ورشة علاقة المفاتيح

kiya · 2013-01-31, 09:41

صباح الخير لبنات
اليوم نبداو على بركة الله ورشتنا
[url=https://www.gulfup.com/?fctS9A][/url

نذكركم بالمستلزمات
وهاذي هي المستلزمات لي رايحين نحتاجوها

نحتاجو اكيد خيط وكروشي
ونحتاجو الورد وريبون وكرستال للتزينن
والقطن وكذلك نحتاجو سكر وماء من بعد نقلكم وش نديرو بيه

قائمــــــــــــــــــة المشــــــــــــــــــــتركات
*ليلي الجزائرية 1
*shimafodda513
*nounoudjs
*janino
*سدرالمنتهي
*lilik
*aminetiti119
*houda h
*نايلية وافتخر
*djihanegirl
*ريم الصحراء
*zofa
*amira 19
*زهرة الهضاب
*omkhalil 44
*محـ النقاب بة
*peacelul spirit
*ommo3taz
*ms.racha
*ام مريم اسراء
*haya 2022

الشـــــــــــــــــــــــــــــــــــــرح
نبداو بسلسلة فيها 8

نغلقو بمنزلقة

نجبدو الخيط شوية البعض يدير سنسلة فيها ثلاثة لكن انا ندير هاك نجبد الخيط

ونبداو نديرو في الاعمدة

نديرو 25 عمود ونغلقو بمنزلقة

الان نديرو عمود

ومن بعد واحد سنسلةونخلفو عمود لي في السطر الاول ونديرو عمود

بهاذي الطريقة عمود 1سلسلة

نواصلو حتي نكملو

نكملو الان نديرو سلسلة فيها 3

نغلقوها بمنزلقة مابين العمودين لي في السطر ليتحتها

نواصلو العملية حتي نكملو الدائرة 3سلسلة منزلقة بين العمودين

بنفس الطريقة نديرو سطر اخر بصح المرة هاذي راح نغلقو بمنزلقة في السلسة لي فاتت يعني 3سلسلة ومن بعد منزلقة حتي نكملوونديرو 10 اسطر بهذه الطريقة فهمتو لبنات
نتحصلو على هذا الشكل

درك بعد ماتحصلنا على هذاك الشكل نطوع على اثنين بحيث يكوعندنا في الجهتين 5 سلاسل فيهم 3فهمتو
نجبدو الخيط شوية كيما وريتلكم المرة لي فاتت ولا اديرو سلسلة فيها 3ونديرو عمود

نزيدو عمود واحد اخر يعني يعود عندنا 2عمود ومن بعد نديرو سلسلة وحدة ومن بعد نزيدو 2 عمود
يعني يعود عندنا 2عمود 1 سلسلة 2عمود

من بعد نكررو العملية 2عمود 1سلسلة 2 عمود
بحيث نكرروها 5 مرات يعني يعود عندنا 2عمود 1سلسلة 2 عمود 5 مرات

الان نرجعو للسطر الاخر نجبدو شوية الخيط ونديروالاعمدة تاعنا بين العمودين لي فاتو

بهذا الشكل

شوفو معايا نديرو 2عمود 1 سلسلة 2 عمودومن بعد 3 سلسلة منزلقة مابين الاعمدة كيما موضحة في الصورة ومن بعد 3 سلسلة

ونكملو بنفس الطريقة[

درك نروح للسطر الثالث
نديرو نفس الشىء 2 عمود 1سلسلة 2عمود بصح المرة هاذي نديرو 2 سلسلة ونروحو نديرو 2 عمود وهكذا

باهاذي الطريقة

نواصلو حت نكملو السطر كلو

نرجعو درك ونديرو 2 عمود 1 سلسلة 2عمود 2ساسلة منزلقة و2 سلسلة كيما موضح

ونكملو

بعد ماكملنا السطر كامل نروحو للسطر الاخر
نفس الشىء نديرو 2عمود 1 سلسلة 2 عمود بصح درك 3 سلسلة ومنزلقة

ونكملو [

درك نديرو ثاني 2عمود 1سلسلة و2عمود و3 سلسلة

ومن بعد نديرو 2 عمود و1س لسلة و2 عمود راكم لاحظتو هاذي المرة مادرناش منزلقة

lدرك انديرو ثاني كما درنا في السطر لي فات بصح نديرو 3سلسلة ومنزلقة

ومن بعد 3 سلسلة ونكملو 2عمود 1 سلسلة 2 عمود

ونكملو السطر

هذا السطر الاخير انتبهو معايامليح
نديرو عمود وسلسلة فيها 3

ومن بعد نرجعو السلسلة على العمود بمنزلقة

نزيدو نديرو عمود و3 سلسلة ونرجعو بمنزلقة على العمود

نديرو اربعة اعمدة بهذهة الطريقة

ومن بعد ندير سلسلة فيها 3 ومنزلقة ومن بعد سلسلة فيها 3 ومن بعد نديرو اربعة اعمدة كيما الاول

