مادلين من مطبخي وصفة اوروبية من عند مونية ك

ام ملاك. · 2012-12-17, 17:45

اليوم جبتلكم وصفة قع الناس تحبها وتعرفها يعني ماشي جديدة مي كي طيبتها قلت نوريهالكم بالاك تعجبكم وصفة امي اعطتهالها صديقتها بكري هي من شيكوسلوفاكيا
وماما بقات محافظة عليها وواحد مايعرفها مدتهالي وانا فورا على منتدايا العزيز لوكان تفيقلي ههههههههه
نبداو في الوصفة

4بيض تضربيهم مليح

هنا تدير كاس سكر ونص كاس حليب تخلطيهم مع بعضاهم مليح

وتفرغيهم على البيض وتكملي تضربي

باكية لاليفور ولافاني وتزيدي الفرينة عينك هي ميزانك المهم ماتكونش جارية بزاف وماشي ثقيلة بزاف

نص بواطة زبدة اللي تحبي تكون ذايبة وباردة

كي تخلطي كلشي في اللخر قع فرغي الزبدة الدايبة وخلطي مليح

وخليها ترتاح قد ماترتاح مليح انا خليتها من الصباح وطيبتها حتى لعشية غطوها بصاشي اليمونتار

وتفرغوها من الاحسن في المول نتاع المادلين انا درتها في ليكيسات وحدهم ماعنديش المول البنة روعة مي الشكل هبطولي بزاف
وتحبي تفرغي الكونفيتور في النص

هنا كي طابو
شفتو كيفاش هبطولي لوكان المول نتاعهم يطلعو للفوقب مايروحوش للتحت
مي البنة اممممممممممممممممممم روعة خير من لي موافة ناكلهم من قبل
هذا شكلهم النهائي انا طليتهم بالشوكولا والفرميسالوكل واحدة كيفاش تحب تزين

واش رايكم
ماتنساوش الردود ماشي تتفرجو وتهربو

ام ساجد · 2012-12-17, 17:49

يعطيك الصحة اختي مونية جزاك الله خيرا

بيرين سات · 2012-12-17, 17:50

بارك الله فيك و ربي يخليلك ماماك
عن قرييين التطبيق
بما انو انا ثاني وحدة ترد مديلي هاداك الصحن راهو يهبل
هههههههههههههههههههههههههه
بصحتكم

ام ملاك. · 2012-12-17, 17:56

يعطيكم الصحة على الردود فرحتوني بلبزاف
اختي بيرين سات الطبسي راه ليك كوليه بالصحة والهناء ان شالله جربيه بصح ديريه في المول نتاع المادلين ماتديريش غلطتي