انا شكون و هي شكون

[مشكلتي]

السلام عليكم جميعا
يا ليت تقراو مشكلتي و تحاولوا تفهموني
و انا في سنة 3 ثانوي زميلي ارسل لس مع صديقات انه معجب بي رفضتو على اساس انا ضد العلاقات حاول كثير و رفضتو
نجحنا و رحنا للجامعة و كان كل مرة يرسلس مع فتاة و دائما كنت نرفض
اتخرجنا قبل عامين و صرا لي ما توقعتوش ارسل قريبته تقلي لي حاب يخطب فرحت لاني كخطبة نقبلو علاقات لا
و بالصدفة عرفت لي في سنة اولى جامعة تعرف على زميلة لينا و كانو على علاقة مع بعض و هو كان ناوي يخطبها مي امو رفضت وقتها لانو ماهوش خدام و هي تخطبت لآخر ؟؟؟؟؟؟

المشكل يا خاوة حتى في هاداك الوقت كنت مصدقة لي راني في بالو ؟؟؟؟؟
انا وافقت مبدئيا لاني صدقت اصرارو اني نكون شريكة حياتو مي هو كان يحبها على قول العديد حب جنوني للاخرى ؟؟؟
يعني انا واش لعبة و الا احتياط و الا ماذا ؟؟؟؟؟؟

انا قبلت مبدئيا لاني كنت نظن احساسو جهتي صادق

فهموني يا رجال يا خاوتي اذا حبها كما قالو حب جنوني علاه كان يرسلي ؟؟؟؟
و كان يعبرلي حتى بنظراته راكي في بالي و كنت مصدقاته ؟؟


راح تقولولي شوفي لاخلاقو صح مي هاذي لحكاية ؟
ربي يخليكم افهموني افكار كثيرة تدور في راسي بهذذا الموضوع انا شكون و هي شكون ؟؟؟؟


حاسة باحباط ما يعلم بيه غير ربي سبحانه
لو اي واحدة مكاني كيفاه راح تتصرفي ؟؟؟

حاسة بصدمة ادات عقلي
الاستخارة اكيد لكن قولولي رايكم ايضا

[assia81]

وعليكم السلام ورحمة الله وبركاته
عليك اختي ان تصارحيه وتقولي له كل ما يزعجك فقبل ان يتم الزواج يجب ان تكون هناك مصارحة بين الخطيبين قبل ان تقع الفاس في الراس فان اخبركي بانه نسيها ولم تعد اي عالقة تربطه بها وانت متاكدة انك يمكنك مسامحته ففعلي وانسي كل شيء اما ان لم تستطيعي ذلك فالافضل ان ترفضي لان الشك سيجعل حياتكما الزوجية جحيم
وفي الاخير وكما قلتي الاستخارة عليك بالاستخارة قيل اي خطوة تلجئين اليها وشكرا

[nanouch13]

هو برك اللي ممكن يجاوبك على هذا السؤال ولو إني شاكة أنو حبكم في زوج أنتي كنت حبو الأول ومنين قابلتيه بالصد راح يتعرف بوحدة تانيا ومع الوقت لقا روحو تعلق بيهامي نت كونتي ديما في بالو والله غالب قفلتي البيبان في وجهو ... وحسب رأيي هاذا الإنسان إذا كان ناس ملاح ومتخلق أكيد مراحش يسمح فيها بعد علاقة دامت سنوات وراح يتقدم باه يخطبها ... مي المكتوب جمعو بيك من جديد ... أنا رأيي ربي راهو باغي يجمعكم مع بعض نصيحة ختي صلي صلاة الإستخارة وبعدها سقسيه وحكي معاه فالموضوع وشوفي وين يديكم المكتوب خليها على ربي وأكيد ربي ميغبنكش ... وربي يفرحك حبيبا ويجمعك باللي ترضايه ويرضاك ويرضاكم ربي لبعض

[محمد جديدي التبسي]

أنت فتاة وهي كذلك وما أكثر مثيلاتكن بلا زواج يعني يقدر يختار غيرك عادي
الرجل لا يهتم بهاته الأشياء يريد الزواج وفقط لأنه يؤمن أن الود يأتي بعد الزواج

