هل من جواب ؟

[Lamine Law]

أريد أن أسأل أهل الخبرة في البناء
هل تكفي ما قيمته 250 مليون د ج إذا أردت البناء على مساحة 120 متر مربع ، منزل أرضي مخدوم كامل من الداخل و الخارج bien fini ؟؟؟
أرجو افادتي في هذا الشأن بالتفصيل ..
شكرا لكم في انتظار ردودكم

[الواثقْ بالله]

تكفيك و حتى تفضال منها

[julien2013]

نعم طبعا تكفي و لكن لا تبذر. لازم تشح شوية و تخمم مليح في التفصيل.
باش ما تظطرش للهدم و الاعادة لأنو صرات لناس ياسر.
أظن حوالي 80 85 مليون تكفي.+ نوافد ابواب+ فايونص+ بانتور و غيرها + مصاريف العمال.
الاسمنت هاد النهارات راه شوية غالي. دير حسابك.

[Lamine Law]

المشاركة الأصلية كتبت بواسطة julien2013

نعم طبعا تكفي و لكن لا تبذر. لازم تشح شوية و تخمم مليح في التفصيل.
باش ما تظطرش للهدم و الاعادة لأنو صرات لناس ياسر.
أظن حوالي 80 85 مليون تكفي.+ نوافد ابواب+ فايونص+ بانتور و غيرها + مصاريف العمال.
الاسمنت هاد النهارات راه شوية غالي. دير حسابك.

هل أنت متأكد يا أخي ؟
هل 80،85 مليون تكفي ؟ الناس يقولوا أن البلات فورم لوحدها قد تصل لهذا السعر !

[مـــاهـــر]

نعم طبعا تكفي و لكن لا تبذر

[مـــاهـــر]

لا لاتكفيي 80 مليون ماعندها ماديلك
بلاط فورم +تصون فقط ب80 مليون

[حميد.ص]

المشاركة الأصلية كتبت بواسطة lamine law

أريد أن أسأل أهل الخبرة في البناء
هل تكفي ما قيمته 250 مليون د ج إذا أردت البناء على مساحة 120 متر مربع ، منزل أرضي مخدوم كامل من الداخل و الخارج bien fini ؟؟؟
أرجو افادتي في هذا الشأن بالتفصيل ..
شكرا لكم في انتظار ردودكم

المبلغ في الحقيقة كافي

تكلفة بناء بيت على مساحة 1 ار هي حوالي 70 الى 100 مليون من دون الفينيسيو و هو نفس المبلغ الي تعطيه الدولة كثمن لتكلفة البناءات الريفية هذه القيمة حقيقية

فيما يخص الفينيسيو من الداخل فالتكلفة تختلف تختلف حسب نوعية العمل الي راح تقوم بيه

مثلا هل تستعمل في الارضية القرانيتو و لا دال دوصول هاذا مجرد مثال بسيط

لكن في الواقع مبلغ 50 مليون يكفيك و الله اعلم

[julien2013]

نعم انا متأكد لأنك عندما تدهب الى المهندس يقيم لك العمل بحوالي 1.5 لكل متر مربع التصميم محسوب.
انت في اي منطقة تسكن؟ لأنني أعطيتك تقييم بالنسبة لمنطقة لي نسكن فيها انا و هي الجلفة
و احكيلك عن تجربة.
لأننا بنينا منزل (في الواقع ايطاج 3) في منزلنا و درنا la finition يعني كلش من الغالي من ابواب و سيراميك و رخام و بناء و سقف و اسمنت و اجور ووووووووووووووووووووووووووووووو سقامتلنا حوالي 90 مليون أظن.
3غرف + كوزنية + صالون.
الأثاث سقام أغلى من ذلك و بالاضافة اشترينا كوزينة جاهزة و اضفنا بعد ذلك جاكوزي. لا ادري سعره بالتحديد.
المهم انت ما تفوتلكش 120 مليون. بالاقتصاد لا تبذر ولا تعاود الخدمة ..
و بالتوفيق نشالله

[الواثقْ بالله]

المشاركة الأصلية كتبت بواسطة julien2013

نعم طبعا تكفي و لكن لا تبذر. لازم تشح شوية و تخمم مليح في التفصيل.
باش ما تظطرش للهدم و الاعادة لأنو صرات لناس ياسر.
أظن حوالي 80 85 مليون تكفي.+ نوافد ابواب+ فايونص+ بانتور و غيرها + مصاريف العمال.
الاسمنت هاد النهارات راه شوية غالي. دير حسابك.

المشاركة الأصلية كتبت بواسطة عَّآزٍّفٍّ آلِّقٍّيِّثٍّآرِةٍّ

نعم طبعا تكفي و لكن لا تبذر

من فضلكم واش من بلاد لي تكفي فيها 80 مليون للبناء

انا راني مزلت مادرتش بلاط فورم و راني حاط 60 مليون؟؟؟؟

[julien2013]

المشاركة الأصلية كتبت بواسطة عبد الله كمال

من فضلكم واش من بلاد لي تكفي فيها 80 مليون للبناء

انا راني مزلت مادرتش بلاط فورم و راني حاط 60 مليون؟؟؟؟

انت وين تسكن؟
انا شخصيا اتكلم عن ولاية الجلفة لأنو فيها مواد البناء رخيسة نسبيا.
و أنا أتكلم عن تجربة . فاتت 2 سنوات و نصف عندما بنينا سكن.
الآن ربما اختلفت الاسعار مقارنة بالسنوات الماضية.
على العموم ربي يسهل