الورشه 26 بالطريقه التقليديه ...سطايفيه

[stayfiya]

السلاام عليكم ورحمة الله وبركاته
اليوم حبيت ننزل تطبيق لروبه فصلتها بالطريقه التقليديه
https://www.djelfa.info/vb/showthread.php?t=1722701
باش يسهل عليكم فهمها و تطبيقها
كيما راكم تلاحظو هنافصلنا الروبهبعدما طبقنا لقماش على اربعه

(الصور راحولي عليها فصلت في طرف قماش باش نوضحلكم)
هذا الظهر بنفس القياسات و الامام

و من اسفل كي تعود روبتنا لارج شوي نقصو حق زوج صباع من اسفل
(باش ما تهبطش وتقيس الارض)

ضك نفصل ين الامام و الخلف و نفصل رقبة الامام


الان باش جينا خياطه مليحه لازم نبطنو الرقبه او نسجفوها كل واحد كيفاش يقول
اذن فصلنا حق الامام و الخلف
و هاو شكلهم


لي تحب روبتها بلا مونش (ديكولتي) تبطن بنفس الطريقه فتحة الذراع
انا طبقت مونش طويل لانو درت روبه تاع شتا بالعاده طول
المونش ثلاث اشبار و نتي شوفي على قيسك من اعلى
نرجعو للدرس قلنا عرضو شبر و ارتفاعو شبر لكن بما
انو مونشنا طويل فراح يكون راس المونش فتر

نبداو الخياطه اول شي نلصقو السجاف. من الامام و الخلف



كي نخيطو اي دوران لازم تكرونتي حواف لخياطه ببعد 2مم
بلاكي تقيسي لخياطه و تطرطق (الهدف هنا كي تقلبي لخياطه ماتتشبحش )
تبعي راح تفهمي

الان قبل ما نلصق الامام مع الخلف نزين كيما بغيت الصدر بقالون او اي شي
هاوليك انا كيفاش درتلو



من بعد نروح نلصقو في الخلف
هاذ الطريقه أأمن تخلي سجاف الرقبه مفتوح ماتلصقيهش مع لكتاف تبلاسي
الامام بطريقه انو الوجهين يقابلو بعض
تثبتي الحواف ملييح مع بعضاهم و تقلبي عليهم سجاف الخلف بهاذ الشكل

وتخيطي قبل ما تقلبي الروبه لازم تقطي الزاويه الزايده هاذي
باش ماجيكش خشينه و تتكربع و تزيد تعييك في لخياطه
[/EMAIL]




نقلب الروبه و نخيط السجاف الخلفي


نروحو للمووونش
حنا مبدئيا نحدد الوسط تاعو

و هو نثبتوه بايبانقل مع وسط الكتف يعني وين يلتقي الخلف بالامام

و نقيسو المونش مع فتحة الذراع باش نتاكدو راهم قد بعضاهم و نخيطو

ما تجبديش كي تخيطي باش جهة ما تسبق ختها. اذا لقيتي تفاوت
صغير ماتتقلقيش الخطوه الخيره نجمل الروبه تاعي
اكيد نثبتو بليزيبانقل الزوايا مع بعضاهم و نكمل نخيط و نكفف

و خلاااص هاي واجده

الحمد لله الذي تتم بنعمته الصالحات
نتوما لي بغات تتعلم طبقها و راني هنا للمتابعه
دعواتكم سلاام

[stayfiya]

.... قداش هبطت لفتحة الرقبة الامامية جات متحوفة روعة
هبطت بفتر و زوج صباع يعني 18سم بالتقريب. راجعي الدرس راح تفهمي ندوش

[ranimranim]

والله راكي tooooppp،يعطاك الصحه

[ندى قدور]

فوووووووووووووووووور يا السطايفية......... قداش هبطت لفتحة الرقبة الامامية جات متحوفة روعة

[*ام عبد الكريم*]

الله يبارك اختي سطوف درس مفهوم و ان شاء الله نطبقوه و القندورة جات متحوفة ربي يخليك و دزدي تعلمنا ربي يعطيك ما تتمني و يرحم ولديك

[om safo]

الله يبارك يعطيك الصحة ورشاتك خفاف وضراف بارك الله فيك

[ثلوج الشتاء]

شكرا ختي السطايفية هاذي هي الورشة لي كنت نستنى فيها والكتان راهو موجود انتظري مني التطبيق في هاذ اليومين ان شاء الله

[أم ياسين الزهراء]

الله يبارك فيك وجزاك الله كل الخير

[جيجلية]

ما شاء الله

ورشة رائعة

شكرا على المجهودات القيمة

[rymsirine]

مشكورة اختي جات في وقتها مناه دايما تتلفلي في التسفاج

[fadilasor]

يعطيك الصحة وربي يجازيك ويجعلها في ميزان حسناتك

[جلفااوية]

يعطيك الصحة هايلة

[kaouka]

بارك الله فيك على الورشة ربي يجعلها في ميزان حسناتك راه نجربها في درف كتان حت نروح للمرشي عندي غير الكتان تاع صيف ربي يخليك لينا وميحرمناش منك ابدا على قول المصرين أحبك في الله

[stayfiya]

مشكورين حبيباتي على الردود نتمنى تطبقوها و ديرو ورشاتكم ممكن الباقي يفهمو منكم احسن

[حورية38]

الله يباركلك ويجعلها في ميزان حسناتك ان شاء الله