انا في حاجة اليكن في غربتي

فخري اسلامي · 2016-08-07, 12:00

السلام عليكم اخواتي الغاليات

انا جديدة في المنتدى مع اني من سنوات كثيرة ازوره للاطلاع على حجات كثيرة
المهم اخواتي الغاليات انا في حاجة الى مساعدتكن لي في امور كثيرة لكن سابدا اولا بما انا في عجلة من أمري لأجله

عندي مناسبة عرس في بلد عربي شقيق لوحده صديقتي او الأفضل اقول اخت لي وإن شاء الله و جائتني فكرة ان اخذ لها من بين الهدايا حلويات جزائرية لأمثل بها بلدي العزيز ، أعلم ان الكثيرات منكن ستقول اشتري الجاهز أولا انا متزوجة في بلد عربي أخر و بكل بساطة استطيع أن اخذ حلويات منه لكن انا احببت فكرة ان اصنع بنفسي حلويات جزائرية لأمثل بها بلدي ، و هذا بهدف التعريف ببلدنا وبما يحويه من خيرات كثيرة وفنون راقية وأهم ما تتميز به المرأة الجزائرية انها ذواقة و صانعة ممتازة من ولا شيء تعمل أشياء ذات قيمة من بينها الحلويات، علما اني وقت كنت في الجزائر كنت بارعه في صنع بعض الحلويات لكي لا ابالغ واقول اغلب الحلويات، لكن انا لي فترة لا اعرف ما هو جديد.

ثرثرت كثيرا عليكن طلبي هو ان تساعدوني بوصفات حلويات مرفقة بصور خاصة الاشكال لكن تكون حجات جميلة و مميزة و سهلة التحضير لاني صا اصنع حلويات لعرس يعني كمية معتبرة فاريد ما هو جميل و مبهر و سهل ههههههههه

اعلم انكن لن تبخلن علي ثقتي في الله كبيرة ثم فيكن اخواتي الغاليات

كذلك انا لا تظهر عندي كل صور المواضيع اغلبها لا يظهر عندي هل هناك اخت فاضلة تفهمني ماهو سبب ذلك وما يتوجب علي فعله لأجل ظهور كل الصور عندي؟

طبعا كل مرة ساطلب منكن حجات خاصة الطبخ التقليدي لاني باختصار قبل زواجي كنت مثل ما نقول بالجزائري وحده مكسرة ولما تزوجت وانجبت قررت اتعلم كل ما هو جزائري من اجل التعريف ببلدي من جهة ومن أجل ابنتي الاغلى من ورحي ربنا يحفظهالي يارب من جهة اخرى لكي تكبر فحلة خير مني و تعرف كل ما هو جزائري وتفخر به

شكرا لكن على طول بالكن في الاصغاء الى ثرثرتي

ميمي2012 · 2016-08-07, 12:12

السلام عليكم ورحمة الله وبركاته

اولا : ربي يهون عليك الغربة أختي ويسر امرك ويسهلك كل عسير واهلا وسهلا بيك بيننا
في ما يخص الوصفات ان شاء الله يذخلو القماقم نتاع المنتدى ويساعدوك .
برك حبيت نقلك تعجبني حلوة جلجلانية هايلة وسهلة وكذلك جميلة وطابع نتعها مول السليكوم
والا تحبي نعطيك الوصفة وطريقتي مختلفة انا تاعي تجوزيها في لعسيلة

والصور الي متضهرش اختي رنا كامل نعنو من هذ المشكل مي خدي الربط ودريه في جوجل واكليكي على صورة
ممكن تلقي الموضوع والصور مبعثرة
وربي يخليلك ابنتك ويسعد ايامكم ويجعلها كلها افراح .......................ابتسامة وسرور .
ثرتارة اكثر منك ههههههههههههههههه
سلام

asma bb · 2016-08-07, 13:01

اقتباس:

المشاركة الأصلية كتبت بواسطة ميمي2012

السلام عليكم ورحمة الله وبركاته

اولا : ربي يهون عليك الغربة أختي ويسر امرك ويسهلك كل عسير واهلا وسهلا بيك بيننا
في ما يخص الوصفات ان شاء الله يذخلو القماقم نتاع المنتدى ويساعدوك .
برك حبيت نقلك تعجبني حلوة جلجلانية هايلة وسهلة وكذلك جميلة وطابع نتعها مول السليكوم
والا تحبي نعطيك الوصفة وطريقتي مختلفة انا تاعي تجوزيها في لعسيلة

