اسهل واسرع رفيس وداعا للتعب

[الوهرانية 1]

السلام عليكن ورحمة الله تعالى وبركاته اتمنى ان يلقاكم موضوعي في كامل الصحة والعافية

اخواتي كان سبق وقدمت للاخوات الكريمات الرفيس وراه موجود في هاد الرابط
https://www.djelfa.info/vb/showthread.php?t=1197089
وطبعا المعروف ان الرفيس فيه مراحل ويتطلب وقت لكن حاولت نجتهد اكثر اخواتي ونخفف عليكن الطريقة بتصوير مراحل الرفيس بطريقة اسهل وابسط وبنفس الدوق تاع الرفيس الاول والمعروف عند الكل تقريبا
وماشجعني اكثر هو ان بعض الاخوات وجدو مشكلة في الغربال هههههههههومنهم الاخت الحبيبة شمشومة 1 الاخت الغالية ام ساجد الي جربو الوصفة الاولى نشكرهم كثير وكل الي جربوها
ماتخافوش اخممت فيكم المرة هادي الوصفة بلا غربال وبلا ما تتعبي بزاف وديري 10 كيلو ببساطة خاصة في الولائم يلا تابعن المراحل غالياتي وبالصور

في مقلاة نحمص كمية من السميد المتوسط انا استعملت نوع سفينة كيلو متوسط طبعا على نار هادئة والتقليب المستمر

حتى ياخد لون دهبي فاتح احرسي تحرقيه على نار متوسطة هادا لونه

نحطه في قصعة مع رشة ملح خفيفة

ندوب الزبدة حوالي150غ ممكن تستعملي سمن او تخلطي زيت وزبدة المهم ليدام

نصبها فوق السميد المقلي ونخلط مليح

نضعه مباشرة في كسكاس التفويرة رقم 1

عندما يفور نقلبه في قصعة ونرش عليه الحليب ونحرك حتى تطرى الحبات

نرجعه في الكسكاس لاحضي الفرق الكمية تضاعفت على المرة الاولى الي وضعناه في الكسكاس التفويرة رقم2

كي يفور المرة الثانية نقلبوه في القصعة ونرشوه من جديد بالحليب وماء الزهر هاد المرة ونرجعوه للكسكاس
التفويرة الاخيرة

بعدها يصبح هكدا نحطه في قصعة ونحط عليه ملعقتين زبدة وفنجان صغير سكر غادي يدوبو هادي باش ميستهلكش عسل بزاف ويجي حلو فوق اللازم

من بعد نخلطوه بالزبدة الدايبة والعسل ونحطوه


يزين حسب دوقك ورغبتك


iهنا زينته باللوز ايفيلي محمص


نتمنى انني افدتكن اخواتي