سباغيتي بالدجاج لسليمة يعلى

[منارة الوفاء]

السلام عليكم ورحمة الله تعالى وبركاته

كنت جربت سباغيتي الدجاج لسليمة يعلى من قناة سميرة وحبيت ننقل تجربتي للي ماشافوهاش أو الي شافوها وماجربوهاش
شوفو النتيجة

مقاديرالوصفة – سباغيتي الدجاج -:
أول ملاحظة كل 100غ من صدر الدجاج تحتاج حبة بيض
صدر دجاج قطع منزوع العظام و متبل بالفلفل الأسود و الملح و البيض الكل مرحي نتحصلو على خليط من جهة
من جهة أخرى نحطو كمية من الماء تغلي ونعطروها بورقة رند وملح
نديرو الخليط في كيس حلواني ونفتحوه فتحة صغيرة جدا باش تمدلنا شكل سباغيتي
ولما يغلي الماء انقصو للنار ونديروا خيوط على شكل زيقزاق ونتركوهم يطيبو فالماء مدة 2 دقايق برك
وبطبيعة الحال احنا نتحكمو في طول السباغيتي
لما نطيبو كامل الكمية ندهنوها بخليط يتكون من 50غ زبدة ذائبة في مقلة مع سنة ثوم و شوية معدنوس مقطع ونحمصوها غير شوية

صلصة الطماطم للتزيين:
لتحضير صلصة الطماطم
3 حبات طماطم نرحوهم فالميكسور
في مقلة نحطو شوية زيت ونضيفو الطماطم المرحية الملح الفلفل الأسود عرق السوس حبة ثوم كبيرة الرند و الزعيترة ونخلو الصوص الطيب على نار قليلة
وطريقة التزيين و التقديم تكون حسب الرغبة مثلا أنا شكلتها بمول البابا وقدمتها مع السلطة
ان شاء نكون أفدتكم بالموضوع
تحياتي للجميع