مثلثات بحلوة الترك والشوكولا

[ريم الفلى]

هاد الحلوى لقيتها في قسم الوصفات المنقولة وعملتها فقط بدلت الشكل وهاهي:

المقادير:
250 غ مرغرين طرية
5 مغارف كبار عسل
5 مغارف كبار كوكاو محمص ومرحي رقيق
5 مغارف كبار حلوة الترك
نصف باكي خميرة
فرينة
طريقة التحضير:
خلطي الزبدة والعسل جيدا بالباتور زيدي الكوكاو وحلوة الترك وخلطي مليـــــــــح واخيرا زيدي الفرينة ونصف باكي خميرة حتى تنطم معاك ديريها في كيس بلاستيكي وخليها تريح شويا
حليها وقطعيها اي شكل انا جرت المثلثات وطيبيها في فرن مسخن مسبقا على 160 درجة متديش بزاف وقت اقل من 10 د
نحيها وخليها تبرد وهاهي:

وجدي في هذه الاثناء الحشو وهو
كوكاو محمص ومرخي
حلوة الترك
معرفة عسل ولميها بالمعجون حتى تولي شبه سائلة هكذا:

لصقي لك زوج مع بعض وخليهم يريحو باش يحكمو رواحهم

في هاد الوقت ذوبي الشوكولا مع مغرفة زيت وشويا حليب واطلي بيها الحبات وزينيها بالسيقار ذوق الشوكولا والملمع الغذائي وخطوط من الشوكولا الذائبة وهاهي: