عندي مشكل ساعدوووني

magni · 2014-03-12, 15:29

مساء الخير للجميع
انا عندي مشكل في قاطو وردة السيليكون نديروا ايجي بنين لكن مايجينيش يلمع وطلبوني فالوصفة تاعوا واللي تجربوا ايجيها يلمع مع العلم اني ندير شوكولا نوار وكي نسقسيهم ايقولولي كيما قلتينا ديروه درناه وماداروش فيه البريون وكي شفت فالمنتدى لقيت وحدة دهنت المول بالزيت انا مادهنتوش هل هذا هو السر؟

الأمنيات · 2014-03-12, 15:48

لا لا ماشي في الزيت الشوكولا هي عندها دور انا درتهم مره امباسدور خرجوا يلمعو وهاد المره شوكو عادي فيها سكر بزاف ما عجبتنيش

magni · 2014-03-12, 15:57

والله اختي درتوا بالشوكولا امباسدور نوار كي خرجتهم من الثلاجة يلمعوا وبعد يوم ولا لونهم بني فاتح مافهمتش علاه شكرا على الرد

amer fouzi · 2014-03-12, 17:54

الله أعلم مشكلة

نخله. · 2014-03-12, 19:03

ههههههههههههه انا مشكلتي مول السيليكون يلصق اول مرهندير حلوى التاج لصقو وتكسرو حتى درت فالمول فرينه باه جاوني ملاح

انا الشوكولا باش تجي مليحه في اي غلاساج نزيدلها شوي زيت بصح ما جربتتش شوكولا فالسيليكون

امازيغية وفتخر · 2014-03-12, 19:32

السر حسب تجربتي انك ما دخليهاش للثلاجة خليها تبرد في الجو العادي
لان الثلاجة تنديهم
وهذه فكرة تعلمتها من مختصة اجنبية في تحضير الشكولا
لان الشكولا تفقد لونها وتصبح باهته بعد خروجها من الثلاجة
جربي ورديلي لخبر
وموفقة

tatadamizour · 2014-03-12, 19:58

اذا صبتي الحل اختي رديلنا لخبر ههههههههه

touta2010 · 2014-03-12, 20:24

حبيتي الشكولا تجيك تلمع
ذوبي شكولا منى حجم كبير في شوية لحضة مذابة في قليل من الماء
مثلا فنجال صغير ضيفله ثلاث ملاعق صغار لحضة وضيفها للشكولا
ضفها بشوية حذاري تجريها وتفسد

didou89 · 2014-03-12, 23:41

انا نذوب منى او قلاصاج الشكولاطة و نضيفلهم شوية حليب و شوية زيت و تخرجلي تهبل جربيها و رديلي الخبر

zamilio · 2014-03-13, 09:41

انا درت شكولا منى وحدها مزدت حتى اضافات ودخلتها الكنجلاتور مباشرة وخرجتلى تلمع سى منى تهبل

magni · 2014-03-17, 13:28

انشاء الله درك نجرب ونردلكم شكرا ليكم كامل