راني حاصلة في المتتاليات هل من مساعدة

[L'adorable fleur]

السلام عليكم خوتي و خواتاتي نتمنى تكونوا بخير مع المراجعة و أسأل الله أن يعيننا
المهم ما تنطولش عليكم للشطار في الرياضيات ولا اللي فهم الدرس تع متتاليات يفهمني في وجه ربي كيفاه نديرو النهايات تع متتاليات نورمالمو كاين القوانين تع حسابية وحدها و هندسية وحدها لكن حنا أستاذنا كل مرة و كيفاش يدير سقسيناه على الطريقة و قاللنا حلو التمارين تعرفو المشكل أنو كاين تمارين ما يقلك لا هي هندسية و لا حسابية يبداهالك في اللولة بدالة و مبعداك يدخلهالك لتكن المتتالية العددية و الأسئلة الكلاسيكية علم الحدود الأولى بدون حساب و التخمين حول إتجاه تغير و مبعداك ديراكت يقولك أحسب نهاية الدالة عند زائد ما لا نهاية دونك أنا هنا تكوديت و ما حكمت والو راني حابة نهبل يااااااااو ما فهمتش كيفاه ساعدوني تعيشو يا خاوتي

----- هاذي زيادة برك لوجه الله أدعوا للأخت Sara nissa فهي مريضة بمرض السرطان و كانت عضوة مجتهدة أنا شخصيا تغيرني إرادتها و هي الآن مقبلة على عنلية في 5 ماي نسبة نجاحها 35 % ألوغ أدعولها بالنجاح في العملية و بالشفاء العاجل ما عرفنا شكون دعوتو مقبولة عند الله المهم حنا ما عندنا باش نعاونوها غير بالدعاء و خلاص اللهم إشفي الأخت و اشفي جميع مرضى المسلمين في جميع أنحاء أرضك الواسعة يا الله فأنت على كل شيء قدير و ربي يجازيكم -------