[نارينا]

[ size="5"]وهل تصدقين ان هنالك حب جنوني في 2014؟؟ لو كان كذلك لما تركها تذهب لغيره بسبب رفض امه,,,,المهم حياته الماضية جزء منه هو وقد مضى والكثير من الشباب خطبوا واحبوا ولكن القدر جمعهم باخريات,,,,لا تستمعي كثيرا لكلام الناس عن الحب والتبلعيط وووو ,,,,,استخيري وتحري عن اخلاقه وهذا ما يهم حاليا ,,,,,وفقك الله عزيزتي[/size]

[sabrinejuriste]

المشاركة الأصلية كتبت بواسطة نارينا

[ size="5"]وهل تصدقين ان هنالك حب جنوني في 2014؟؟ لو كان كذلك لما تركها تذهب لغيره بسبب رفض امه,,,,المهم حياته الماضية جزء منه هو وقد مضى والكثير من الشباب خطبوا واحبوا ولكن القدر جمعهم باخريات,,,,لا تستمعي كثيرا لكلام الناس عن الحب والتبلعيط وووو ,,,,,استخيري وتحري عن اخلاقه وهذا ما يهم حاليا ,,,,,وفقك الله عزيزتي[/size]

oui c vrai rani m3ak

[optimism]

السلام عليكم
يااختي بلا حب جنوني بلالالالالا,,,,,,,,,,,,,,,,,,,,كما قتلك اخت نارينا مازالت تصدقي نحن في 2014...................غير اليوم سمعت بان الدراسات تقول ان المراة اذا حبت تحب شخص واحد ,,,,,,,,,,,,,,اما الرجل يقدر يحب 10 في وقت واحد ,,,,,,,,,,,,,,,,,,ويقلك ان المراة تقدر تحب شخص على نفس وتيرة لمدة اربع سنوات بعد ذلك يبدا يقل ,,,,,,,,,,,,,,,,,,,اما الرجل لايزيد عن 18 شهر,,,,,,,,,مع ان هذه دراسات فلا استند عليها لان الحياة اكبر واعمق بكثير وهذه اشياء نسبية ,,,,,,,,,وكما قتلك نارينا استخيري وتحري عن اخلاقه هذا هو المهم ,,,,,,,,,,,,,,,,,,,الاخلاق ,,,,,,,,,,,,,,,بعد ذلك ياتي كل شيء,,,,,,,,,,,,,,,,,,,,,,,,,,,,والله المستعان ,,,,,,,,,,,,,,,ربي يوفقك يارب

[فارس وجواد]

الســــــــلام عليــــــــكم :
هذه ليست مشكـــــلة أختي لماذا ........
شخص أعجبته انسانة قرر التقدم لها ...... رفضت حتى بعد اصراره ........ قال في نفسه خيرها في غيرها ....... قرر البحث عن أخرى .... هذه هي سنة الحياة ..... بعد مدة ....... وجد فتاة أخرى أعجبته ....... تقدم لها فرفض بغض النظر عن أسباب الرفض ...... و لكنه بعد مدة وجد الأولى التي رفضته مازالت على حالها ..... قرر التقدم لها مرة أخرى عل شيئا قد تغير مع مرور الزمن ....
أسألك سؤالا ...... هل في رأيك أختي لما تقدم لك في المرة الاولى و رفضتيه ..... هل تريدين منه أن يبقى ينتظرك أنت و فقط ....... لماذا .
الزواج أختي مكتوب و كل هذه أسباب فقط .

[first first]

في رايي اختي ماكان حتى مشكل............وماتقدريش تحاسبيه على اي شيء.....................كان يكن لك مشاعر...اراد اقامة علاقة ليس لها معنى معك.....رفضت تلك العلاقة............................تعرف على اخرى واراد ان يخطب ويتزوج....................يحق له دلك.........................ماكتبش ربي....................................لازال يكن لك مشاعر وربما يحترمك ايضالرفضك اقامة علاقة في ما مضي...جا خطبك...........................وهو انسان فيه خير..............................براي يااختي لعزيزة...احمدي ربي وزوجي وماتطلبيش المستحيل...اطلبي ربي منا وفوق يحبك غير انت وخلاص.
ربي يوفقك.
وخطيك من المثاليات بزاف............يعني انت رافضتو وهو مايشوفش حياتو ويبقى مخلص زعمة؟؟؟ حتى لو دارها راهو اكبر غبي .

