ظروفي والربا

[مشكلتي]

السلام عليكم
اخواني انا زوجي اضابط سامي وماعندناش سكن لانه على اول ماخدم بنى دار لاهله وحل عدة ازمات مادية على اهله لانهم ناقصين ودرك ماعندناش دار الدوسي اللي نديروه مايصلحش الا في الاونة الاخيرة درنا lpp وعيطولنا باه نسلكو بصحج المشكل انه هاذم السكنات يمشو بربا لانه سعرهم يوصل المليار وانا باه نلم مليار باه نشري سكنة مستحيل وكل عام السكنة تزيد 100 مليون
راجلي قالي ماعندي ماندير مادرتوش انا الرباكون مانحصلش سكنة هكا ولادي راح يعشو في الشارع
انا حبيت نفهم علاه ندو احنا ذنب داراتو الدولةهي اللي فرضت الربا
وزوجي يواجه في الموت يعني من حقه انه تظمنله الدولة سكن حتى كي يهز السلاح ويخرج متهني من وراه مش هاز السلاح وعقله انه ماهندوش دار وحتى الناس ماكلين لينا وجوهنا كي فاه ظابط ومادارش الدار وهو ظروفو تاع بكري هي اللي ماخلاتوش وزاد احنا العوام اللي فاتو طول نكرو باه نسكنو والشهر بمليون ونص وزاد الكرا تاع تحوال القش يعني ماقدرنا نلمو والو العام هذا برك وين سكنا في الحي العسكري لاني كنت في العاصمة والسكنة في الحي ثمن صعيبة
وهذه فرصتنا وكون تروح علينا المرة هاذي صايي
انا راجلي راه ناوي يسلك وقالي راه ربي على باله بظروفي وعلى بالو بنيتي تجاه الوطن
مع العلم انه دائما في الريسك
ربي يستره ويحفظو
والله كلش مر عليا ماقدرت نعيش نورمال ماناكل نورمال اي حاجة نجي نتمتع فيها نقولا خلي نلم للسكنمة
بصح مايدور العام وجينا نكرو الدار والكاميو تاع القش كان الدراهم كامل راحو وحتى الدار اللي نكروها نخسرو عليها دم قلوبنا باه نسكنو فيها
هذه تاع الحي العسكري قريب 10 ملاين باه خدمناها دبرو عليا

[تمام المنة]

''و من يتَّقِ الله يجعل له مخرجاًا و يرزقه من حيثُ لا يحتسب''

[اجنحة الملائكة]

يا اختي ربي يفرج عليكم واش نقولك كاين ناس بزاف ظروفهم صعيبة بزاف ولكن يبعدوا على الحرام لانه الربا حرام واش ذنب زوجك و انت و اولادك تعملو بدراهم الحرام بالاك تخرج فيكم على الاقل زوجك يخدم يقدر في الوقت الحالي يكري امبعد ربي كاين ما يخليش عباده اختي واش كاين في الدنيا من صعوبات امتحان من الله باش يشوف قوة تحملنا و تمسكنا بديننا و من مشكلتك نقول كيفاش زغما دولة اسلامية و يتعاملو فيها بالربا اختي في هاذ الوقت الحرام ساهل و الحلال صعب ولكن تفكري دائما بانه كاين ربي و ادعي حتى يفرج ربي و يا اختي اخطوا الربا ربي يرزقكم بالحلال

[MaX32Dz]

يا أختي دينكم دينكم
دينكم لحمكم و عظمكم
يا أخي كلو التراب ولا تأكلوا الربا
هل تستطيع أن تحاربو الله و رسوله يوم القيامة ؟
يا أختي اتقوا الله و سيجعل لكم مخرجا
يا أختي إن ربك سميع الدعاء
ينزل في آخر الليل فيقول هل من داع فاستجيب له
هل جربتي هذا ؟
قرأت قصة لإحداهن تشبه حالتكم تقول كنت أنهض ليلا فاستغفر الله لمدة طويلة و تصلي
حتى فتح الله لها و رزقها بيتا لم تعرف كيف جائها المال
يا أختي لن ما عند الله إلا بطاعته
يا أختي فري إلى الله فستجدنيه و الله و بالله و تالله سميع الدعاء
و قريبا مجيبا

