السلام عليكم و رحمة الله
جاتني فكرة ماعلاباليش اذا تعجبكم
لكل واحدة حبت تتعلم القلب اللوز رااااائع و كيما لي يتباع تسجل اسمها في هذا الموضوع * موضوع متجدد*
كي نعلمكم لازم تجربو معايا توجدو المقادير لي نقولكم عليهم و تخدمو معايا خاطرش الوصفة هاذي يلزم نوجدوها و نخلوه يبات و لي يكون عندها اي استفسار راني هنا
نبداو نسجلو الاسماوات مبعد.....
ان شاء الله تعجبكم الفكرة
نبداو على بركة الله
كل واحدة فيكم توجد المستلزمات هاذو
كيلو سميد خشين نوعية مولا
750 سكر عادي
كاس لاتاي سمن ذائب و بارد
2 كاس لاتاي ماء الزهر
3 كاس لاتاي ماء
200غ لوز مرحي بقشورو /اللوز ماشي لازم لي حبت/
3ملاعق اكل سكر عادي+ماء الزهر
بالنسبة للسيرو* 550 غ سكر عادي
لترا و نصف ماء
برج قارص
ملاحظة*ماتزيدو ماتنقصو في المقادير و لي مافهمتش تكتب استفسار تاعها نفهمها عندكم مدة يومين نفهمكم الطريقة كيفاش يتخلطو خاطرش سرها في كيفية خلطها
لي عودة.....
بالنسبة لنوعية السميد من الافضل يكون مولا هو اجود نوعية و يخرجلك كيما لي يتباع
اما باقي سميد عيانين كامل خاطرش يتعجن و كي تجي تعسليه مايشربلكش
لي تحتمت عليها ديري سيم
بسم الله
راني حطيتلكم المقادير مالا دركا نكتبلكم قبالا الطريقة تبعو معايا مليح
طريقة تحضير عجينة القلب اللوز
ضعي الدقيق في طنجرة + السكر و خلطيهم مع بعض مليح مليح + كأس لاتاي سمن ذائب ماشي سخون و من الأحسن يكون بااارد و نخلط مليح باليد يعني تحكيه بيدك و خليه يدخل مليح مليح في السميد حكي حتى تشوفي بلي خلاص دخل فيه كامل + كأس واحد لاتاي ماء الزهر ماتفرغيهش مباشرة رشي و خلطي كيما كي تفتلي الطعام حركي بحركة دائرية ماتعجنيش + كأس و نص تاع الماء و أخدميه مليح مليح بيدك حتى يتخلط كامل العجين خلطي و حكي بزوج يديك
هذا مكان غطيه بنيلون مليح و خليه يبات هاكدا / وجديها في الليل / و خليه يبات ولا تحبي تديريها مع الصباح باكر في الليل أخدميه كيما تحبي
الآن راهو بات ..........زعما هههه ....نفتحو النيلون و نكملو عليه باقي المقادير نفتحو النيلون و نعاود نخلط الخلطة من جديد خلطي بحركات دائرية و نزيدلها كأس ماء الزهر لي بقا و نخلط مليح هنا دخلي بين يديك كشغلت تعصري اعصري و خلطي + كأس ماء و نصف لي بقات ثاني و نخلط مليح باليد نعجنوه بأصابع اليد و اعصري و خلطي تلاحظي الخلطة ولات جارية و السكر ذاب فيها مليح ///خلاص دركا العجينة راهي واجدة///
ملاحظة كي توجدي العجينة كامل ماتخليهاش تقعد خارج الهواء أكثر من ساعة
دركا نروحو للحشوة لي اتديرش اللوز تبدلها بالكاوكاو
اللوز + السكر نرشوه بالماء الزهر خليه ناشف شوية
نحكم مول او سنيوة مدهونة بالزيت //نقسم العجينة على زوج // لي يدير الحشوة يقسم العجينة على زوج و لي مايديرهاش يفرغ مستوى العجينة مباشرة في المول
نضع النصف الاول في طبقة السنيوة مشيها مليح خاطرش تلاحظي بلي ماتكفيكش هي تجي طبقة رقييييقة ماشي خشينة مشيها مليح في المول ثم انثري الحشوة في الوسط و زيدي القسم الاخر تاع العجينة من الفوق //شمخي يدك و ضعي العجينة بالعقل باش ماتلصقش في يديك //....و دخليها للفرن مباشرة ماتقطعيهاش على درجة حرارة 190 او 210 على حسب نوع درجة الحرارة تاع الفرن ديالك لمدة حوالي ساعة واحدة 1سا كي تلاحظي بلي طابت من التحت خليها تحمار مليييح و تشوفيها حمارت شوية من الفوق بلا ماتشعلي من الفوق خرجيها من الفرن و قطعيها كيما تحبي و ديري حبة لوز في وسط الحبة رجعيها للفرن اشعلي عليها من الفوق و خليها تحمار مليح مليح تقريبا قريب تتنحرق .....خلاص راهي طابت غير تخرجيها فرغي عليها كامل السيرو لي خدمتيه و طفي الفرن و رجعي السنيوة تشرب شوية في الحرارة لي بقات كي تشوفيها شربت شوية عاودي خرجيعا و خليها تشرب خارج الفرن
بالنسبة للسيرو
: نضع السكر + الماء + برج قارص نحطهم على النار غير تغلي خليها مدة 10 دقائق غليان و طفي
بالصحة و الهناء
أي استفسار أنا في الخدمة
لي طلبت صورة المول باذن الله نحط صورتو غدا
أنتظر تطبيقاتكم
الفرن لازم يكون ساخن من قبل ماتطيبي
السنيوة تكون الطول 37 سم و العرض 30 سم
بالنسبة لي طلبو حجم الكاس
و هذا
ترقبو غدا الطريقة بالتفصيل الممل
قائمة المشاركين
oum imane
ممو زين ممو زين
heureuse05
شيماء نور
أم ياسين الزهراء
mama43
ام احسان
اشراقة الامل
زينة سلمة
zoubidaas
sasafede
بشرى2008
oum radja
missahani
TOUTA23
sarah3113
nokia2007dz
*أم كوثر*
aicha3357
الأمنيات
الصوامعية
أم عبير
اشورة
أم فاطمة 27
*أم ايمان*
أم التوأم
ام شرفو
ام خيرو
ام طيب
حنين الدلال
ام زيد
أم نديم
MIMI 2010
توكل
منارة الوفاء
ninafret
ورد و شوك
مملكة لينة
MIMINOU
ام اماني77
djamsidah
ام اماني77
نورالحياةسوف
fleur02
ام عبد المغيث
ام مؤمن
choumy
ام رستم
ماجد93
سمراءشو
fafou12
ام رستم
( تقرير عن مشاركة سيئة )، و الموجودة أسفل كل مشاركة .
2012-08-29, 23:33
لكل من تريد تعلم القلب اللوز.....حصري مع لؤلؤة الفردوس
العرض العادي
