مشكلة

[مشكلتي]

السلام عليكم اخوتي راني في ورطة وبغيتكم تساعدوني بكل صراااااااااااااااااااااحة عندي اخوات زوجي صراااااااااااااااااااحة وبدون خجل ينظرون الي بصورة استغلال مادي وطمع فقط لانني والحمد لله زوجي مرتاح ماديا وهن متزوجات لكن الشئ الذي يقلقني ان زارتني وحدة منهم متجينيش للاطمانان علي بل لطلب المساعدة مني والله لوكان جات مساعدة حقيقية بل لشراء اغراض اخرى للرفاهية ليست للحاجة وما يطلبوش من زوجي لان زوجي يرفض فكرة مساعدتهم لانهم متزوجون ومرتاحون هم ايضا ماديا وعارفهم يكذبو لكن انا لا استطيع رفض الطلب بل اعطيهم لانهم اكبر مني بكثير وانا حشاااامة الى حد انهم تعودو على اني نعطيهم من باب الكرم لكن صدقوني ماقدرتش وعندما بديت نتجنب فيهم اصبحو يختلقون المشاكل يقولون اشياء على فمي لم اقلها الى حد اني صار لي مشكل كبير مع اهل زوجي بسبب اقوال لم اقلها والحمد لله انا في بيت وحدي وسبب هذا كامل لاني بديت نعرف حقيقتهم بانهم طماعين واصحاب مشاكل عطيتيهم ولا لا يختلقو المشاكل لهذا ارجوكن اخواتي ساعدوني لوجه الله تعالى ودبرو عليا واش ندير معاهم لان جلساتهم نتاع مشاكل و كامل فيها القال والقيل وفقهم الطمع وان مابغيتش نخبر زوجي على المشكل لورطوني فيه من باب راحة زوجي فقط ومنخليش الشيطان يدخل بيني وبين زوجي سورتو خاص باهلو وبغيت نحل المشكل بنفسي طبعا تحت مساعدتكم لهذا انصحوني كيفاه نتعامل مع شخص نتاع مشاكل وطماع ربي يعطيكم ماتتمناو ان شاء الله راني نستنى في ردكم بفارغ الصبر

[زهرة الاركيد]

وياختي هل انت تمنين مدام ربي رزق فلما لا اجعلها في سبيل الله فاخوات زوجك هم اخواتك
فان كانو اخواتك هم من باخذو اكنت تنعتينهم بالطماعين بالله عليكم مالنا اصبحنا نقول انفسنا انفسنا
في كل شيئ
يجب ان تغمضي عينك في هذه الامور وان تتركها لرب السماء والارض على الاقل احتسبيها اجر وصدقة جارية

[dark star]

أولا هد الدراهم دراهمك ولا دراهم راجلك. ادا دراهمو وتمدي ليهم بلا ما تقولي ليه هدا حرام وخيانة وادا حشمتي قولي ليهم يطلبوها من خوهم هكذا مايزيدوش يدورو بيك

[rafahe2012]

شوفي ختي نتي بالاك كي كنتي تمديلهم في لول

من اساس كادو وطيبة نفس وهادي حاجة مليحة

بصح ضكة راها طورت لحالة ولات صح طمع

هو صح خوهم ويسالو فيه بصح مش بهادي الطريقة

ونتي نورمالمو تقولي لراجلك في لول متخليش هكدا لحالة

مدامك تمديلهم من دراهمو وهو معلابالوش اسمحيلي بصح هدي سرقة

شوفي نت ضكة كي يعاودو يطلبو من عندك قوليلهم انا معنديش روحو قولو لخوكم لعطالكم ربي يسهل

وخلي وش يقولو يقولو وااااااااا

وربي يكون معاك

[ملاك من البليدة]

المشاركة الأصلية كتبت بواسطة زهرة الاركيد

وياختي هل انت تمنين مدام ربي رزق فلما لا اجعلها في سبيل الله فاخوات زوجك هم اخواتك
فان كانو اخواتك هم من باخذو اكنت تنعتينهم بالطماعين بالله عليكم مالنا اصبحنا نقول انفسنا انفسنا
في كل شيئ
يجب ان تغمضي عينك في هذه الامور وان تتركها لرب السماء والارض على الاقل احتسبيها اجر وصدقة جارية

بركاي ماتفيسي وتلعبي فيها زعم نتي الملاك الطاهر باش الاعضاء هنا يقولو نتي توالمي تكوني زوجة محبة للخير ياريت نحضاو بوحدة كيما نتي ياو رووووووووحي هنا قاع راهم فايقين للعقلية

هي راهم يستغلو فيها وقاع يديرو هكدا عندها الحق لوكان ماديرش هكذا ياكلوها

[منار المنتدى]

وعليكم السلام ورحمة الله وبركاته
أن تخبري زوجك الآن خير من أن تخفي عليه هذا الأمر فيتفاجأ بعد أن يتأزّم الأمر و يتفاقم، وعندها أنت طبعا من تلامين.
هل تساءلت يوما عن موقف زوجك منك عندما يعلم بحقيقة تصرفاتك مع أخواته؟
و هل ستخبرينه عندها بأنك لم تشائي إخباره حتى لا يدخل الشيطان بينكما؟
دعي عنك هذه الأفكار، ولا تنتظري منّا أي حلّ.
فالحلّ أولا و أخيرا في يد زوجك، وهو من يجب عليه مواجهة أهله و التصدي لهم.
أختك نوارة

[kaskousa]

ننصحك باش تخبري زوجك علاخاطر ماكانش حاجة تتخبى على الزوج كيفاش تتصرفي في اموالو بلا ما تشاوريه هنا راكي غالطة وهاذي ماشي حاجة الي راح تخلق مشكل بينك وبينو واعتابري واش مديتيلهم صدقة عليك وعلى زوجك وفي الاخير يبقى خوهم ولازم عليه يعاونهم كي يحتاجو.

[mounaminou]

koun jit mennak manmeddelhomù waloooooooooooooooo surt ki ne3raf belli rahom temma3in hakka ..... hna ki ychoufouk sakta 3lihom yetmadaw ... koulilhom manmedch w manzidch nmad hadi machi 7achma hadi jya7a ( ma tfassiwlich e rad ta3i ma3andich l 3arbya f micro hada w ma3raftch ndakhalha

[امال مارية]

ربي يفرج عليك اختي ادا عندك مال تصدقي بيه للمحتاجين صح صح ربي يوفقك

[bellaluna]

يا أختي إن كان المال الذي تهدينه دون علم زوجك هو ماله فهذا التصرّف حرام و ليس من حقّك التصرّف في ماله دون علمه..
ثانيا عليك إخبار زوجك بكلّ ما حدث من البداية لتتفادي كلّ مشاكل جانبية و قيل و قال خاصّة و أنّ المشاكل تخصّ عائلته.