انصحوني من فضلكم في امر الخطبة

مشكلتي · 2014-05-15, 22:06

السلام عليكم اخوتي انا فتاة ابلغ من العمر 20 سنة مبدئيا تمت خطبتي لشخص عمره 29 سنة يعمل كمهندس من جهة انا مستراحة لان الشخص متربي قاري عائلته ناس ملاح ورايح نسكنو وحدنا .........و.من جهة اخرى انا خايفة لاني رايحة نتزوج ونقرا ماستر يعني نقرا ومتزوجة (اكيد هو راضي وعايلتو راضية )مي علابالي الزواج ولقراية انا اللي رايحة نغلب ورايحة نهمل حاجة على حساب حاجة ...انا استخرت قبل ما نمد قراري وكنت مستراحة والحمد لله ...مي ضكا بديت نتوسوس ونقول واش داني كون خليت حتى تميت قرايتي كامل ومن بعد الزواج ساهل ............الامر الثاني اني هدا السيد ماشفتوش فالصح شفتو غير فالتصاور وهو مقبول اني خايفة اللا شفتو فالصح ننكرو ولا مانتقبلوش وفي رايكم هل الزواج ولقراية في نفس الوقت قرار صائب من فضلكم انصحوني فانا مشوشة كليا

فارس وجواد · 2014-05-17, 20:47

الزواج و الدراسة في نفس الوقت ......... أنت من تقرري صعوبة الأمر من عدمه .
إضافة إلى أن زوجك قابل بالأمر ......... فعليه إذن أن يتنازل و يتغاضى عن العديد من الأمور ....... حتى تكملي دراستك .

نجم القرارم · 2014-05-17, 22:27

اذا كان انسان على دين وخلق وخدام لا داعي للقلق لانو ماستر عام او اثنين فقط مش مشكل اما بالنسبة للصورة اعتقد انها تقرب وبنسبة كبيرة جدا.................وتقدري ايضا تطلبي لقاء شرعي يزاح فيه كل غموض...................................اعتقد ان تخوفاتك منطقية ويمر بها كل من اقدم على الخطبة شيء عادي يحصل لجميع الناس

pomaria_aindefla · 2014-05-18, 22:36

الله يكمل في الخير

mer.vip · 2014-05-18, 23:44

الخطبة هي فترة يتعارف الخاطب و المخطوبة
فذا رأيت انه الشخص الملائم ف ربي يكمل لي فيه الخير و العكس
و من جانبه نفس الشيء

wassola11 · 2014-05-19, 11:47

الزواج والدراسة عادي في نفس الوقت
نظمي روحك ووقتك برك
وما راح تهملي والوو
مضاليش ديري في مقارنات بين قرايتك و زواجك
كل حاجة في بلاصتها
والشكل خليقة ربي المهم راه قاري ومهندس ومربي كيما قلتي
ربي يسهلك

حورية38 · 2014-05-20, 12:52

اولا ربي يهنيك وينجحك في قرايتك
والمقارنات لي تديري فيهم والوساوس شيء عادي هدا فترة خطوبة تتعرضي لضغوط كتيرة وراح تحاولي في نفسك تطرحي عدة تساؤلات لكن ماتخليهاش تاتر عليك بزاف بنات تزوجو وكملو قرايتهم واحمدي ربي دارك وحدك يعني راح تعرفي تنظمي وقتك حسب ما يساعدك انت ومادام العايلتين وانت وخطيبك متفاهمين ما تتقلقيش راح تتعودي المهم اعرفي توفقي الى اقصى حد بين الحياة الزوجية وقرايتك واكيد ما راحش تحسي ابدا المهم تكونو متفاهمين وحاولي كل حاجة اعطيها وقتها وربي يوفقك ويهنيك

حمـ السلام ـمة · 2014-05-20, 17:42

اقتباس:

