مشكلتي النظارات

مشكلتي · 2014-03-01, 18:20

سلام عليكم
اولا نحبكم تفهموني مليح علاخطرش غي هنايالي نحكي براحتي حتى امي كي نحكي معاها فهاد الموضوع تقولي معقدة وووو المهم انا من صغري منشوفش مليح وكي نقول لدرنا يقولو راهي غي تلعبها وباش نقولهم لحقيقة يخوفوني بنواظر تعرفوا الوالدين والصغار كي كبرت حتى نقصت بزاف وطفرت رحت لطبيب درت نواظر تخيلو فجاة لقيت لازم عليا نديرهم ومنحيهمش وليت منشوفش بلابيهم تعقدت لدرجة كبيرة وليت نطلب فالموت ونحشم بروحي ومنخرج مندير والو غي لقريا محتمة عليا كي نشوف روحي فالمرايا نقعد نبكي والحمد الله قريت وتخرجت ودرت عدسات من وقتها وانا نحس روحي كيما الناس وكنت فكرة زواج مسحتها من بالي لكن ربي كتبلي رجل صالح معلابالهش انا ندير عدسات مقتلوش لاني عن قريب راح ندير عملية قالولي لازم تقوليلو علاخاطرش واحد في فتاوى هدر معاهم على هاذ الموضوع وراح يطلق مرتو كي كذبت عليه هاذي مشكلتي ميهمنيش نفصل خطبتي كيما يهمني السبب راح نهبل ونبقى معقدة راني نخمم نفصل خطبتي قبل منلحق لهاذاك الموقف واش رايكم الله يخليكم

nihale89 · 2014-03-02, 10:37

يااختي علاه تقلقي في روحك والله حاجة ماتستاهل
الناس عندهم امراض خطيرة وراضييين
هذا مكتوب ربي
كاينين بواف بنات مدايرين النظارة وعايشين عادي وماعندهمش مشكل
وبالنسبة لزوجك لازم تقوليلو وحالا خيرمن يفيق بيك ويحكمهالك بلي كذبتي عليه ومايعودش يدير فبك الثقة
وننصحك نصيحة لوجه الله الراجل عمرك ماتكذبي عليه لازم دايما تكوني صريحة ولو حاجة تضرك
خاطر اكره حاجة عندو الكذب
ربي يهنيك

fati 17 · 2014-03-02, 10:50

وين راه المشكل خيتي رانا كامل بالنواظر وزيد العدسات مايبنوش خلاص

zeyar zeyar · 2014-03-02, 12:37

المشكلة سهلة جدا اخبري خطيبك عن العدسات والعملية وااكد لك انه سوف لا يجد في الموضوع اي مشكلة

كلنا راحلون · 2014-03-02, 13:50

السلام عليكم اولا نصيحة تجنبي الميكرو وتلفاز يضر العين
يلزمك تصارحيه بكل شي ولا داعي للقلق لانه السبب الرئيسي في الامراض ولتحافظي على نظر اكثري من اكل الطماطم في السلاطة و الجزر يخلي شوف ما ينقص وتجنبي ميكرو وتلفاز والله في عونك اختي ولا داعي للقلق الحياة جميلة مهما كانت فيها عقبات ومشاكل لانها زائلة فقط تذكري هناك اناس يقاسو الان في هاد الامطار وبرد لا بيوت لا دار لا دوار ف الحمد الله ونحن ضيوف في هذه الدنيا والسلام عليكم

little smile · 2014-03-02, 14:02

علابالك أنا نموت على النواظر و كي كنت صغيرة كنت نتمنى يقولولي ألبسيهم ههههههههه
أما على خطيبك يا أختي صصارحيه
كلشي ولا الكذب
كون ما تقوليش مرة أخرى يقول خدعتني و تروح الثقة
حاولي تتخلصي من هذا المشكل و تقبلي روحك كيما راكي
و أحمدي ربي عالنعم لي مدهالك

الواثق · 2014-03-02, 14:18

واين المشكل ؟؟؟............وهل النظارات عيب ...................الواجب منكي الصراحة مع هذا الخاطب فان قبل اللهم بارك وان لم يقبل فلعل الله جعل هذا ليسير لك الافضل ...........لكن حذاري من عدم اخبار الخاطب بهذا فهذا نوع من الخداع ...........