تقبلي راي......والله ماكان حتى مشكل...............ربي يكملك اختي لعزيزة...وراهو الشيطان يلعب بيك.
وماتنسايش الاستخاة اولا واخيرا..............ودعك من الشكوك.الاخت راهي الان في دارها.......شوفوحياتكم وبي يسهل

[optimism]

السلام عليكم
انا شكون وهي شكون ,,,,,,,,,,,,,,,,,,,,,,,,,,,,,رغم عنوان بالدارجة ,,,,,,,,,,,,,,,,ولكن جميل

[أم عامر]

أعجبتني الردود
استخيري ثم استشيري و سيكون في ذلك كل خير و طمأنينة قلب

[سلاف26]

الرجل يتزوج بعقله الكلام عن الحب "تصرا غير في مسلسلات " انت صلي استخارة و ما تكسريش راسك اذا فيه الخير ربي يكتبهولك و اذا مافيهش الخير ليك راح يبعدوا ربي عليك و يرزقك الاحسن

[samira135]

المشاركة الأصلية كتبت بواسطة optimism

السلام عليكم
يااختي بلا حب جنوني بلالالالالا,,,,,,,,,,,,,,,,,,,,كما قتلك اخت نارينا مازالت تصدقي نحن في 2014...................غير اليوم سمعت بان الدراسات تقول ان المراة اذا حبت تحب شخص واحد ,,,,,,,,,,,,,,اما الرجل يقدر يحب 10 في وقت واحد ,,,,,,,,,,,,,,,,,,ويقلك ان المراة تقدر تحب شخص على نفس وتيرة لمدة اربع سنوات بعد ذلك يبدا يقل ,,,,,,,,,,,,,,,,,,,اما الرجل لايزيد عن 18 شهر,,,,,,,,,مع ان هذه دراسات فلا استند عليها لان الحياة اكبر واعمق بكثير وهذه اشياء نسبية ,,,,,,,,,وكما قتلك نارينا استخيري وتحري عن اخلاقه هذا هو المهم ,,,,,,,,,,,,,,,,,,,الاخلاق ,,,,,,,,,,,,,,,بعد ذلك ياتي كل شيء,,,,,,,,,,,,,,,,,,,,,,,,,,,,والله المستعان ,,,,,,,,,,,,,,,ربي يوفقك يارب

هههههههههههه زدتي خلعتي الطفلة بهذي الدراسة

10 في وقت واحد و 18 شهر فقط !!!

مالا من هذي الدراسة نستنتجو انو حبك 18 شهر كملو حبها هي 18 شهر كملو رجع ليك وراها ماشية





يا خيتي ما تكبريها ما والو مدام عاجبك وقبلتي بيه انساي الحب الحقيقي بعد الزواج غيرو غير كلام
المهم كوني شاطرة بعد الزواج ماتخليهش بعد 18 شهر ينساك ويحوس على أخرى

[كلمات مبعثرة]

للاسف يا اختي الرجال كدابين الا واحد في المليون

عندهم قدرة رهيبة في الكدب والحلف بالله واقناع الاخر

هدي ماشي مشكلتك وحدك كل بنات الجزائر عايشين نفس المشكل لو كان المشكل في انه كان يعرف وحدة خير من الكدب والخداع واش نقولك بالرغم من كل شي اختارك انتي زوجة ادا هدا يعني انك احسن منهن كلهن ...كملي ادا خترتيه

ونقولك حاجة ماشي كامل نساء العالم عايشين في سعادة وكل واحد وزهرو

[أم شروفة]

العنوان انا شكون وهي شكون.أقول لكي انتي الصح أنتي اللتي ارادها زوجة.وهي مجرد حب جامعة ولى ولن يعود