توضيح سؤالي للرجال الله يخليكم اجابة

[مشكلتي]

السلام عليكم
بداية جزاكم ربي كل خير على نصايحكم في مشكلتي هاته ** سؤالي للرجال الله يخليكم اجابة
**
حبيت نوضح اكثر هذا الخاطب هم عائلة كبيرة و المنطقة اللي يسكنو فيها ما يسكن فيها الا المضطر لانها صراحة فيها الكثير من الاشخاص .............. اي لا اخلاقية
لكن هوما اضطرو مثل غيرهم رحلوهم ليها مجموعة مبيرة .. اهلي رافضين المنطقة و بصراحة هو طبعو صعيب و قالها صراحة على قد حالو و انا ماديا الحمد لله قادرة نتنازل على المهر من اجل الكراء
لكن خفت يديها بحساسية و يفهمها بالغالط او يفهم اني حابة نتزوج و خلاص و رامية روحي

مع اني و الله العظيم هدفي اني نساعدو و ما نخسروش و بذات الوقت البحث على ابسط الحلول كبداية صحيحة

المنطقة و ضف ليها العائلة كبيرة يعني ماهوش الطفل الوحيد و انا راح نديه من والديه و الحمد الله ما عندناش العقلية نتاع نكرهو دار شيخنا و ما نيش حابة نبدى حياتي بالحسابات هاذي الخاسرة لكن نخمم في ابسط الظروف اللي تخلينا مرتاحين

قولولي كيفاه نوصلو فكرتي و ان رفض ماذا افعل

اسألكم بالله يا رجال لا داعي من الحساسيات فانا قلت اعتبروني اختكم و ان كان غرضي ابعادي عن اهله لما طلبت مشورة

رايكم يهمني هذه مشورتي بين ايديكم و كلي ثقة بكم
سلام