مشكلتي

[مشكلتي]

السلام عليكم اخوتي نبدا نحكي معاناتي انا زوجي بخيل لدرجة لا تطاق راني كرهت يا حباب ربي اذا بغيت حاجة ليا ولا لاولادي الاثنين نكره حياتي باش يعطيهالي نقعد نسمط عليه باش يعطيني والله يا احبابي كي نعود نافسة في دارنا او ضيفة عندهم والله مايعطيني مصروف ولادو بالرغم من انو مرتاح ماديا نقصد عندو مدخول جيد وابي متوفي يعني دارنا قيس قيس رواحهم وهو على بالو بظروف دارنا هدرت خطرة زوج عام زوج وهو من نهارو الاول بخيل ماتغيرش حتى اصبحت مانقولوش خلاص على اي حاجة ونقولهالكم ومانحشمش والله يا احبابي غير راني نسرقلو باش نشري اللباس لاولادي واللعب وحاجات نسحقهم ليا ولداري والله مايغلط ويشري لباس لاولادو الزوج كي نشوف عباد والله غير نغير عندو المصرف نتاع غدا او عشا ولا كهرباء لي يخلصهم حاجة زايدة ماكانش ذرك عدت نسرقلو باش نجيب الحاجة لي نبغيها وصراحة اذا لقيت عندو الدراهم مانرحموش نهز الشىء لي يكفيني ويزيد وساعات يغيضني نفول حرام عليا مي كي نشوف اولادي محتاجين اشياء ياسر وهو لامبالي يغيضوني دبرو عليا اخوتي نكمل نسرقلو ولوكان يفيق بيا مايعودش يدخل معاه الداهم للدار وهذاك الوقت واش ندير انا واولادي ترجع المعاناة نتاعي وزوجي اذا حكم عليا السرقة مايرحمنيش اريد حل للمشكل نتاع البخل نتاعو قبل يكبر الامر راني محتارة واليوم عندي شهر ونص في دارنا مريضة ماعطانيش حتى دورو وانا اليوم راني محتاجة ياااااااااااااسر دبرو عليا راني محتاجتكم ياسر انتظر ردودكم بفارغ الصبر

[فارس وجواد]

و الله يا أختي الكريمة ماذا تريدين أن نفعل لك .......... هل ننصحك بالسرقة مثلا ........ لا قدر الله .
إذا كنت أنت زوجته و لم تستطيعي تغيير طبعه .......... فلا احد أظن أنه قادر على ذلك .
حاولي نصحه ........ و إظهار السلبيات الناتجة عن بخله على أولاده و بيته ......... عله ينتبه .

[feuilleblanche17]

يا اختي صلي و استغفري و ادعي ربي يهديه و يسخرو ليك

[ريان 7]

حبسي السرقة فالغاية لا تبرر الوسيلة .
هذا بلاء من عند ربي الصبر و خلاص و اعيلو ربي يهديه .
المهم كاين حل مليح انك نتي تخدمي اذا عندك ديبلوم اخرجي اخدمي بيه اذامعندكش ديري اي حرفة خدمة قاطوات ,كروشي ,خياطة راهم يجيبو دراهم تسدي بيهم حاجتك و اعتمدي على نفسك الله غالب الاخ تنازل على مسؤولياتو .
و بالتوفيق .

[نارينا]

أنا سمعت مفتي على الهواء أباح لاحداهن أخذ النقود من دون علم زوجها ان كانت مريضة جدا ولم تجد دواءا او لشراء ضروريات لاطفالها.......نقوده هي نقودك وانت لم تسرق لاجل شراء كماليات ...عجبا رجل لايصرف لاعلى اولاده ولاعلى زوجته حتى في حالة المرض وهو مقتدر.......اين الشهامة في هذا؟؟ هل تتسول أو تعيش عبئا على عائلتها ........ومافائدة بقاء النقود مخزنة في البيت ان لم يصرف منها عليكم..........اصلا لم تزوج ان لم يكن قادرا على سحب النقود من جيبه؟؟ ربي يهدي

[ولد حمد الباتني]

ربي صبرك ختي
الزوج البخيل تبالي أشد من الزوج السكير ..
ربي صبرك
اما اخذ المال يجوز تديلو من المال ما يكفيك
وطبيعة البخل طبيعة خاسرة ماتتنحاش حتى تقوم القيامة

[وهج الحياة]

اختي الفاضلة استشيري امام مسجد واظن انه يجوز اخذ المال منه لقصة رويت من قبل وبالنسبة لحالتك ناديه وتحدثي معه حتى يعطيك المال للعلاج وان يقوم بدوره وان فشلتي جدي شخصا مصلحا بينكما وان تعذر راسلي الشيخ شمس الدين بقناة النهارواستمعي معه لرده اسال الله لك السداد

