طلب وصفة بالديول

فايزة العباسية · 2014-03-19, 19:46

السلام عليكم حبيت نطلب منكم وصفة حلوى بلا طياب وتكون بالديول وماذابيكم تكون موالمة للمناسبات

zakiya · 2014-03-19, 20:33

ما يكون غير خاطرك حكمي أوراق الديول حليهم و ديريهم فالفور يحمارو من بعد قطعيهم قطع صغار جدا حمصي كمية من الكاوكاو ورحيه+جلجلان محمص + 2 علبشكولاطه سوداء مذوبة تخلطي الكل مع بعض تلميهم بشوية عسل و تكليهم كويرات متوسطة الحجم و بصحة و الراحة

فايزة العباسية · 2014-03-19, 22:00

بارك الله فيك حبيبتي ان شاء الله نجربها

امازيغية وفتخر · 2014-03-20, 06:45

راح نعطيك وصفة بريزونطابل او هايلة وجديدة وسهلة جيدا
خذي ورق الديول
قطحيهم بقطاعة دائرية بقطر 10 سم

الحجم حسب رغبتك و ادهنيهم بالزبدة وحطي كل 2 فوق بعض
يعني دوبليهم
حضري عقدة عادية من المكسرات المتوفرة عندك وشكليها كرات
حطي في وسط ورقات الديول وشكلي رزمة نفس ما نعملو رزمة لعروسة اربطي بخيط الخاص بالطبخ او ب بالخيط المنيوم اللي نربطو بيه اكياس القشقشة
دخلي للفرن حوالي 3 دقائق نار قليلة حتى ياخذو لون ذهبي
خرجيكم خليهم يبردوا
حطيهم في لعسل بلعقل لانهم حساسين جدا
وعند التقديم
بدل الخيط اللي عملتيه ااعملي خيط الالمنيوم الذهبي او الفضي
ان شاء الله وصلت المعلومة
ما عرفتش كيف نوضح جيدا
جربي كمية صغيرة اولا
اذا ما عندكش مكسرات حضري حشوة البيمو او المسكوتشو مرحية
صحيح بسيطة لكن رائعة
بعض الاحيان روعة الاشياء ببساطتها
للملاحظة
نفس الطريقة نحظروا بيها
كموسات مالحين
باللحم او الدجاج او البطاطا
مثل البوراك لكن بشكل مختلف
وهذا نوع اخر

مجرباتو ورائع

تاخذي 5ورقات دوائر مدهونين زبدة حطيهم فوق بعض دخلي الفرن يحمارو
وكل طبقة حطي فوقها كرام باتسيير او كرام الزبدة او كومبوت فواكه وحطي طبقة اخرى من الديول اللي طابو فوق بعضاهم
ذرذري سكر بودر وقدمي التزيين كيما تحبي
كاين زهرة الرمال حلوة معروفة وروعة

كاين صامصة بالديول
محنشة باللوز

بوراك الرنة بالمكسرات

نتمنى نكون قدرت نفكرك في بعض الاشياء

فايزة العباسية · 2014-03-20, 08:27

بارك الله فيك اختي الوصفات كلها رائعة اكيد رايحة نستفاد منها شكرااااااااااااا