والكثير من الرجال والنساء من يلبس النظارات والعيب فيمن نقص بصره ولم يلبس النظارات حتى لايظهر امام الناس ان له نقص

يسر الله امركم
والله المستعان

moucha rayane · 2014-03-02, 16:58

النظارات ليست مشكلة.............ماشي عيب اذا كنتي ماتشوفيش مليح الاغلبية في وقتنا راهم دايرين نظارات................... اما عن خطيبك صارحيه ماشي عيب .................وانشاء الله ما يكون غير خير

أم أماني أريج · 2014-03-02, 23:38

أختي إذا كانت هذي العملية لي رايحة تقومي بها هي عملية لايزك فهذا جيد لأنك رايحة تتخلصي من النظارات نهائيا وعندي أولاد خالي تقريبا كلهم كانوايلبسو نظارات و الآن بفضل الله ثم عملية اللايزك راهم بدون نظارات و يشوفو trie bien .
و أنا في رأيي صارحي خطيبك وماشي عيب إذا كان إنسان متفهم رايح يجيه الأمر عادي.

مياسم الصمت · 2014-03-03, 06:46

شوفي يا أختي نقولك على واحدة كنت نعرفها عز المعرفة

كانت مرتدية للنظارات ومازالت وكان النقص في النظر عندها كبير
يعني النظارات سميكة

وزوجها قبل الزواج كان على علم بذلك
وقبل الزواج بها عادي جدا

وهناك العديد من الحالات تزوجوا فيها النساء وكانوا يلبسوا نظارات ليس فقط عدسات
حبيت نقولك من خلال هذا
لا تستبقي الأمور وتعطي حكما تلقائيا من نفسك على هذا الخاطب
فقد يكون من النوعية التي تتقبل الامر
ولا يهمه ان كنت مرتدية النظارات ام عدسات
او حتي نقص الرؤية في حد ذاته
لأن هؤلاء النوع من الرجال ينظرون الى جوهر الأمور
لا الى سطحيتها

ومن هنا تكتشفين
اخبريه بالامر حتى لا تكوني مخادعة في نظره باخفاءك الامر عليه

فقد يتقبل الامر ان كان اختارك لشخصك لذاتك

وإن كان سطحيا في التفكير لا يهمه غير الشكل الخارجي ولا غير
فتأكدي ان هذا النوع سريع الملل وقد يمل منك بعد الزواج ويغيرك بأخرى
وهذا النوع اكيد لا تفضلين الارتباط به

فالخيرة فيما اختاره الله أختي

لا تستبقي الاحكام واخبريه بالامر
ولكل حادث حديث

ولك الله يا أخية

ربي يصلح الاحوال ان شاء الله

سلام

feriel1989 · 2014-03-03, 11:38

اقتباس:

المشاركة الأصلية كتبت بواسطة مشكلتي

سلام عليكم
اولا نحبكم تفهموني مليح علاخطرش غي هنايالي نحكي براحتي حتى امي كي نحكي معاها فهاد الموضوع تقولي معقدة وووو المهم انا من صغري منشوفش مليح وكي نقول لدرنا يقولو راهي غي تلعبها وباش نقولهم لحقيقة يخوفوني بنواظر تعرفوا الوالدين والصغار كي كبرت حتى نقصت بزاف وطفرت رحت لطبيب درت نواظر تخيلو فجاة لقيت لازم عليا نديرهم ومنحيهمش وليت منشوفش بلابيهم تعقدت لدرجة كبيرة وليت نطلب فالموت ونحشم بروحي ومنخرج مندير والو غي لقريا محتمة عليا كي نشوف روحي فالمرايا نقعد نبكي والحمد الله قريت وتخرجت ودرت عدسات من وقتها وانا نحس روحي كيما الناس وكنت فكرة زواج مسحتها من بالي لكن ربي كتبلي رجل صالح معلابالهش انا ندير عدسات مقتلوش لاني عن قريب راح ندير عملية قالولي لازم تقوليلو علاخاطرش واحد في فتاوى هدر معاهم على هاذ الموضوع وراح يطلق مرتو كي كذبت عليه هاذي مشكلتي ميهمنيش نفصل خطبتي كيما يهمني السبب راح نهبل ونبقى معقدة راني نخمم نفصل خطبتي قبل منلحق لهاذاك الموقف واش رايكم الله يخليكم

