiiiiiiiiiiiiiiiiiiiiiiiiiii

وصال7 · 2013-02-24, 21:03

ربى يشاافيك انشاء الله ويخليك لوليداتك ويعطيك الصحة على الطبق المميز

نهى21 · 2013-02-24, 21:18

يعطيك الصحة ام راضية كيما عود تينا ديما بوصفا تك الشهية

ربي خليك للمنتدى

ام ولي · 2013-02-24, 21:22

ربي يشفيك ويعافيك ان شاءالله ويخليك لولادك ويفرحك بيهم

ندى سالي · 2013-02-24, 22:07

رب يشفيك ويشفي امي الغالية و جميع المؤمنين
امين

نسمة16 · 2013-02-24, 22:18

baraka ellah fiiik rebbi yechfiiik wa ykhalilek wladek wa yehfdhom nchallah

love zawji · 2013-02-24, 22:56

miammmmmmmmmmmmmmmmmmmmmmm ya3tik saha jawa3tini fi nos lil
bsahatkom

ام راضية · 2013-02-25, 06:33

شكرا لكن اخواتي علي المرور الطيب
ربي يحفظكم وينجيكم من الامراض والاسقام

sa-li · 2013-02-25, 06:38

السلام عليكم

مشكورة ختي ويعيطك الصحة

بش تكملي تمتعينا بأطباقك ههه

feuilleblanche17 · 2013-02-25, 08:08

روعة ربي يشافيك و يحفظلك اولادك و تفرحي بيهم دائما

OU SS AMA · 2013-02-25, 08:17

ربي يجعل لك الشفاء اختي ويسترلك اولادك وعلاه تاكلي غير فلاسوب تاع الكرافس تنقصي في الوزن ان كان كذلك اعطيني الوصفة

ام إثري · 2013-02-25, 08:23

ام راضية مازلكي طيبي وتحطي في الوصفات انا قلت من نهار حطيتي الرشتة ماتزيديش تعاودي ههههههههههههههههههههههههههههههههههههههههههههههههه
ايا معليش ربي يشفيك ويفرحك بولادك
وطريقة تفوير التليلتلي جديدة نجربها تبان اسرع
من انك تفوريه اكثر من مرة

انا صراحة
مانفوروش
التليتلي
نغليه في الما نص طياب ونكملو في لاصوص تاعو اغختصارا للوقت
يعطيك الصحة راكي مديتي فكرة

ام كتاكيت · 2013-02-25, 08:37

فكرة التفوار جيدة راحة نجربها لاحقا شكرا لك ربي ىجازيك