المسابقة الكبرى

[الواثق]

السلام عليكم ورحمة الله وبركاته
جئتكم اليوم بموضوع راااائع اخر هههه...... وهذا ليكون اختبار جديا لأعضائنا الكرام المسابقة هي بسيطة عبارة عن أسئلة تتبعها اقتراحات ومن ثم اختيار الاقتراح الصحيح
كونا معنا فالمنافسة نريدها حادة ولاتخافو فلجنة التحكيم تحت رعاية أعضاء ماشاء الله وانا رئيسهم احممم
سندخل في الأسئلة مباشرة


السؤال الاول :

اقرأ هذه الفقرة جيدا
**انا رجل ابلغ من العمر 33 سنة متزوج منذ 6 سنوات والحمد لله....زوجتي ماشاء الله جمالها اغناني عن النظر للكثيرات لكن طبعها فيه وعليه .......حتى انا فيا وعليا ههه.......لدي طفلين الكبير اسمه عباس عمره 5 سنوات والثاني بنت عمرها عام اسمها الهام .............المهم الان نحن نسكن في بيت العائلة المتكون من 5 اخوة 3 متزوجين و2 عزاب .........وامي وابي اكيد هم اساس البيت ........مع العلم اني عامل في الادارة وزوجتي خريجة جامعة هي غير عاملة الان لكن في المستقبل لا ادري ..... ***
ما رأيكم في هذه الاسرة
1- واضح ان الرجل متفهم جدا والعائلة كذلك
2- عائلة ممتازة ووضعية رائعة
3- ماعجبنيش بعض الكلام

السؤال الثاني : ودائما مع هذه العائلة
*** كالعادة وكل صباح انهض للعمل والمداومة تكون على الثامنة ودائما اتأخر نصف ساعة لاني اوصل عباس الى المدرسة.......نهضت على الساعة السادسة وكالعادة فاتتني صلاة الجماعة حتى انا والفت هذا الامر فلم اكن ملتزم بها منذ ان تعلمت الصلاة .....زوجتي شكارة تاع نوم وكسولة جدا ولاتنهض الا بعد معاناة المهم ........نهضت غسلت وتوضيت وصليت ومن ثم ايقضت عباس للمدرسة وذهبت لامي لانها تعد الفطور باكرا كالعادة ........بعد صباح الخير فالتلي امي والشكارة وين راهي قلتلها ويكتا الشكارة عندها كرعين راهي متكية اذا تقلبت راهي هايلة ......المهم شربت قهوتي وامي متذمرة كالعادة ..........***

ماريكم في هذا الرجل وبدايته اليومية
1- يظهر انه محب كثيرا لزوجته فلم يزعجها
2- كسول هو كذلك وكان عليه ان يكون نشيطا
3- المفروض ينوض زوجتو ولو بالعنف واذا خلاها يعتبر منخاذل وضعيف شخصية

السؤال الثالث :

*** اخذت عباس للمدرسة وذهبت للعمل .......الان اترككم مع زوجتي هههه.......استيقضت على الساعة ال10 لان الهام بدات بالبكاء ......المهم حزمت شعرها المشبشب وغسلت وذهبت للمطبخ لقات الام تعجن في الكسرى قالتلها صباح الخير وهي تثاوب ....فقالت لها الام ياطفلة واش بيك راهي العشرة ......قالتلها وكي نوض واش ندير ؟؟؟ لكراني خدامة كراني نضت على ال 5 ..............المهم خلطت الحليب في القهوة ....والحليب في البيبرو لالهام وفطرت ........ومن ثم ذهبت لمهمة التنظيف كالعادة .......المهم اتصلت بها زميلتها في الدراسة وزميلتها استاذة ...قالتلها واش كاش جديد قالتلها كالعادة نوض واخدم ومن ثم ارقد وهكذا .......ضحكت الاستاذة ههه وقالتلها واش ديري اصبري ....انا بني ديتو للحضانة وراني في المؤسسة عندي فراغ الان والعشية رايحة نشري قش كاشما نشريلك؟؟؟.....قاتلها بصحتك ماتجيبيلي والو ماعنديش الدراهم نخلصك .....المشحاح راهو الدرور مايخرجوش فضحكت الاستاذة وقالت لها ربي يعينك ايا نخليك ........ومن ثم اكملت التنظيف بروح منحطة ***
مارأيكم في هذه الام :
1- تثقل على كنتها
2- متفهمة جدا
3- المفروض تخدمها وتزقي عليها

مارأيكم في الزوجة :
1- كسولة
2- غير لبقة مع الام لكن عندها الحق
3- واضح انها متعبة من العمل

مارأيكم في زميلتها
1- زميلة وفية ماشاء الله وتريد مساعدة صديقتها
2- كانت تريد التباهي والزوخ عليها بطريقة غير مباشرة
3- يجب ان لاتتذمر الزوجة من عملها في البيت وتظهر بموقف قوي امام هذه العاملة




على كل تعبت كي نريح نكمل او ربما يحذفولي الموضوع ههه
اعتذر عن اللغة المختلطة بالدارجة فهي الاقرب الى المعنى
ارجو اني رفهت عنكم قليلا اخوتي اخواتي
وكونو من المشتركين وان شاء الله من الفائزين
اخوكم الواثق
والله المستعان