والله غير كرهت انقذوني

[سليسا]

االسلام عليكم اخواتي اخواني اريد متكم نصايح منكم وادعية في صلاتكم سوف ابدا مشكلتي انا فتاة في 25من العمر اشتغل وجميلة احس بالضيق لانو صديقاتي انخطبنا وامي تقول لي كيف ما يجيوك خطابة رغم اني عاقلة وخايفة ان لا اتزوج وتعرفو في وقتنا هذا صعيب الحال اريد حلول منكم وادعية ان يرزقني الله الزوح الصالح ارجوكن لا تنسوني في القريب جل وحزاكم الله كل الخير

[achwak crazy girl]

ختي ما تقلقيش روووحك بزاااف باسكو 25 سنة مزاال الحال شوية مديري في بالك وااالو مكتوبك يجي يجي انشاء الله يكون في عمرك 50 سنة لي كتبها ربي جي ولي فيها الخير جي اكيد وجزال الله الف خير و انشاء الله ربي يرزقك بالزوج الصاللح

[hodahodahoda]

يا اختي هذا مكتوب
ماجوكش خطاب
تروحي ترمي روحك على الرجال

المهم ما تكونش فيك حاجة غالطة تهرب منك الخطاب
اذا كان اخلاقك حسنة عائلتك طيبة و انت مقبولة شكلا
100/100 راه جايك الخطاب

[أمي قرة عيني]

السلام عليكم
أختي الكريمة أنصحك بالصبر و الدعاء الخالص لله عن تجربة شخصية انا تزوجت و عمري 27 سنة و الله ما كنت نتحسس قبل من هدا الجانب لأن هده أمور داخلة في مكتوب ربي متقلقيش بزاف رايح يجيك مكتوبك انشاء الله

[3bir31]

ما تكسريش راسك اختي خليهم يهدروا

مبقاش رجال في هذا الزمان حتي انا راني كيفك والله مراني محوس عليهم

[soumias]

الزواج قسمة ونصيب ......وعسى ان تكرهو شيء وهو خير لكم

[naamane3]

التفكير في الشيئ يطيل وصوله
فكري في امور اخرى يأتيك الزواج في لحظة

[حنين الرياح]

اختي متقلقيش روحك الزواج بيد ربي وعسى ان تكرهوا شيئا وهو خير لكم
وتفائلوا خير تجدوه ، انا نعرف طفلة تزوجت عمرها 26 والحمد لله راهي مع راجلها ولادها دايرين بيها
او وحدة عمرها خمسين سنة تزوجت وراهي لاباس عليها
وكاين معلومة تقول بلي الواحد كي يزيد ربي يكتبلوا مع نصيبوا يعني درك راجلك المستقبلي راهو قريب يخطبك ان شاء الله
وكاين سبب من الاسباب الى رح يلاقيكم ان شاء الله

[سليسا]

والله غير نحس دائما نفسي متضايقة كرهت كل شي في بعض الاحيان نقول لو اموت احسن لم افهم شي كرهت الخدمة كرهت كل شي وليت حائرة والله اخلاقي جيدة وحترمة لا تنسوني ابدا ادعولي معكم اختكم في اللع احتاج الى نصائحكم وارشادتكم لعل الله يفرج عني وشكرا

[*سندوسة*]

وعليكم السلام ورحمة الله تعالى وبركاته
اختي الكريمة ماتقلقيش روحك الزواج مكتوب
وربي هو لي راه يسير فالأمور العباد نتى علاه تقلقي روحك
ولكن اختي تقربي من الله اكثر واكثر الصلاة والتضرع في الدعاء واكثري من الاستغفار
ربي يرزقك الزوج الصالح لي يعينك على طاعة الله ورسوله

[مواطنة]

اختي الكريمة علاش تقلقي في روحك واذا عرفتي بلي رزقك واحد ما ينحيهولك 25 سنة ماشاء الله صغيرة عادي جدا العبرة في الزواج ليست بالسن و انما في اختيار الزوج الصالح في الوقت لي يشاء الله
نقولك شي نهخار تتزوجي تقولي ااااااااااااااااااااااايه يا منصابني في دارنا مع خاوتي و ماما و بابا مهما قالتلك امك حاولي تكلميها انو هذا قضاء من الله ربما امك لا تفهم كثيرا في هذه الامور فلا تتركي افكارها تسيطر عليكم و تكسر نفسيتك تمتعي بوقتك و استفيدي
انا نعرف وحدة عمرها 31سنة جاوها خطاب لكن هي لم تجد الشخص المناسب من كثر ما اهلها يضغطون عليها لتقبل اصيبت بانهيار مة شدة قهرها تخيلي انها بعدما ايقنت انه يجب ان تخرج من هته الحالة النفسية اصبحت تهتم لعملها اكثر و للدراسة و تذهب لحلقات في المسجد و تترك اهلها يتكلمون دون ان تتاثر لانها لم تجد في الخطاب ما يليق بها
مالا حاولي تستغلي وجودك مع اهلك لان الزواج ليس نهاية الاحزان و الصعاب بل مرحلة اخرى من حياتك
و نقولك اذا انت بمجرد عندك 25سنة مازال ما حصلش نصيب راكي هكذا مالا كيفاش ديري كي تولي مع زوجك و مسؤولياتك و اهل الزوج من جهة ومصاعب الحياة؟؟؟؟

[انغام المنى]

ربي يرزقك ابن الحلال عاجلا وليس اجلا

[سليسا]

والله غير كي بديت نفرغ قلبي بديت نرتاح مع بعض النصائح منكم التي عجبتلي لكن لا تنسوني بادعيتكم لعل الله يفرج كربي

[سجل أنا جزائري]

ربي يفرج عليك ان شاء الله

25 سنة مش نشوف فيك كبيرة , راكي في الوقت برك

[المنصور3]

المشاركة الأصلية كتبت بواسطة سليسا

والله غير نحس دائما نفسي متضايقة كرهت كل شي في بعض الاحيان نقول لو اموت احسن لم افهم شي كرهت الخدمة كرهت كل شي وليت حائرة والله اخلاقي جيدة وحترمة لا تنسوني ابدا ادعولي معكم اختكم في اللع احتاج الى نصائحكم وارشادتكم لعل الله يفرج عني وشكرا

يا سليسا لعل الخير قادم وبما أنك قلت أنك ذات جمال وأخلاق فكوني ذات صبر أيضا لأنك بغيره لن تجدي الحل ولن تصلي إليه وعليك بالدعاء وكوني واثقة أن الله هو الذي يقدر الأمور فربما تأخر الموعد حتى يأتي من هو كفء لك.