درت كارثة تفصيلية في جبة اختي

[جيجلية]

السلام عليكن اخواتي

راني في مشكل وما يسلكني غير انتم

فصلت جبة موديل فراشة وقطعت الرقبة ونسيت ما نحيتش الجهة الخلفية يعني قطعت الرقبة من الخلف كما الامام

كفاش نرقعها ؟؟هذي الصورة






انا قلت نطلع الامام لفوق حتى ينقص العرض تاع الرقبة بصح ما اجيش الحافة كفكيف اجي مختلفة على الامام

راسي حبس منتظرة الخبيرات ينوروني

[جوري لؤلؤة]

الله اعلم نتمنى تلقاي الي يفيدك

[sarra5]

ساهلة اذا القندورة درتيها طويلة على اختك طلعي الخلف حتى تقصار الرقبة

و الطول يرجع قد اختك

[R I A D]

كيما قالت لك سارة . طلعي الجهة تاع اللور حتى تروح هذيك الي فصلتيها

و لا لقمي لها طرف و غطيها بالقالون ديري كاش شكل بالقالون

[ندى قدور]

ما تقلقيش كاين حل كيما قالو الاخوات وكاين حل ثاني اذا كانت القندورة مش طويلة اديري بابيون من الوراء او دونتال كاين بزاف موتيفات .....الاخطاء في الخياطة هي اللي تعلمك اصولها ياما غلطناورمينا القماش

[mouhgeajimi]

ديري كيما قالو لبنات وهذا درس جامي تنسايه

[ام خليل §]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[douda21]

ممكن ديري من الور دونتال و ممكن تشكي un noeud و ممكن ديريلها التيل متقلقيش مش مشكل كبير

[سمية محمد عطية]

انا ما شكيتش بالى البابيون ولا النو يجو مليح خاطر الجبة انظن محرجة او قالون المهم اقتراحى هو نعمليلها طرف قماش زايد تطلعيه شوية قد ما تحبي ويكون فصلته كيما الرقبة امامية وقبل ما تلصقيه على الحافة تكونى وضعتيله القالون او الحرج بطريقة مبتكرة بحيث مكان الخيا طة مبعد ما تواجهش ابدا وما تنسايس تحطي على مكان التلصاق كدلك شوية من الحرج ان شاء الله تكوني فهمتى

[NONETA]

ان شاء الله تلقاي حل لمشكلتك

[takwaaa]

كيما قالولك البنات كان طويلة طلعيها و كان قد قد ديريلها نو بالكتان ولا سبت بالكتان و ديريهن x ولا متوازيين يترقع الحال

[جيجلية]

شكرا على الاقتراحات

نجرب نطلع من الوراء ومعليش اجي الرقبة شوي هابطة

[ام ظافر]

الصورة ماشي واضحة مليح ولكن نظن انو ماراهيش فاسدة بزاف خلي اختك تجربها وشوفي اذا كان الخلف معري بزاف حاولي تزيديلو قطعة قماش بشكل ظفيرة والا كروازي بيي بلون القماش وهكذا واذا ما شفتيهاش معرية خليها كيما راهي بزاف قنادر يجو فتحة الرقبة من الامام تشبه للخلف

[جيجلية]

بصح القماش فولار ما نقدرش نديرلو بيي او فراشة

نحاول نصلح على قد ما نقدر

[LAMIA TEFFAL]

السلام عليكم اختي ربي يعينك حتى انا كل مرة يصرالي هاك نخدم ونحل ههههههه
المهم انا شفت هدو بلاك تدي فكرة عليكم الا باقي القماش حاولي تغلفي الفراغ وتزوقيه ب LES NOEUD

اختي دخلي في هدا الرابط بالك تساعدك الفكرة
https://www.google.fr/search?q=t+shi...w=1280&bih=675