المشاركة الأصلية كتبت بواسطة مشكلتي

السلام عليكم اخوتي انا فتاة ابلغ من العمر 20 سنة مبدئيا تمت خطبتي لشخص عمره 29 سنة يعمل كمهندس من جهة انا مستراحة لان الشخص متربي قاري عائلته ناس ملاح ورايح نسكنو وحدنا .........و.من جهة اخرى انا خايفة لاني رايحة نتزوج ونقرا ماستر يعني نقرا ومتزوجة (اكيد هو راضي وعايلتو راضية )مي علابالي الزواج ولقراية انا اللي رايحة نغلب ورايحة نهمل حاجة على حساب حاجة ...انا استخرت قبل ما نمد قراري وكنت مستراحة والحمد لله ...مي ضكا بديت نتوسوس ونقول واش داني كون خليت حتى تميت قرايتي كامل ومن بعد الزواج ساهل ............الامر الثاني اني هدا السيد ماشفتوش فالصح شفتو غير فالتصاور وهو مقبول اني خايفة اللا شفتو فالصح ننكرو ولا مانتقبلوش وفي رايكم هل الزواج ولقراية في نفس الوقت قرار صائب من فضلكم انصحوني فانا مشوشة كليا

انا حصل معي نفس الأمر عادي
رايحة تتعبي بزاف أكيد لكن هذا ما يعنيش ترفضي شخص مناسب على جال التعب فقط.
هذه نقطة
النقطة الثانية لازم تشوفيه
من غير المعقول ترتبطي بشخص ما شفتيهش
على الاقل تعرفي كاين ميول او لا
و ان شاء الله تشوفيه و يعجبك و تعيشو حياة سعيـــــــــــــدة

kholode · 2014-05-20, 19:14

استخيري و عليك بدعاء الله للتتغلبي على هذه المخاوف...... ربي يوفقك في دراستك و يسهلك زواجك

ام خليل § · 2014-05-20, 19:31

ربي يكمللللللللللللللللل

ام امـــــــنــــــة · 2014-05-20, 20:23

ماتفرطيش في قرايتك خلااااااااااااااااااااه مادامو قابل خطيبك علاه تفرطي وزيد واش هي الحياة الزوجية هذي الي راكي خايفة منها راها حياة زيها زي الي عايشتها ماماك نورمال اتوكلي على ربي برك وانا نشوف انو هذا عريس مناسب ربي يتمملك يارب

بنت لبحر · 2014-05-20, 20:40

مدام صليت الاستخارة مرايحاش تندمي خلاص

وهج الحياة · 2014-05-20, 21:33

ا اولا اختي ستتزوجين شخص لا صورة لا بد ان تكون الرؤية الشرعية ،،،ثانيا اظن مازلتي صغيرة لم لم تقترحي اكمال التخصص والتفرغ للعائلة ؟ولكن مادام هذا اختيارك تحملي المسؤولية واطلبي مساعدته ،،،،،،،،كما ان عيشك بمفردك سيساعدك والقضية هي قضية تنظيم ومع الماستر الوقت سينقضي شخصيا افضل ان تتم المراة دراستها وعملها ثم الزواج حتى تكون كل مرحلة مستقرة وواضحة في حياتها لكن ليس الجميع هكذا لكل منا ظروفه والناجح من يكيفها مع اهدافه،،،،،،،،،،بالتوفيق

youya miracle · 2014-05-21, 18:55

salam habèt n9olak matkhafiche khlas ana 3andè 21 ans w mazawja safè 10 mois w hmd mazali na9ra 2 emme annèè archi normal kiy3od rajlak ykhalik ta9ray matkhafiche khlas

~~الداعي الى الحق~~ · 2014-05-21, 18:59

لحظة لحظة
كيف ان تتزوجي رجل لم تريناه ورئتيه فقط فقط في صورة؟؟
هدا غير معقول
واكيد لم تكلميه
ربما لن يعجبك تفكيره ماادراك
حقيقة انا مستغرب هل هدا زواج ام تعلبين ورفة اليانصيب