دولمة كرمب في مول savarin

[حياتي نبع امل]

السلام عليكم ورحمة الله وبركاته

نحضرو صوص بلونش ونطيبو فيها كريات اللحم عادي
اما الكرمب نحطو الاوراق في قدر به ماء مملح شوية برك ومن بعد ننقلهم لماء بارد باه يحافظو على لونهم
ندهن لي مول كيما هادو وتقدرو تديرو في تاع الكاب كيك
;

ندهنوهم بالزيت او الزبدة ونفرشو نصف ورقة كرمب بعدما ننزعو الجزء الغليض نقسمو الورقة على 2 نحطوها في المول برفق ونشكلو باللحم مرحى دائرة او اسوارة نحطوها ونعاودو نغطو الحشو باطراف الورقة يعنى كيما البسطيلة وادهنيها من الفوق .حطيهم في بلاطو وديريهم في الفرن اشعلي من التحت فقط .وغطيهم بالمنيوم .المعروف ان الكرمب يطلق الماء تاعو.وتان ماياخدوش وقت بزاف كي تشوفي الكرمب طاب واللحم تان طبعا اجبدى واحدة وشوفيها حلي الورقة من فوق وقلبي الحشو عادي .من بعد خدي من المرق اللي كانو يطيبو فيه الكريات وفرغي شوية فوقهم واشعلي من الفوق
هنا الامر اختياري تقدري تهدهنيهم بالبيض وتديري فوقهم فروماج غابي .او خليهم هكداك




ديري حبة بطاطا مغلية ومرحية مع فرماج وملح وشوية فلفل في بوش ولا لمبوط وعمرى الفراغات وفوقها حطى ورقة معدنوس انا ماصورتش كلشي لانى كنت مزروبة وتان اللمسات الاخيرة ماصورتهاش لانهم لحقو عليا خفت يتشوكاااو









وهادي معقودة الشفلور في مول التاج
[COLOR="rgb(255, 0, 255)"]ناخد شفلور نغليه في ماء مملح ومن بعد خرجى فيه حرك بالفرشيطة هههههههه وزيديلو معدنوس مقطع وزيتون اخضر مقطع دوائر وفرماج و2 ملاعق فرينة ومغف صغيرة خمارة وديريلو البيض حتى يصبح قوامه بين السائل والعاقد وادهنى لي مول وفرغى فيهم واشعلي الفرن تاعك من تحت كي يحمارو الاطراف اشعلي من فوق وكي تخرجيه ماتقلبيهش تم تم شوية ومن بعد اقبيه والتزيين اختياري وحتى الاضافات كل واحدة ولمستها [/COLOR]

نتمنى يعجبوكم هي الطريقة مالوفة لكن التشكيل والتغيير هو الصح لان العين تاكل قبل الفم .
طلبي منكم دعوة في ظهر الغيب لامى بالشفاء فربما منكم من اقسم على الله لابره

للاسف الصورمكانش تمنيت نشوفهم حبيبتي

[*أم ثازيري*]

شكرا اختي
و الله كنت حابه نشوف الصور باه ندي فكره افضل

[~اسيل ريحانتي~]

مممممممممم يشهو مممممممممم يعطيك الصحة اختي امل 44444444444

[حياتي نبع امل]

المشاركة الأصلية كتبت بواسطة ام يسرا

للاسف الصورمكانش تمنيت نشوفهم حبيبتي

ماتدوخيش وانا علاه رانى قاعدة دوك نعاود نطلعهم

المشاركة الأصلية كتبت بواسطة batila137

شكرا اختي
و الله كنت حابه نشوف الصور باه ندي فكره افضل

دوك نعاود باتيلا وان شاء الله تعجبك الفكرة وتديريها لباتيلو .

[حياتي نبع امل]

المشاركة الأصلية كتبت بواسطة ام زكريا2

مممممممممم يشهو مممممممممم يعطيك الصحة اختي امل 44444444444

الله يسلمك تعيشي الحمد لله خرجولك الصور

[ام رجاء 09]

للاسف الصور ماتبانش لكن من خلال الفكرة يبان رائع نجربوه ان شاء الله ونردولك الخبر وتشوفيه في التطبيقات لكن الفكرة عجبتني بارك الله فيك وامانة ندعي لامك ربي يشافيها ويشفيك يااااااارب

[حياتي نبع امل]

[IMG][/IMG]

[IMG][/IMG]

[حياتي نبع امل]

المشاركة الأصلية كتبت بواسطة ام رجاء 09

للاسف الصور ماتبانش لكن من خلال الفكرة يبان رائع نجربوه ان شاء الله ونردولك الخبر وتشوفيه في التطبيقات لكن الفكرة عجبتني بارك الله فيك وامانة ندعي لامك ربي يشافيها ويشفيك يااااااارب

شكراااااااااا نتمنى يكونوا بانو هاد المرة وادعي لامنا بالشفاء حشمتى بيا دوك نعيط ونقوللهم ياعالم هادي اختى هههههههههههههههههه

[حياتي نبع امل]

[IMG][/IMG]


هنا قبل التجمييييل

[enar]

مشكوورة الاخت عجبوني بزاف كاش نهار راني نجربهم

[ام رجاء 09]

مشكورة بالصور غيرتني راهي في برنامج التجارب

[حياتي نبع امل]

على الاقل شكر او دعوة خير ولكم بالمثل

[.نجاة.]

الله ايبارك وشنو هذا اواااااه وقيلى نخرج من المنتدى انا منقدرش للنيفو العالي غليتي علينا الشربة

[حياتي نبع امل]

المشاركة الأصلية كتبت بواسطة .نجاة.

الله ايبارك وشنو هذا اواااااه وقيلى نخرج من المنتدى انا منقدرش للنيفو العالي غليتي علينا الشربة

يبارك فيك ههههه طلعتيلي المورال ختيتي وعلاه مادعيتيش لامك ولاانتى تان حشمتى بيا