طلب مساعدة بخصوص عجانة bomann

[it's me]

السلام عليكم ورحمة الله تعالى وبركاته
هاد الاسبوع شريت عحانة بومان 1400 واط قدرتها 3 كيلو كي استعملتها لاول مرة لقيتها تخدملي 10 دقايق و تتوقف لمدة دقيقتين
حبيت نسقسيكم شكون لي صرالو هكدا و حبيت نعرف ادا حاجة طبيعية ولا لا؟؟؟؟؟؟

كي رجعتها عند اللي شريتها من عندو قالي هادي تقنية المانية هكا تخدم شوي و ترتاح شوي بش مايفسدش المحرك
في انتظار اراءكم و نفاعلاتكم
شكرا سلفا

[روسلين]

السلام عليكم

اخيتي نحنا شاريين عجانة تاع 3 كيلو ب 3 ملاين بومان صنع الماني

لكن تعمل بدون توقف كل عشرة دقائق ضركا عندها 03 سنين نخدمو بيها صوليد

يعني أنا اظن أن العجانة اللي شريتيها مغشوشة والله أعلم

[it's me]

شكرا على الاجابة والاهتمام
انا الانسان اللي شريت من عندو ثقة ماشي من عند اي واحد
هي صوليد مليحة بصح خوفتني كي عاد تحبس

[نايليةوافتخر]

بصحتك حنونة بصح للاسف ماعنديش معلومات عليها

[it's me]

صحيتي خوخة ربي يخليك
في انتظار تفاعل بقية الاعضاء

[وفاء سعاد]

منى عندوالحق هادي الطريقة ماتخليش العجانة تفسد خلاص والمحرك يجيب معاك حتى عشر سنين وهوا جديدراهي تقنية استعملوها في جميع الاجهزة انا السيشوار تاعي تاني هكدا وقالولي نفس الهدرة وصح راهو يسشورو بيه في عرش ومايصرالو والو ...وكلشي مبروك ولعقوبة لحوايج اخرين

[it's me]

شكرا سعاد ريحتيلي بالي ربي يعطيك الخير

[وهراني89]

بالتوفيييييييييييييييييييييييييييييييييييييييق

[mereyoucef]

اختي انا تاني عندي نفس المشكل لكن انتي الان ريحتيني اكثر لاخاطر زوجي اشرالي بيتران moulinexكان يتوقفلي حتى كرهتو وخبيتو من بعد عاودت جبتومن الخزانة الحق يقال باش مانظلموش الحق يعجن مليح وانتي الان طمنتيني ادا بصحتنا شكرا

[it's me]

وانا طمنت اكثر هههه
الحمد لله
شكرا لك على الاهتمام

[Belle et Rebelle]

نعم اختي انا عندي نفس العجانة و تعجن شوي و تحبس
كي تمشيها في السرعة 1 ما تحبسش