[عماد الدين2]

السلام عليكم
ديري الدوسي تاعك و لا اثم عليك
شرط ان لا حلّ امامكم إلا هذا و مسكن لكم بتاتا
فالله يعلم عدم رضاكم بهذا و انكم اضطررتم له
هذا ليس كلامي فهو من اقوال العلماء المعتبرين
و كلكم يعلم قصة المرأة التي كانت تأكل هي و اولادها الجيفة
و اقوال الفقهاء في ذلك (( نحن نتكلم عن الضرورة ))
بالتوفيق

[sarra5]

علاه ماسجلتيوش في سكنات عدل 2؟؟؟

ربما يكونلكم فيها نصيب في سكنة؟؟

[MaX32Dz]

عماد الدين من أنت حتى تفتي و توقع الناس في الربا ؟؟
تلك التي أكلت الجيفة مضطرة لأن الاضطرار في الأكل وليس في الربا
و لو نرى كلنا مضطرون لأخذ الربا

[محمد جديدي التبسي]

وعليكم السلام رحمة الله..
اطلبي من زوجك أن يذهب لمفتي في العاصمة وأنصحه بالشيخ فركوس
هذا الأمر ليس مكانه هذا المنتدى فأنت تطلبين فتوى وليس وجهات نظر فكلنا نعلم بمعاناة ومشاكل السكن في بلادنا لكن ذلك لا يُبيح لنا أن نقول لك معليش انتم مضطرين لأنه لا يعرف معنى الضرورة ولا يقدرها إلا أهل العلم
شخصيا لو كنت مكانكم نبقى في الكراء طول العمر (ضابط سامي مرتبه يسمح له بالكراء ومصاريف العائلة ماذا يفعل الفقراء ومن لهم مرتبات أدنى؟!) كثير من العائلات تعيش هكذا خاصة في المدن الكبرى وبعد تقاعد زوجك يمكنكم البحث في مدينة داخلية وستجدون سكنات بأسعار أقل وربما تمنح لكم الدولة سكن قبل ذلك لأنكم تستحقون ذلك
وتذكري أختي قوله تعالى:"ومن يتق الله يجعل له مخرجا ويرزقه من حيث لا يحتسب" أنتم الآن سكنتو وخلاص لكن لازم تبحثوا عن الفتوى..ربي يعينكم ويفتح عليكم بالحلال.

[knives66]

حل انكم تشفوا واحد يسلفكم به ديروا دار

والله اختي ربا تبقي ربا لا ظروف ولا هم يحزنون

ولا يبني في دار مليه وخلاص يوسع حق ما تسكنوا

[نورسين.داية]

السلام عليكم

الذي ألعلمه أن ضباط غير مستقرين في العمل .....يعني قد يأتيه التحويل الى ولاية أخرى في أي وقت ....و إذا أطال البقاء في الولاية لا يتجاوز 10 سنوات

هل هذا الظرف يسمح لي بشراء منزل
كما أني لي علم أن الضباط يعطوهم سكن وظيفي ...و رأيت ذلك بأم عبيني f4 و الله المنزل قمة في الروعة ..........كيف لزوجك لم يستفد من هذه المسألة

لا علينا لي إقتراح آخر ....لما لا تستبدلين شراء منزل بشراء قطعة أرض و تبنوها بشوي بشوي ....هذا هو الحل الوحيد بالنسبة لي

وفقكي الله أختي

[البيت السلفي]

السلام عليكم ورحمة الله
أولا أختي ، سكنة lpp ما توصلش مليار إذا ديتي دار قيسك ، نأكّدلك أنو f3 راهي ب 600 مليون في العاصمة ، وأحد الأقرباء جاتهم أيضا ، والدُفعة الأولى 50 مليون ، هذا القريب أيضا راهو في الدين + الكراء ، وهكذاك قال غير الربا لي ما نديروش بإذن الله ، واش نقولك ، إلا أنو الربا صعييييب بزاااااف ، فيه حربٌ من الله ورسوله صلى الله عليه وسلّم.
وكما قيل الواحد مادام عندو قيس ما يكري وعلاش يروح للربا.
ولا شوفو كاش واحد يسلّفلكم.

