حاجه تفكر يا أبو جهاد
هالغربه راح تطوِّل ْ
ضعنا وضاعت هالبلاد
باعونا اولاد الحرام
من يوم ما نسيوا الزناد
راحت حيفا وصفد
إتخلى عنها ابن البلد
الشهامه بواد وهم بواد
يا ويلهم من رب العباد
ولا يغرك يا ام جهاد
بكره الحجر راح يثور
ويطرد كل واحد طرطور
وبيدو يغير الدستور
ويرجع أرض الأجداد
يا زلمه حاجه تحلم
راح تظلك بهالمخيم
شو اللي شفته من القمم
كل العرب سكرانين
حادوا عن درب الرشاد
يا حرمه بكفي يأس
راح يرجع الأقصى والقدس
وينزاح عنها هالرجس
بإذن رب العباد
هذا إن ظلينا صاحيين
وتمسكنا بحقنا بفلسطين
وما قبلنا نظلنا لاجيين
والإيد بتضغط ع الزناد
ورجعنا لدرب الرشاد
الجامع نادى ع الفلاح
قوم صليلك ركعتين
واقرا سورة الإنشراح
وادعي لرب العباد
يهدي هالشلة الباقيين
للوحدة وحمل السلاح
مع تحيات
ابن العروب
( تقرير عن مشاركة سيئة )، و الموجودة أسفل كل مشاركة .
2014-02-23, 19:09
حاجة تفكر يا أبو جهاد
العرض الشجري