خطيبي يريد بي السوء

[مشكلتي]

السلام عليكم
اولا خلوني احكيلكم الحكاية من الاول و الي خلاني نفكر بهاذي الظريقة
لما انخطبت و شرطت هاذي الشروط كانت قبل 5 سنين حيث يوم الخطبة قال انه سوف يتزوج بعد اشهر فقامو بقراءة الفاتحة و بهذا ربطت له
بعد 3 اشهر قال لي انه كذب علي بحيث بيت اهلو صغير 3 غرف فضحكت و قوتلو هذا الشيء لا يهني
ما يهمني هو بيتك انت قال لي
انا بيتي اكبر منه 5 غرف
قوتلو الله يبارك
حدثت مشاككل فيما بعد بحيث تاخر الزواج , بعد بوقت قالي اهلي طلبو مني تغيير السكن بمعني يعطولو بيت 3 غرف و هما يدو تاع 5غرف
قوتلو ايه واراه المشكل حنا كوبل و تكفينا
رحلو للبيت ابنهم و هو بدا يشري في اثاث البيت الجديد
بعد بايامات اشترى سرير الزوجية matla فاعجبت بيه امه و قاتلو انا ظهري يوجع فيا كون تبادلنا
دينا سريرهم القديم و انا هنا بديت نخاف من تصرفات عايلتو و حبيت نبطل بكل صراحة و لكن اهلي رفضو لانو كنت مفتحة
المهم بعد بوقت خسرت الثلاجة تاعهم و كانو في عز الصيف دالهم ثلاجتو الجديدة و مبعد خدم تاع اهلو و قالو باباه بما انك مازال ما تزوجتش خلي الثلاجتين عدنا
معليش و نفس الشي بالنسبة لتلفاو الي حرق في الاخير
لما كنت نحكي لامي كانت تقولي دراهو و هو حر فيها بصح انا توخر عرسي لان كان كل مرة يعاود يوفر من جديد كل ما كانو ينحولو حاجة و اقسم باله عليه العظيم ما زدت عليكم حاجة في الحكاية
قبل ايامات قاتلو ماماه ارواحو اسكنو معانا في بيت 5 غرف و نكرو البيت الاخر و نزيدو في الدخل تاعنا
انا هنا ماشي ريك طرت لساببع سما
قريب متت من الاعصاب الي فارت و قررت ندير عقد بهذا الشكل لانو صراحة ماهيش عايلة طبيعية و شكرا

[/زهرة عصفور الجنة/]

اختي المسلمون عند شروطهم
لو اتفقتم على امور وعدل خطيبك عنها فلك الحق بتركه
ماله وهو حر فيه لكن ان ينقض شروطه معكي فهذا امر لا يقبل

[malako5000]

ربي معاك ................

[الفاتحة]

لكان هو راجل مناسب وانت ارتحتي معاه، حاولي تفهميه بشوية وقوليلو أهلك يستغلو فيك ، حقيقة هو واجب عليه يصرف على اهله لكن إذاكانو مساكين موش كيما راني نشوف اهلو ناس مستغلين وبالاك رهم حابين يكرهولك حياتك والواقع قدرو يحقو مرادهم،شوفي اختي إذا كنت قادرة تتحملي بطريقة ذكية اعرفي كيفاش تفهمي راجلك لانو باين عليه ضعيف قدام دارهم،أما إذا كنت موش قادرة اخطيك منو واستناي راجل يعرق كيفاش يتصرف في حياتو ، أما بالنسبة لكتابة شرط السكن في العقد فموش هذا مربط الفرس يا أختي ، يا سيدي راني معاك راكي كتبتي الشرط ومبعد كيما يبقاو يدخلو في حياتكم كيفاش ديري تقعدي طول عمرك في المشاكل، مربط الفرس راهو راجلك لازملك تفهميه غير بشوية وبطريقة محترمة ودون ما يطيح القدر لأنو إذا طاح القدر راح كلش بالخسارة.

[دموع الهوى]

لا تعليييييق .........................

[بلسم غرام2018]

كان الله في عونك حبيبتي استخيري الله عز وجل
وفهميه بالعقل

[زرقـآء اليمآمـة]

السلام عليكم
اختي ولا يهمك ............... المهم اضغطي عليه لتعجيل يوم الزفاف خاصة وانكما قاريين الفاتحة ............. الحياة غير مضمونة ............ ربي يعينك والله المستعان

[sec 88]

.أين هو المشكل ؟ . هو ينفق في ماله على عائلته على أمه و أبيه (خيرهم سبق . هوما اللي رجعوه راجل)
.

أنا في رأيي هذا رجل بأتم معنى الكلمة . عكس أشباه الرجال اليوم اللي يسمحوا في والديهم من أجل امراة

[aymen01]

المشاركة الأصلية كتبت بواسطة sec 88

.أين هو المشكل ؟ . هو ينفق في ماله على عائلته على أمه و أبيه (خيرهم سبق . هوما اللي رجعوه راجل)
.

أنا في رأيي هذا رجل بأتم معنى الكلمة . عكس أشباه الرجال اليوم اللي يسمحوا في والديهم من أجل امراة

يصرف شكون حاكمو مي هذو فلسوه كخخخخ

عجبتني نتاع اكري الدار و ارواح اسكن معانا هذي جاتك نورمال

[knives66]

تجي تفهم يبوكي راس تاع دماغ تاع اعصاب تاعك


هذا كون بقتي معاه غير اشري دواء تاع مرض سكر من ضورك

هذا لما خططش من اول وجاي على ربي وخلاص خطيك منوا

[khawla ben]

المسلمون عند شروطهم
لو اتفقتم على امور وعدل خطيبك عنها فلك الحق بتركه
ماله وهو حر فيه لكن ان ينقض شروطه معكي فهذا امر لا يقبل

[مريم العدراء]

لله في خلقه شؤوووووووووووون

[bello angel]

ana rah nahbal fi blastaaaaaaaaaaaak !!!!!!!!!!!!!!!!!!!!!!!!!!

[bochra the best]

ربي يكون في عونك
وحاولي تفهميه شوي
بلاك هو ما يقدرش يرفض طلبات والديه
يحسن العون

[سرور2]

ربي يعينك اختي اداى رايحة تصبري معه كمل وادا لالاغير هنا وخلاص ومدام وصلت لدار غير ديريى قرار اختي لانو الراجل تحسبيه حنين معاك بصح في الاخير تتصدمي فيه لانو رح ينتقم منك بطرقة اخرى الراجل ميهدرش بصح يدير في قلبو مش كيما احنا النسا نحكو كلش

كيما يقولو مكان الي ماخدة حبيبها غير الي مخدا عيدوها قالوهالي مرة ومصدقتش بصح للاسف هو الصح

تقبلي مروري