[ZORRO__DZ]

هناك من اجاز السرقة في هذه الحالةـ، مثل الكذب الذي جازه الرسول عليه الصلاة والسلام في موضعين


انصحك ان يكون هذا الأمر امام الأولاد، ثاني يجب ان توهميه ان أخيك يعطيك المال بين الحين والأخر حتى لايدخله الشك

والله يهديه

الأخت الكريمة انا قلت هناك من أجاز السرقة في مثل حالتك، ليس بالضرورة انني صحيح، حاولي إرسالة رسالة إلى إمام المسجد الذي يصلي فزوجك ويجعل خبطة خاصة بهذا الموضوع، او يذكر هذه النقط في درس الجمعة،

الله يهديه,

[djazia87holi]

اختي والله غير مشكل عويص ولست انت فقط بل كاين نسا كيما انت واش نقلك اذا لقيتي الهدرة مافادتش معاه اسالي مفتي واش يقلك وربي يهديه يارب

[بلقيس الهدى]

الزوج البخيل مشكلة لا حل لها
سمعت من بعض السيدات اللواتي يملك أزواجهن راتبا مرتفعا و سيارة فخمة و كل شيء ، ومع ذلك يعيشون بشكل عجيب : تطلب الزوجة من أبيها أو أخوتها لكي تعالج أو تغطي مصاريف الأبناء
والله لم أصدق ذلك حتى رأيت بأم عيني

البخل مرض مستعصٍ ، اللهم عافِنا

[bellaluna]

يجوز السّرقة من الزوج المقتر لكن في الضروريات فقط و ليس الكماليات..
و دعواتي لك بالصبر لأنّ الزوج البخيل همّ لا يُطاق.

[ندى الصبح]

السلام عليكم
كوني مطمئنه أختي العزيزه فالسرقه من الزوج البخيل بغرض تغطيه المصاريف اليوميه امر يبيحه الشرع


ويدل على ذلك ما ورد في قصة هند زوج أبي سفيان كما رواها الإمام البخاري في صحيحه حيث قال البخاري: «باب إذا لم ينفق الرجل، فللمرأة أن تأخذ ما يكفيها وولدها بالمعروف»، ثم روى بسنده عن عائشة رضي الله عنها، أن هنداً بنت عتبة قالت: يا رسول الله، إن أبا سفيان رجل شحيح، وليس يعطيني ما يكفيني وولدي إلا ما أخذت منه وهو لا يعلم، فقال رسول الله: "خذي ما يكفيك وولدك بالمعروف"، والمراد بالمعروف، أي أنها تأخذ القدر الذي عرف بالعادة أن فيه الكفاية لها ولولدها.





اما خوفك من ان يعرف فهو في محله وعليك ان تتوخي الحذر فلا تأخذي كثيرا مره واحده بل قليلا كل مره وربي يدوم ستره عليك و
واذا عرف فواجهيه ولا تخافي منه قولي له ان اولاده صاروا عبئا على الاخرين وخوفيه وقولي له انك لن تسامحيه يوم القيامه على اهماله لواجب النفقه عليك وعلى اولادك

[قطرة الربيع]

لا لا اختي كل شئ ولا السرقة يجي نهار وراح تسالين عنها امام الله
صلي وقومي قيام اليل وادعي الله سرا وعلانية بربي تفرج

[doba]

يا اختي صلي و استغفري و ادعي ربي يهديه و يسخرو ليك

[bina]

ﻵﻻﻻﻻﻻﻻﻻﻻﻻﻻﻻ يا اختي مركيش تسرقي راهو حلالك زيدي سمعتها بودني من عند المفتيين في الدين يجوزلك اختي تدي بﻻما تقولي
حاجة خﻻف انا متاكدة انو علابالو بلي راكي تدي و كما تحبي لانك قلتي عليه بخيل و البخيل علابالو الفرنك الي في جيبو وعلابيها مراهوش يعطيكي انتي متكرهيش يا اختي هده طبائع الرجل كل واحد وكفاه كاين كما رجلك و كاين الي تشكي من العكس نهار كامل وهو صرف دورو ما يخبيه للزمان وﻻ للحصلات انتي اعديلو ربي يهديه ليك انشاء الله و على وﻻدو لغنان و تخشان الراس ميوصولكش و ماتبينيش لوﻻدك بلي باباهم بخيل لانو الصغير يشفى على كلش و يكبر و قول بكي كنت صغير من البخل نتاع بابا ما لبست ما لعبت كما لخرين و هدا الشيء اكحل لقلوب ربي يهدينا كااااااااامل كل واحد و همو