والصور الي متضهرش اختي رنا كامل نعنو من هذ المشكل مي خدي الربط ودريه في جوجل واكليكي على صورة
ممكن تلقي الموضوع والصور مبعثرة
وربي يخليلك ابنتك ويسعد ايامكم ويجعلها كلها افراح .......................ابتسامة وسرور .
ثرتارة اكثر منك ههههههههههههههههه
سلام

والله جيتي في وقتك يا اختي انا كذلك في حاجة الئ هذه الحلوي لاني هنا في زيارة الئ فرنسا و عرضتني اخت مقيمة هنا و حبيت نديرلها قاطو مليح نديه في يدي
اذا ممكن اعطيني الوصفة تاع الجلجلانية و يعطيك الصحة

ميمي2012 · 2016-08-07, 13:41

العفو اختي انا في الخدمة .
تبعي برك مليح معيا باه تخرجلك شابة كما تاعي تحمر الوجه.
أولا قبل كل شيئ: حمصي ملعقتين اكل نتاع الجلجلان لكي نلقوه برد عند الإستعمال
امقادير :
تخدي250غ منغرين نوع لابال
4صفار بيض
3ملاعق اكل سكرقلاص
5ملاعق حليب لحظة
3ملاعق ميزينة
2ملاعق جلجلان محمص( وبارد باه ميخصرش العجينة وتجي مزية بزاف )
نصف كيس وزدي قرصة يعني من الكيس خميرة نورة
لافاني وشوية زست نتاع القارص
فرينة .

عسل مخفف بماء الزهر .وعلبة شكولاطة لتزين ولجولي وجلجلان ابيض يعني بدون تحميص

التحضير :
خدي منغرين بدرجة حرارة الغرفة يعني طرية وضربيها وضفي الصفار وحدة تلو الأخرى وانت ضربي ومن بعدي ضفي باقي المقادير وانت ضربي
وفي الأخير خلطي بالملعقة وأنت ضفي في الفرينة لازم العجينة تكون طرية باه ترفدلك الجلجلان من بعد .
شفي اختي الا معندكش ميزان باه تجيك الحبات متساوية وقد قد وجميلة انا نخد بشون نتاع دواء يكون متوسط ونخد بيه العجينة ونحط في الصحن يكون مغلف بكيس ابيض تخرجلك وحد 36حبة حتى38
ومن بعد نكور ونضع في كيس اخر فيه الجلجلان ومن بعد نرفد ونعمر المول نتاع السلكوم بظغط على الحبة تخد مكنها
ونطيبها متبطاش اخلاص 6 ولا7 دقائق طيب ولما نكمل نمررها في العسل مخفف بماء الزهر دخلة خرجة يعني منخليهاش تشرب
ونحطها في السنيوة ونزينها بلجولي وخطوط الشكولاطة

وتقدري دريها مشي معسلة برك دري 5ملاعق سكر اقلاص

اتمنى تنجحي فيها وتعجبك بتوفيق اختي وبصحتكم

حياتي نبع امل · 2016-08-07, 14:32

السلام عليكم
ربي يقدرك ويعينك
انا من رايي ديري الحلويات التقليدية وخليها في شكلها التقليدي. متال مقروط. بقلاوة. عرايش. مخبز. قنيدلات. دزيريات. الفنيد. المشكلة .اما الانواع الجديدة الاختلاف في طريقة التزيين تقريبا نفس الوصفات

فخري اسلامي · 2016-08-07, 14:49

ربي يخليكن
وشكرا للاخت الكريمة على حلوة الجلجلانية وصفة جميلة وسهلة
اما بالنسبة للاخت الفاضلة الي اقترحت الحلويات التقليديةة صح هو شي جميل لكن انا محصورة بالوقت انا حبيت حلويات تكون جميلة و شيك وسهلة في نفس الوقت لاني محصورة بالوقت وكذلك لازم نصنع منكل نوع كمية كبيرة ومكاش الي تساعدني وشكرا ليك كتير ولكل من تكرمت بالرد علي

ام رضوان · 2016-08-07, 16:21

السلام عليكم
اختي انصحك بحلويات الاخوات هنا في المنتدى
راهي حلويات هايلة
كاين تاع ام اماني واسمهان والاخت زينب ووووو كثيرات هن في هذا المنتدى
والهام راهي حطت حلويات هايلة راهي في قسم الحلويات
اكتبي في قوقل مدونة ام اماني راهم يخرجولك الوصفات
وحلويات اسمهان تلقايها في قسم الحلويات
اما بالنسبة للصور يمكن لانك عضوة جديدة
هكذا انا لما بديت صراتلي وبعد ما اصبحت نشارك رجعت نشوف الصور
اتمنى لك التوفيق وارجو ان اكون افدتك.شكرا