ربي يفتح عليكم

[عماد الدين2]

المشاركة الأصلية كتبت بواسطة max32dz

عماد الدين من أنت حتى تفتي و توقع الناس في الربا ؟؟
تلك التي أكلت الجيفة مضطرة لأن الاضطرار في الأكل وليس في الربا
و لو نرى كلنا مضطرون لأخذ الربا

تستطيع ان تبدي رايك حول الموضوع
بعيدا عن عماد الدين فهذه ليست صفحة مناقشات
و لو كنت عاقلا لطالبتني باقوال اهل العلم في ذلك
إلا إن كنت تحتكر العلم لجماعتك
اما اذا كنت فعلا تسال من انا فانا و الحمد لله مسلم و لست سلفي
فلا اتعصب لرأي و لا استهين بمذهب

[sarl02]

المشاركة الأصلية كتبت بواسطة عماد الدين2

السلام عليكم
ديري الدوسي تاعك و لا اثم عليك
شرط ان لا حلّ امامكم إلا هذا و مسكن لكم بتاتا
فالله يعلم عدم رضاكم بهذا و انكم اضطررتم له
هذا ليس كلامي فهو من اقوال العلماء المعتبرين
و كلكم يعلم قصة المرأة التي كانت تأكل هي و اولادها الجيفة
و اقوال الفقهاء في ذلك (( نحن نتكلم عن الضرورة ))
بالتوفيق

انت على خطا 100/100 ولا تفت بما ليس لك به علم وليس للامر علاقة بالتشدد او التعصب ...الربا مهما كان ربا ولا عذر في الانسياق وراء مشاريع فيها الشبهات ..واذا جينا للحاجة والضرورة وو ما تفراش...نعرف ناس بطالين وما عندوش عشاء ليلة عرضت عليهم مشاريع اونساج بالملايير ورفضوها لتفادي الشبهات...لان لله حكمة في تحريم هذا الامر...وتاكد ان اي مشروع يحمل في طياته هذه الشبهة لن يربح مولاه ولن ينجح ووفقك الله.

[سارية الأثرية]

أكثري من الإستغفار .. و الله الموفق ..
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) نوح/10 - 12

[عماد الدين2]

المشاركة الأصلية كتبت بواسطة sarl02

انت على خطا 100/100 ولا تفت بما ليس لك به علم وليس للامر علاقة بالتشدد او التعصب ...الربا مهما كان ربا ولا عذر في الانسياق وراء مشاريع فيها الشبهات ..واذا جينا للحاجة والضرورة وو ما تفراش...نعرف ناس بطالين وما عندوش عشاء ليلة عرضت عليهم مشاريع اونساج بالملايير ورفضوها لتفادي الشبهات...لان لله حكمة في تحريم هذا الامر...وتاكد ان اي مشروع يحمل في طياته هذه الشبهة لن يربح مولاه ولن ينجح ووفقك الله.

انت و امثالك لستم افقه من الفقهاء و ما افسد الدين الا الراي و لا فرق بين
من يحلل حرام برأيه و بين من يحرم حلال كذلك برأيه
و مسالة الإضطرار تكلم فيها الفقهاء فيا ليتكم تعودون للدين الذي وصلنا
صافيا نقيا عن طريق فقهائنا رحمهم الله و تتركون دين النفس و الهوى و الرأي
ضللتم و اضللتم غيركم فما كان يضرك لو طالبتني بالبينة و لكنها النفس و الشيطان
لا يرضون بالاحتكام للدين و رضوا بالهوى الها
لدينا المذاهب الاربعة فلما لا تريدون رأيهم و تحتكمون لآرائكم فأي دين تتبعون
لا حول و لا قوة الا بالله العلي العظيم