نصيحة لكم في الفلسفة

[mimi_h]

السلام عليكم

كيف احوالكم ؟ ان شاء الله بخير

الحمد لله الامتحانات لم يتبقى لها شيء

فقط اردت ان انصحكم في الفلسفة يلا مكنتوش قادرين على المقالات مثلا طاحت مقالات مكنتوش حافظينها و لا حتى مشي فاهمينها

لا داعي للخوف من النص الفلسفي ابدا خصوصا يلا كنتوا حافظين مقالة تاعو

ما عليكم الا تبعوا منهجية النص الفلفسي و ركبوا على حسابوا المقالة

فدليلي أن العام الماضي كنت داخلة ب 12 او 14 مقالة مطاحوش طاحت المشكلة و الاشكالية لكن في النص الفلسفي يلي و لا مرة اختره في حياتي

اختره في الباك اتبعت المنهجية وكتبت ورقة كملتها وزدت اخرى عمرتها ايضا

وديت 14 في حين اصداقي كلهم كانو مثلي دا ايضا فوق 10

لذلك لا داعي للخوف ابدا

و الله يوفقكم


هذه منهجية النص الفلسفي من كراسي الخاص لعام 2013 و اتبعتها في باك 2013

[السراج المنير]

باااااااااااارك الله فيك اختي اييييييييييييه صح لازم مانخافوش وياربي طيحنا موضوع الرياضيات موضوع هايل اما تحليل نص او مقال

وبالتوفيق للجميع

[أم احمد3]

اواه....لالا. لازم معلومات أيضا كثيرة عن أنصار نقيض الرأي وحجج ونقدها ..وطريقة صعيبة أكثر أي المنهجية متخلاطش خلاص فيها .ميمدوش فيها إلا إذا درت صحيح بصاح. واحد ميجبها قدقد

[أم احمد3]

انا نصحت ابني يدير الطريقة الجدلية حتى إذا ميعرفش الموضوع لأنه ميعرفش ..يدير التمهيد للموضوع الموقف الأول نقد زائد الموقف الثاني ونقد التركيب الخاتمة يدي أربع عليها مضمونة يزيد علامات على المقدمة اثنين والأفكار والمعلومات كما حاب ربي المهم يطلع شوية أكثر من ستة

[نعمة القدوس]

نلتزمو برك بالحجج اللي يذكرهم صاحب النص ولا نزيدو من عندنا ؟

[mimi_h]

المشاركة الأصلية كتبت بواسطة samra3

اواه....لالا. لازم معلومات أيضا كثيرة عن أنصار نقيض الرأي وحجج ونقدها ..وطريقة صعيبة أكثر أي المنهجية متخلاطش خلاص فيها .ميمدوش فيها إلا إذا درت صحيح بصاح. واحد ميجبها قدقد

المنهجية اسبق لانه المصحح من يشوف ان المنهجية من الاول خاطئة صدقيني ميبداش يصحح في الورقة و طبعا يفضل تكتبلو العنوانين تاع المنهجيات مثلا المقدمة و تسطروا على كل عنوان اما المعلومات يا اختاه تكون قد اكتسبت طيلة فترة الدراسة سواءا عن طريق الفهم او الحفظ كل على حسب ابداعه في الكلام

و هذا لا ينطبق علي فقط يعني بالتقريب كامل لي نعرفهم قالولي دينا فوق 10

و انا ديت 14 معنتها مشي مستحيل الواحدة يدي نقطة فيه مليحة علما ان احسن نقطة فيه كانت 15.5 عام 2012

المشاركة الأصلية كتبت بواسطة samra3

انا نصحت ابني يدير الطريقة الجدلية حتى إذا ميعرفش الموضوع لأنه ميعرفش ..يدير التمهيد للموضوع الموقف الأول نقد زائد الموقف الثاني ونقد التركيب الخاتمة يدي أربع عليها مضمونة يزيد علامات على المقدمة اثنين والأفكار والمعلومات كما حاب ربي المهم يطلع شوية أكثر من ستة

نعم كل واحد وشطارتو كيما سبق و قلت لكن الانسان يلي ميكونش حافظ المقالة ومشي فهمها غير مكان يديرها لان النص على الاقل تدي منوا شوي معلومات وتصيغيها بطريقتك الخاصة + المنهجية + معلوماتك فباذن الله يدوا فوق 10




و على كل هذه مجرد نصائح الانسان يتبع واش يرحوا

وبارك الله فيك


و الله يوفق الجميع بان الله

[mimi_h]

المشاركة الأصلية كتبت بواسطة نعمة القدوس

نلتزمو برك بالحجج اللي يذكرهم صاحب النص ولا نزيدو من عندنا ؟

لا في الحجج و البراهين تلتزمي بالخاصة بصاحب النص

في التعبير ممكن تعبري بطريقتك

راني صورت المنهجية من كراسي تاع العام الماضي دقيقة ونحطها

[نعمة القدوس]

بارك الله فيك أختي

أني نستنى فيها

[mimi_h]

المشاركة الأصلية كتبت بواسطة نعمة القدوس

بارك الله فيك أختي

أني نستنى فيها

الله يبارك فيك
خلاص راني حطيت الصور

في المشاركة الاولى

بالتوفيق

[mimi_h]

ايه اضافة مرحلة الفهم لا تنقط

تكتبوها في ورقة الوسخ باش تساعدكم في مرحلة التصميم

[نعمة القدوس]

بارك الله فيك أختي

الله يعطيك ماتتمناي

أنا نروح دركا كاشما نكمل الحفاظة
ونراجع الفيزيا
والله يجيب اللي فيه الخير

[أم احمد3]

ان شاء الله تنجحوا كامل...............

[mimi_h]

اللهم امين للجميع ان شاء الله

[مريومة مريم]

نصيحة من عندي ما تخيروش تحليل نص
والله راني نهدر عن تجربة
انا درت الباك في 2011
كانت صحبتي في الفصول كامل دير تحليل نص وتدي فيه 15 16
يسمى كانت تعرفلو
وفي الباك جا النص على المنطق دارتو دات 3
هو اكيد انتم راح تتفكرو شوية حجج في المقالات ديروهم و احترمو المنهجية مليح تدو بربي ان شاالله
ربي يوفقكم

[mimi_h]

المشاركة الأصلية كتبت بواسطة مريومة مريم

نصيحة من عندي ما تخيروش تحليل نص
والله راني نهدر عن تجربة
انا درت الباك في 2011
كانت صحبتي في الفصول كامل دير تحليل نص وتدي فيه 15 16
يسمى كانت تعرفلو
وفي الباك جا النص على المنطق دارتو دات 3
هو اكيد انتم راح تتفكرو شوية حجج في المقالات ديروهم و احترمو المنهجية مليح تدو بربي ان شاالله
ربي يوفقكم

يمكن يكون سوء او ضربة حظ

انا تاني العام ليفات دي نص و لي جامي ما درته وصحبتي ايضا دارت النص هي كانت تديه في العادة

لما خرجت من الفلسفة وسقسيتها قاتلي لا ومنديروهش هكذا وكلشي متامنيش قداه خوفتني انا ديت 14 و هي دات 11.50

لكنه مرحوش بهذيك الخطورة ابدا