طريقة عمل السفنج

[هالة اسماء]

البسملة1
اول موضوع لي في المنتدى الغالي هو طريقة عمل السفج
اولا نحتاج كمية من الطحين على حساب الكمية اللي حابتها
ماء دافئ
ملح وخميرة عجين
نقوم في الاول بخلط المكونات مع بعض ثم الماء الدافئ تدريجيا في الاول تكون العجينة شوية ناشفة ندلكها مليح ناكد على الدلك ثم نبدا باضافة الماء تدريجيا حتى نتحصلو على عجينة رخوة نقدرو نتحكموفيها ونبدا نجيب فيها من التحت للفوق نستمر بالعملية بعض الدقائق لكن بلاما نزيدو الما نخلوا تخمر مليح كلما خمر السفن مليح كلما جانا هشوش من الداخل نخلوه لمدة ساعة او حتى تشوفيه دار فقاعات يعني خمر
نجو لمرحلة القلي نوضعو زيت غزير بالمقلات ونحل قرصة في كف يدي ونحاول نحلها مليح باستعمال الزيت وندير تقب في الوسط وثاني حاجة مهمة لازم الزيت تكون حامية بصح مشي محروقة
ولما تصيبي الحبة بدات تنتفخ ما تقيسيش فوقها الزيت حامية خليها تى تصيبيها نشفت باش تجيك خاوية من الداخل
في الاخير رشي عليها سكر كريستاليزي وتمتعي باحلى سفنج من صنع يديك
اتمنى انكم تقيمو موضوعي وتشجعوني

[muslimone]

شكرا ان شاء الله نجربوه شكرااااااااااااااااااااااا

[ouissamak]

merci pour la recette

[هالة اسماء]

المشاركة الأصلية كتبت بواسطة muslimone

شكرا ان شاء الله نجربوه شكرااااااااااااااااااااااا

شكرا بيبتي نورتي موضوعي عن تجربة يخرج هايل

المشاركة الأصلية كتبت بواسطة ouissamak

merci pour la recette

بارك الله فيك

[ام احمدي]

يسلمووووو على الوصفة حنونة

[إكليل]

بارك الله فيك شكرا ليك

[أم أروى]

وعليك السلام ورحمة الله وبركاته
بوركت على الوصفة حنا نديروه بالسميد وكين لي يخلطلو الفرينة وكاين لي يدير غير الفرينة
بصح تع لسميد هو لمخير عندنا ويحب العجين بزاف