نواطلو بنفش الطريقة حتي نوصلو للاخير نخلو وحدة مانخدموهاش

بعد ماكملنا السطر ونلينا وحدة ماخدمنهاش
نرجعو على لي خدمناها
انديرو بين كل عمودين 2عمود 1سلسلة و2 عمود

ومن بعد نزيدو فوقهم ثاني 2عمود 1سلسلة و2عمود

نواصلو بنفس الطريقة ونديرو 20مرة

كملنا العشرين تاعنا درك يعود ندنا مثل الشريط نعدلوه مليح باش مايجيش مقلوي ولا داير

بعد ماعدلناها وجات مليحة نلسقوها 2منزلقة

بعد ما لصقناها نديرو سلسلة فيها 3

ومن بعد عمود وسلسلة فيها 3 وندوروها بمنزلقة على العمود كيما درنا في السطر الاخيط لي اقبل اكيد راكم فاهمين
نديرو اربعة اعمدة بهذه الطريقة ومن بعد سلسلة تاع 3 ومنزلقة

نواصلو بنفس الطريقة حتي نكملو كامل الشريط

وراكم متفكرين يخي خلينا وحدة اقبل ماخدمنهاش درك نخدموها

درك كملنا العلاقة نتاعنا نروحو نغسلوها لي نتاعها نظيفة وماتحبش تغلسها هي حرة بصح انا دايما نحب نغسل الغدمة تاعي حتي ولو كانت نضيفة
بعد ماتنشف شوية يعني تكون فيها ريحة الندا
نجبو قطعة قماش نضيفة ونحطوحا فوقها ونحدودها بالحدادة يعني المكواة
ونحاولو نكسلو شوية باش تجينا كي الفونتاي
بعد ما كملنا راكم متفكرين السكر والماء ندروه في كسرونة ونخلوه يتقلي شوية مش يحمار كيما العسيلة تا البقلاوة
لازم يكون ابيض

بعد مايكون برد
نديرو فيه العلاقة تاعنا

ومن بعد نقطروها مليح ونحطوها فوق قطعة قماش نظيفة
ونحاولو نعدلوها من كل الجوانب

لازم تكون معدولة مليح

ونخلوها تنشف

بعد ماتنشف نحشوها بشوية قطن في المكان لي عدلناه بصبعنا
ونركبولها الورد ونديرولها بابيون بالريبون
وتصبح واجدة[

نتمني اني نكون وفقت في الشرح انتظروني في ورشة اخري

وهده من اروع واجدد واجمل المديلات على الاطلاق
https://www.gulfup.com/?s5BGk2

ommo3taz · 2013-01-31, 11:02

صباح الورد يا لبنات اختي كيا الخيط راهو يبالي شوية خشين هذه كتون بارلي ام دي م سي ارجو الرد باه نبدى وايهما افضل لهذه الخدمة

zofa · 2013-01-31, 11:47

راني كملت هده الخطوات يا اخت kiya سلمت يداك في انتظار الباقي و اختي ام معتز انا تاني معرفتش علابيها سييت فيهم لزوج الخيط لي رقيق و خيط لي شوية غليظ

سدرةالمنتهى · 2013-01-31, 12:27

السلام عليكم

نعن استاذي راني تبعت خطوة خطوة و خلرجتلي كيما نتاعك للتوضيح اكثر :

صافي كي درنا عمود و خالفناه في الاخير يخرج 13 عمود راني صح او لا؟

واصلي راني متبعاتك الله يحفظلك يديك

kakpop · 2013-01-31, 12:32

مبروك لورشة

zofa · 2013-01-31, 12:59

و هاهو الدليل

ام احمد وصال · 2013-01-31, 14:15

مبروك افتتاح الورشة عزيزتي انا منيش مسجلة بصح راني نخدم معاكم خفت لكان نسجل و مانلتزمش بالحضور نتاعي حبيت نسقسيك معليش كي درت في الاول عمود لاني معرفتش ندير كيما درتي نتا يخي مياثرش وبارك الله فيك