choufi okhtii wallah 7assa bikk lakhatarech ana tanik ndir nadarattt kima nti w jamais ndirhom berra ghir f dar w ki nekra psk na7chem bihom w m3akda menhom surrtt m3a alhijeb a3ak mata3jebnich rohi mais kount nkoul l khatibi ana manchoufch mlih nrml makali walo bel3akss wela ykouli dirihom berra welit ndirhom mais ghir netlaka bih ne7chem nahihom khatra kount m3ah kali douk dirihom derthom bessif kotlo mayjounich chabine kali ma3lich ana nchoufek chaba
bessah f dar ki ja w chafni bla hijeb w bnwader hbel 3liya kali ta3jbini bezaf benwader
w zed kali nhab wahda dir nwader
voila alors matakssrich rassek

البنت الجلفاوية · 2014-03-03, 12:01

ليس بمشكل مطلقا ...عاغدي النظارات فلا تجعلي الامر يكون غير ذلك
اما عن خطيبك فلا بد من ان تخبريه حتى لا يكون خداعا فيحقه فلربما يتقبل احسن من ان تخبريه فيما بعد فسيحس ذلك نفاقا
الله يسر لك

* الحلم سكر * · 2014-03-03, 12:19

السلام عليكم و رحمة الله
اختي راح نحكيلك حكاية صرات معايا من يومين رحت لعرس قريبتي هي بالاصل ترتدي نظارات و صدقيني واثقة من روحها ثقة عمياء و ما همها والو
الاكثر انها يوم عرسها بالاول حنتها عادي و من بعد جات قعدت مع المعاريض في عرسها و لابسة النظارات ما تعقدت ما والو

صدقيني و الله انا و حرت و يعطيها الصحة ... صح كانت قادرة تدير عدسات و كذا مي هي دارت واش خرج عليها و انا نترجمها ثقة بالنفس ا اكثر لا اقل

يا اختي صارحي خطيبك و انتي بيديك تحسيه اذا راكي ضعيفة او لا و زيد هاذي حاجة ربي و ماهيش صعيبة عندها الف حل انتي برك تعقدي في روحك

ربي يسهلك ان شاء الله و بشرينا بعد ما تخبريه و تديري العملية و تشفاي تماما

و ربي يسهلك كل امورك

ساندريلا · 2014-03-03, 14:51

اختي الامر جد عادي هذه ماشي بيدينا
نفس الامر صار معي انا في اول يوم اخبرته الحقيقة و هو قال مكتوب ربي وتزوجت والحمد لله لم تتأثر علاقتي ابدا بزوجي
اذا كان خطيبك انسان مؤمن فلن يهمه الامر لانه يعرف أنه من عند الله تعالى

نورالهدى بيولوجيست · 2014-03-04, 15:43

اختي الكذب مش مليح من الاول كنتي تقولي

حتى و تكون صعيبة مش اصعب من انك تكذبي عليه

انا عندي اختي مثل حالتك من صغرها دايرة نواظر و كي دخلت الجامعة دارت عدسات

كان واحد حاب يخطبها و فعلا جانا للدار و كانت مترددة كيفاه تقولو و عاوناها و شجعناها

و قالتهالو بصعوبة و صدقيني وخيتي والله غير تقبل بصدر رحب

المهم تزوجت عندها 3 سنين و مازالت بالعدسات و ماشاءلله هانية معاه و بالعكس

راها تضحك على روحها مين كانت مترددة

ربي يوفقك و يهنيك