إلى الملتزمين و الملتزمات

[مشكلتي]

السلام عليكم إخواني و أخواتي
بداية أريد أن أطرح عليكم مسألة تخص إنسانة أعرفها و هي مقربة مني تخرجت العام الماضي من الجامعة و هي عمرها تقريبا 25 سنة بدأت الالتزام وارتدت الجلباب في آخر سنة لها في الجامعة و بعد تخرجها بمدة ارتدت النقاب بالرغم من رفض أهلها لأنهم يريدون منها أن تعمل خاصة وأنها وجدت أكثر من منصب مضمون و بمرتب عالي لكنها رفضت العمل و ارتدت النقاب المشكلة الآن إخواني هي أن الناس يقولو بلي مستحيل تتزوج خاصة أنها نادرا ما تخرج من بيتها و ما تعرفش بنات ملتزمات و المكان اللي تعيش فيه ما فيهش بزاف ملتزمين و لاو يقولولها أخرجي باش يشوفوك السلفيين و لازم تروحي للمساجد و تختلطي مع الملتزمين باش تتزوجي مع العلم مكانش عندهم اماكن تجمع للملتزمين او ماشابه هي طبعا دايما تقولي الزواج مكتوب ولاما شافونيش الناش ربي يشوفني وأنا بطبيعة الحال نحاول نعاونها بما أستطيع و انا لا ادري بصراحة ساعات نتوسوس لدلك اريد منكم ايها الملتزمين إجابتي
هل صحيح السلفيين يتزوجو فقط المتجلببات و يديرولهم النقاب لان هدا هو السائد؟
هل صحيح المنقبات يتزوجو في المساجد فقط أو لانهن من عائلات ملتزمة معروفة لدى الملتزمين واللي ما تخرجش وما هيش من عائلة ملتزمة وما تروحش للمساجد ما تتزوجش ؟
علابالي الزواج مكتوب وهده مجرد أسباب لكن من خلال معلوماتكم كيف تتزوج المنقبات؟
آسفة على الازعاج و ارجو منكم إجابتي و جزاكم الله خيرا